主題:屏幕拼 G4! Nexus 5X 外型、跑分版主上手試!

ePrice HK
  • 發表時間:2015-11-05 20:07
    今年推出的 Nexus 手機分左兩個路線,一個是由 LG 代工,叫 Nexus 5X,而另一個係由 Huawei 代工的,叫 Nexus 6P。而由今日起,Nexus 5X 就已經喺各大特約經銷商接受預訂,並於今個月第二個星期正式公開發售, 16GB 的售價為 HK $3398,而 32GB 的售價為 HK $3898,顏色方面有碳灰色、石英色以及冰晶色三種顏色。今日,版主有機會親身上手試下用由 LG 代工的 Nexus 5X,並為佢嘅外型、屏幕、跑分、相機做左一個簡單的測試,事不宜遲,版主即刻為大家介紹一下呢部 Nexus 5X。

    屏幕拼 G4! Nexus 5X 外型、跑分版主上手試!

    外型 + 上手感
    首先同大家介紹一下 Nexus 5X 的外型方面,咁頭先講過,呢部 Nexus 5X 係由三隻顏色俾你選擇,分別係碳灰色、石英色以及冰晶色。而版主今日上手試果部 Nexus 5X 係石英色,佢呢種色其實同米白色差不多。呢部機的機身尺吋為 147 x 72.6 x 7.9 mm,重量則為 136g。版主今日試過兩部機,一部係 OnePlus X,另一部就係而家呢部 Nexus 5X,雖然話 Nexus 5X 的重量比 OnePlus X 的重量 (138g) 還要輕,但版主個人覺得 Nexus 5X 在手感上比不上 OnePlus X,可能因為少左 OnePlus X 的金屬邊框卦,拎上手總感覺有少少滑手。另外,Nexus 5X 採用了 5.2 吋全高清 IPS 屏幕,

    屏幕拼 G4! Nexus 5X 外型、跑分版主上手試!
    ▲ 一共有三款顏色。

    屏幕拼 G4! Nexus 5X 外型、跑分版主上手試!
    ▲ Nexus 5X 的正面你可以見到有個 5.2 吋 IPS 屏幕,無論你是使用哪種顏色的 Nexus 5X,正面始終都是黑色,不同的只是機背的顏色。

    屏幕拼 G4! Nexus 5X 外型、跑分版主上手試!
    ▲ 因為部 Nexus 5X 的機面係黑色,所以未必睇得到好清楚,其實部機的右上方會有一個 500 萬像素的前置鏡頭 (不過其實大部份智能手機都係咁,無咩咁特別) 。

    屏幕拼 G4! Nexus 5X 外型、跑分版主上手試!
    ▲ 而機背方面,你會見到版主手上的是石英色的 Nexus 5X,上方有相機以及閃光燈,鏡頭下方有個指紋辨識器,中間位置會有 「nexus」的字樣,而最下方則細細隻寫住「LG」。

    屏幕拼 G4! Nexus 5X 外型、跑分版主上手試!
    ▲ Nexus 5X 採用了 1230 萬像素主鏡頭。

    屏幕拼 G4! Nexus 5X 外型、跑分版主上手試!
    ▲ 機的頂部你會見到有個好細好細嘅收音孔。

    屏幕拼 G4! Nexus 5X 外型、跑分版主上手試!
    ▲ 機的底部則有 Type-C 的 USB 槽以及 3.5mm 耳機孔。

    屏幕拼 G4! Nexus 5X 外型、跑分版主上手試!
    ▲ Nexus 5X 的左側有個 nano Sim 卡槽。

    屏幕拼 G4! Nexus 5X 外型、跑分版主上手試!
    ▲ 機的右側有開關鍵與音量鍵。

    Nexus 5X 跑分測試:安兔兔 + BaseMark ES 2.0 Taiji + Vellamo
    Nexus 5X 配備了 Qualcomm Snapdragon 808 1.8GHz 六核心處理器,呢款處理器比較常見,就如 LG 最近推出的 V10、LG G4 、小米 4c 等等,都是採用 S808 處理器。既然使用同款處理器,估計在跑分表現上應該都不會相差太遠。版主用左一系列的跑分測試軟件為呢部 Nexus 5X 進行跑分測試,得出的結果是 42100 分,相比 我之前測試的 LG 「神機」 V10 低左成 7000 分,而同版主 Keith 之前測試的 G4 的跑分相比就差不多,相差千幾二千分左右。不過以 S808 處理器黎講,呢個分數都算差不多。

    屏幕拼 G4! Nexus 5X 外型、跑分版主上手試!
    ▲ Antutu 跑分為 42100 分,係用上 S808 CPU 嘅手機裡面,叫做中上。排行方面僅次於採用 Exynos 5433 處理器的 Samsung Galaxy Note 4。而內存方面,Nexus 5X 配備了 2GB RAM,而版主手上呢部係 32GB ROM 的版本,開機後可使用的儲存空間大約為 24GB 左右,而 RAM 方面側大約有 0.93GB 可用,不過對版主黎講已經好夠用。

    屏幕拼 G4! Nexus 5X 外型、跑分版主上手試!
    ▲ Basemark ES 2.0 用來測試手機運作 3D 遊戲嘅效能,有 60fps 叫十分好。得出 60.23 分代表用呢部 Nexus 5X 玩 3D 遊戲,其表現以及流暢度應該都是一流的。這亦係用 Qualcomm 高效 CPU 好處之一。

    屏幕拼 G4! Nexus 5X 外型、跑分版主上手試!
    ▲ Vellamo 跑分分為Chrome 瀏覽器、多核與金屬。Chorme 瀏覽器代表用 Chorme 上網嘅流暢度。Nexus 5X 分數有 3005 分,算係很不錯的成績,代表用來上網 browsing 感覺會很順暢。而多核、金屬用來測試手機整體效能。多核是多核心 CPU 運作情況,Nexus 5X 分數一般,只有 1774 分,成績與 OnePlus One 差不多。而金屬方面 Nexus 5X 有 2229 分,分數不錯,僅次於 LG G4。

    屏幕決戰 LG G4
    以上就同大家介紹左呢部機的外型,同埋測試左 3D 表現、上網速度等各方面的跑分,而家就同佢做一個屏幕方面的大比拼。今次版主就揀左同是 LG 生產的 G4 作為佢嘅對手,點解呢? 除左因為 Nexus 5X 同 G4 的價錢相若之外,而且呢兩部機都係用上左 IPS 屏幕,唔知同 G4 比較喺上黎孰優孰劣呢? 首先版主都係各自兩部機入面挑選左個靚靚 Model 俾大家一飽眼福先! 今次版主我就揀左個外國 model,跟以往一樣,版主將呢兩部機的亮度調到最光,方便在同條件下做個比較。

    屏幕拼 G4! Nexus 5X 外型、跑分版主上手試!
    ▲ 都係同大家講清楚啲先,圖中左邊嘅係 LG G4,而右邊係 Nexus 5X。咁從正上面影落去,我地可以見到同是 IPS 屏幕,但都有細微的分別。版主發現,LG G4 的屏幕從正面來看比 Nexus 5X 偏紅,呢點從 Model 的頭髮方面可以看出,而 Nexus 5X 的白色出得白啲。不過從顏色上,LG G4 的對比度相對較 Nexus 5X 高,層次上比較鮮明。

    屏幕拼 G4! Nexus 5X 外型、跑分版主上手試!
    ▲ 側少少望落去,發現除左顏色上的差別以及 LG G4 光左少少之外,兩部機的影像依然十分清晰,暫時未見有「偏色」的現象。同樣地,LG G4 給版主的感覺是比較偏紅一些,而 Nexus 5X 則偏黃一點。

    屏幕拼 G4! Nexus 5X 外型、跑分版主上手試!
    ▲ 再側少少影落去,你會見到其實影像依然能夠清晰可見,不過 Nexus 5X 望落去就更黃一點,如果從正面睇,G4 可能會偏紅,但從側面看,G4 能夠完勝 Nexus 5X。

    屏幕拼 G4! Nexus 5X 外型、跑分版主上手試!
    ▲ 至於將 Model 嘅相 Zoom 大佢睇下佢嘅頭髮,差距就出現了! 2K 芒果然是 2K 芒,LG G4 能夠清清楚楚地看到一條條的髮絲,而 Nexus 5X 就會見到有點兒模糊。也許在屏幕方面,從細緻度方面可以明顯見到兩部機之間的差距。

    屏幕拼 G4! Nexus 5X 外型、跑分版主上手試!
    ▲ 我地再用 Google Chrome 全白的界面比較一下,你會見到左邊部 G4 啲色會比較偏藍,而 Nexus 5X 就比較白啲。

    屏幕拼 G4! Nexus 5X 外型、跑分版主上手試!
    ▲ 但側少少睇,我地會見到部 G4 的顏色會變白左,但 Nexus 啲色就開始有少少偏藍左。

    屏幕拼 G4! Nexus 5X 外型、跑分版主上手試!
    ▲ 再側啲睇,G4 啲顏色同之前無咩太大的分別,反而見到 Nexus 5X 會出現「偏色」。

    小結
    版主認為,Nexus 5X 都算係一部唔錯的智能手機,雖然版主覺得手感上差少少,造工上甚至比不上大陸機 OnePlus X,但係從跑分、規格來睇算係唔錯。美中不足是屏幕方面,可視角度不及 G4 好,甚至可能會出現輕微的「偏色」現象。特別好似頭先放大睇頭髮嘅時候,我地會見到影像的細緻度明顯不及 G4。不過 G4 始終是配備 2K 芒,Nexus 5X 唔夠佢黎都情有可原。唔知大家對於呢部機有無好感呢? 覺得呢部機岩唔岩你心水呢? 講下你嘅意見啦!

    按這裡大 LG Nexus 5x 相片試拍,仲有跟 LG G4 比拼架

    LG Nexus 5X (16GB) 在文章刊登時,建議零售價為 HK $3398,按這𥚃有詳細規格及最新賣價
    Google Nexus 5X (16GB) 在文章刊登時,建議零售價為 HK $3398,按這𥚃有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Google Nexus 5X 16 GB
    • 現時售價: HK $2,298
    • 尺寸: 147.0 x 72.6 x 7.9 mm / 136 g
    • 電池: 2700 mAh
    • 插卡:
    • 螢幕:
    • 相機: 1230 萬像素CMOS
    • 顏色: 白/黑/粉藍
    • 時間: N/A
    • 上市: 2015-11-09
    • 外型: 直立
      • 3G
      • 無 HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • LG Nexus 5X 16 GB
    • 現時售價: 已下市
    • 尺寸: 147.0 x 72.6 x 7.9 mm / 136 g
    • 電池: 2700 mAh
    • 插卡:
    • 螢幕: 1920 x 1080、 5.2 吋 IPS TFT
    • 相機: 1230 萬像素CMOS
    • 顏色: 白/黑/粉藍
    • 時間: N/A
    • 上市: 2015-11-09
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔