主題:LG V10 版主上手! 跑分、屏幕、音質、雙屏幕立即試!

ePrice HK
  • 發表時間:2015-10-22 15:49 收錄檢舉
    大家平時見開嘅手機都係得一個屏幕,睇都睇到悶,唔知大家有無興趣見下新野呢? 今日 LG 發佈左一部擁有雙屏幕嘅智能手機 V10,雖然佢喺處理器方面只採用了 Qualcomm Snapdragon 808 六核心處理器,但依然無減大眾對 V10 雙屏幕、雙自拍鏡頭嘅好奇,加上呢部 V10 具備出色的拍攝以及錄影功能,相信大家應該會對呢部 V10 感興趣。版主而家就會喺外型、屏幕、跑分方面為大家進行上手介紹以及簡單測試,等大家可以更加清楚。

    LG V10 版主上手! 跑分、屏幕、音質、雙屏幕立即試!-0

    雙屏幕 + 堅固耐用機身

    LG V10 版主上手! 跑分、屏幕、音質、雙屏幕立即試!-1
    ▲ 首先當然從大家最關心嘅外型方面講起啦! LG V10 將會在香港推出 20K 鍍金色系(白、米色)、精鋼色系(黑色)以及 20K 鍍金真皮版(黑色)。

    LG V10 版主上手! 跑分、屏幕、音質、雙屏幕立即試!-2
    ▲ 配備了 5.7 吋 Quad HD IPS Quantum 量子屏幕,機身體積為 159.6 x 79.3 x 8.6 mm,重量為 192g。老實講,版主覺得呢部機拎上手嘅時候有啲重。

    LG V10 版主上手! 跑分、屏幕、音質、雙屏幕立即試!-3
    ▲ 機背採用左堅韌但柔軟嘅 Dura Skin,能夠有助抗刮痕同埋磨損,能夠進一步保護機身。你可以見到佢嘅機背好似一粒粒咁,摸上手會小小「諧」。不過版主我個人就唔係咁中意佢呢個格仔嘅 Pattern,但整體上尚算不錯。

    LG V10 版主上手! 跑分、屏幕、音質、雙屏幕立即試!-4
    ▲ LG 採用左堅固、SAE 級 316L 不銹鋼嘅 Dura Guard 邊框設計,除左能夠緊貼屏幕抗撞之外,版主覺得佢亦都可以增加呢部機嘅手感,拎上手果陣時就覺得好舒服。Dura Skin 與 Dura Guard 的配合,能夠為你部 V10 作雙重保護,令產品更耐用。LG V10 亦符合 MIL-STD-810G 軍用防撞規格,能夠在 48 吋嘅高度下,以不同嘅角度跌部手機都唔會咁容易爛。

    LG V10 版主上手! 跑分、屏幕、音質、雙屏幕立即試!-5
    ▲ 機嘅底部會有 3.5 mm 耳機孔以及充電插槽。

    LG V10 版主上手! 跑分、屏幕、音質、雙屏幕立即試!-6
    ▲ 睇番機嘅前面,你可以見到左上角果個位會有個 500 萬像素雙自拍鏡頭,令你自拍嘅時候可以影到更加靚嘅相。另外,唔知大家有無留意到,佢嘅前面同其他智能手機有咩唔同? 答案就係......佢喺主屏幕上方其實隱藏住一個 160 x 1040 解像度嘅 IPS Quantum 量子副屏幕(即係寫住 V10 果個位置),到底呢個功能有咩好呢? 版主之後會再同大家講解。

    LG V10 版主上手! 跑分、屏幕、音質、雙屏幕立即試!-7
    ▲ 而佢嘅背後你可以見到有個 1600 萬像素光學防手震 OIS 2.0 F/1.8 大光圈鏡頭,左邊有個閃光燈,而右邊有個 Laser。咁鏡頭嘅下方你可以見到有三個按鍵,第一同第三個唔洗點解釋啦,就係佢嘅音量按鍵,而中間果個按鍵呢,其實係佢嘅指紋解鎖器,只要你設定左你嘅指紋,咁你下次開畫面嘅時候就可以按一按個按鍵解鎖,又方便又快捷。

    LG V10 跑分測試
    LG V10 採用了 Qualcomm Snapdragon 808 1.8 GHz 六核心處理器,好多人都覺得 LG V10 唯一的失敗之處在於佢呢粒 CPU,如果將來 LG 可以推出更好處理器的版本,相信呢部機可以話完美。版主就用一系列嘅跑分測試軟件為呢部 LG V10 進行跑分測試,而在 64-bit 模式下,V10 得出的跑分為 49745 分,接近 5 萬分嘅成績,但比 LG G4 還是低少少。不過以 S808 處理器黎講,呢個水準算係差不多。

    LG V10 版主上手! 跑分、屏幕、音質、雙屏幕立即試!-8
    ▲ AnTuTu 跑分為 49745 分,係用上 S808 CPU 嘅手機裡面,叫做唔錯。排行方面僅次於 LG G4,但比 ASUS ZenFone 2 以及 Samsung Galaxy Note 4 高。內存方面,V10 配備了 4GB RAM 以及 64GB ROM,對於版主黎講夠哂用。

    LG V10 版主上手! 跑分、屏幕、音質、雙屏幕立即試!-9
    ▲ Basemark ES 2.0 用來測試手機運作 3D 遊戲嘅效能,有 60fps 叫十分好。得出 60.45 分代表打 3D 遊戲,應該會不錯嘅效果。這亦係用 Qualcomm 高效 CPU 好處之一。

    LG V10 版主上手! 跑分、屏幕、音質、雙屏幕立即試!-10
    ▲ Vellamo 跑分分為Chrome 瀏覽器、多核與金屬。Chorme 瀏覽器代表用 Chorme 上網嘅流暢度。V10 分數有 3568 分,算係好好嘅成績,代表用來上網 browsing 感覺會好好。而多核、金屬用來測試手機整體效能。多核是多核心 CPU 運作情況,V10 分數都係相對好,僅次於 Samsung Galaxy S6。

    屏幕大比拼:LG V10 VS Samsung Note 5
    咁岩岩我就簡單為大家介紹過呢部 V10 嘅外型同埋部份特點,咁而家就同大家講下屏幕方面。咁喺差不多價錢嘅機裏面,版主就揀左 Samsung Galaxy Note 5 黎做對比,睇下會唔會有啲咩野大不同。首先版主我就各自於 LG V10 以及 Samsung Note 5 上挑選左一張一樣嘅美女圖,然後將兩部手機的光度調到最高,方便做個比較。

    LG V10 版主上手! 跑分、屏幕、音質、雙屏幕立即試!-11
    ▲ 美女現身! 咁首先左邊就係 LG V10,而右邊就是 Samsung Galaxy Note 5,咁你會發現啦,Note 5 的屏幕會相對地光啲,而 LG V10 就相對地偏藍較冷,而 Note 5 顯示嘅白色出得更白。

    LG V10 版主上手! 跑分、屏幕、音質、雙屏幕立即試!-12
    ▲ 咁我側少少影落去,發覺 Note 5 嘅圖像開始愈來愈白,開始會有少少唔清,但都仲睇到,而 V10 依然能夠保持佢嘅清晰度。

    LG V10 版主上手! 跑分、屏幕、音質、雙屏幕立即試!-13
    ▲ 好喇! 當我將角度再側啲影落去,就會發現 Note 5 屏幕嘅顏色開始唔掂,出現「偏色」嘅現象,反觀 LG V10,屏幕顏色依舊保持自然。

    LG V10 版主上手! 跑分、屏幕、音質、雙屏幕立即試!-14
    ▲ 另外,如果我地將張圖片放到最大,會發覺 V10 放大得唔夠 Note 5 大,而且由於 Note 5 屏幕亮度較光,亦突顯出 Model 面部的層次感。

    雙屏幕版主示範
    LG V10 其中一個獨特的地方在於佢嘅雙屏幕,咁到底佢嘅副屏幕有啲咩野功用呢? 呢個副屏幕可以獨立運作之餘,仲可以設定做 Always-On 模式,意思就係,當你主屏幕關上嘅時候,佢嘅副屏幕都依然能夠繼續顯示一啲基本資訊,例如時間、電量、日期等,咁你有時行行下街或者做做下野想知道時間嘅話,只要拎部手機出黎,咩都唔洗做,淨係望住個副屏幕,就能夠見到時間。不過唯一缺陷係,佢個副屏幕嘅亮度係無得自行調較,但一般在普通室內嘅環境都能夠睇得清楚。

    對於平時中意用手機打開機或者睇片嘅朋友,呢個副屏幕對你地黎講都有好處。有時當你使用全屏幕享受電影或者遊戲嘅時候,副屏幕會顯示來電及其他通知,唔會阻擋主屏幕嘅畫面,你可以暫時唔理果啲提示,等你打完機睇完片先睇番,咁你打機睇片嘅時候都可以進行得舒暢一啲!


    LG V10 版主上手! 跑分、屏幕、音質、雙屏幕立即試!-15
    ▲ 首先左上角寫住 Wilson Li 果個位就係果個副屏幕,而簽名檔你係可以自行在設定更換的。

    LG V10 版主上手! 跑分、屏幕、音質、雙屏幕立即試!-16
    ▲ 用手指從右向左撥,你可以見到仲有其他資訊可以顯示到。
    LG V10 版主上手! 跑分、屏幕、音質、雙屏幕立即試!-17
    ▲ 例如最近使用的軟件。

    LG V10 版主上手! 跑分、屏幕、音質、雙屏幕立即試!-18
    ▲ 常用聯絡人。

    LG V10 版主上手! 跑分、屏幕、音質、雙屏幕立即試!-19
    ▲ 音樂播放設定,你可以按播放、下一首及上一首。

    LG V10 版主上手! 跑分、屏幕、音質、雙屏幕立即試!-20
    ▲ 亦可以記下一些重要事件。

    LG V10 版主上手! 跑分、屏幕、音質、雙屏幕立即試!-21
    ▲ 最後當然是軟件的快捷鍵。

    LG V10 版主上手! 跑分、屏幕、音質、雙屏幕立即試!-22 
    ▲ 你可以看到,就算主屏幕關上了,但依然能夠清楚見到時間、日期。 

    LG V10 版主上手! 跑分、屏幕、音質、雙屏幕立即試!-23   
    ▲ 你可以自行在設定,選擇你想要顯示嘅資訊內容。

    音質好正! 支持 32bit Hi-Fi DAC
    LG V10 仲有一個好正嘅地方就係,佢本身內部係配備左一個獨立嘅 ESS DAC 音訊解碼晶片以及 AMP 隨身耳擴功能,是市面上少見能夠支持 32-bit Hi-Fi DAC 的手機,而且仲可以兼容高抗阻耳機,讓音質可以媲美數碼音樂播放器 (DAP)。當你開啟 32 位元 HiFi DAC 呢個功能,LG V10 可以將你嘅音樂自動轉換成 32bit 高解析度音訊,讓你可以聽到好正嘅音質。同時,佢可以針對耳機嘅抗阻值,調校手機嘅輸出功率,能夠提供最佳嘅聽覺體驗。版主在現場用以下嘅耳機親身試過,使用高阻抗耳機,發覺如果唔開啟 32 位元 HiFi DAC,就會比較細聲同埋唔清。但相反如果你開左嘅話,咁就會大聲左,音色靚左好多好多!

    LG V10 版主上手! 跑分、屏幕、音質、雙屏幕立即試!-24

    LG V10 版主上手! 跑分、屏幕、音質、雙屏幕立即試!-25
    ▲ 設定入面會有一個 32 位元 HiFi DAC 嘅選項,右圖為如果你插入普通嘅耳機,咁佢就會顯示「正常音訊裝置」,咁如果你係插入一啲高阻抗嘅耳機,咁佢就會顯示高阻抗裝置。

    根據版主嘅初期實測,跑分、屏幕、音效都 LG V10 都唔算太差,雖然跑分上比 G4 低少許,而且用上了 S808 處理器,但係上手感覺版主覺得比市面上好多嘅智能手機還要好。
    關於 LG V10 都仲有地方可以試,例如相機、前置鏡頭。留意版主或網友之後嘅實測啦。呢部 V10 將於 10 月30 日正式公開發售,建議零售價為港幣 $5698 元,唔知大家會唔會有興趣入番部,定係又等佢跌價呢? 留言講下啦!

    在文章發佈時, LG V10 定價為 $5698 ,按此看手機詳細規格及最新賣價

    LG V10 發佈會相關文章
    LG V10 版主上手! 跑分、屏幕、音質、雙屏幕立即試!
    LG V10 相機強項要認識! 即時 PK Note 5 結果你要知
    LG V10 香港定價已出,配備有好大驚喜

    你問,我答! 16 個你想知嘅 LG V10 Q & A!

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • LG V10
    • 現時售價: 已下市
    • 尺寸: 159.6 x 79.3 x 8.6 mm / 192 g
    • 電池: 3000 mAh
    • 插卡: microSD
    • 螢幕: 2560 x 1440、 5.7 吋 IPS TFT
    • 相機: 1600 萬像素CMOS
    • 顏色: 黑/白/深藍/杏/淺藍
    • 時間: 通話 528 分鐘 / 待機 240 小時
    • 上市: 2015-10-30
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔