Sony Xperia Z3+ 細鋪行貨價大跌，追上 LG G4 ！
屈指一算，係行貨手機來講目前其實只有 Sony Xperia Z3+ 係用上旗艦級的 Qualcomm S810 處理器同時價錢係大鋪仍然企係五字頭嘅。不過，若然大家想入手的話其實仍然係有方法用更平的價錢入手的，版主就發現深水埗有細鋪已經將 Xperia Z3+ 的價錢調低，只係 $4630 就有交易，呢個價錢同大鋪賣緊的 LG G4 更加平！對於想入手的朋友應該好多人都想知道埋水貨價錢做下參考，版主到過先達場內問價，發現原來 Z3+ 的水貨價同而家細鋪行貨做緊的價錢相差並唔遠，都要 $4380 。
▲ Sony 手機大家在入手前記得留意細鋪是不是指定的經銷商，按連結可以查看
LG G Flex 2 場價暴跌！水貨價兩千幾有找
如果講最平 S810 手機來講，之前大鋪價當然首推 LG G Flex 2 ！但其實係先達場內 G Flex 2 的價錢更低，而且係低得有點誇張！版主就聽聞因為 G Flex 2 銷情相當一般，不少大鋪為左盡快清貨不得不將手機從其他渠道放出。唔知係咪因為呢個原因，目前場內 G Flex 2 水價（中文版本）只係 $2680 就有交易！而「場內行貨」亦比目前大鋪價低，只係需要 $3180 ！講完兩部 S810 旗艦減價的消息再分享多少少有趣的資訊，係大鋪將 One M9 價錢劈至 $3998 之後，版主發現呢個價錢比起場內行貨更加便宜，即使係水貨版本 M9 價錢都仲要 $3780 。唔知大家又覺得邊部旗艦會係大鋪下一次劈價的目標呢？一齊留言講講啦！
▲ G Flex 2 的場價目前都幾波動，如果要入手的話大家可以多問幾間格好價啊！
在文章發佈的時侯， Sony Xperia Z3+ 賣價為 $5,128，按此看詳細規格和最新賣價。
在文章發佈的時侯， LG G Flex 2 賣價為 $3,998，按此看詳細規格和最新賣價。