LG V20 9.29 韓國率先開賣，行貨大約十月中有售
根據 The Korea Times 的報導，LG V20 預計會在 9 月 29 前於韓國率先開賣，售價為 899800 韓圜，折合港幣約 $6230，相比 V10 當初的韓國售價 799700 韓圜 (折合港幣約 $$5537) 還要昂貴。V10 剛發表時的建議零售價為 $5698，可以推測 V20 在香港推出時大約會是 $6398，雖然定價看似係貴了一點，但按照慣例如無意外，大舖應該都會有「一出即減」優惠，至於減幾多，版主而家都答唔到你，唯有等香港正式開賣，才能告訴大家。咁香港會幾時開賣呢？之前版主 Keith 都有提過，V20 會比 Sony Xperia XZ 以及 Xperia X Compact 更遲開賣，預計係十月中至十月尾左右，如果等唔切的話，估計在十月初左右，已經會有水貨抵港，到時就交番俾網友抉擇，到底入手水貨好，抑或行貨好。
舊代旗艦減價，最平唔使 $3000
隨着 LG V20 抵港之日愈來愈近，不難猜測舊有旗艦都開始有降價的跡象。先看看 LG V10，其實在這兩個月之間，V10 的大舖價已經變過兩次，在八月初的時候，版主已經同大家講過 $3998 呢個價，而來到九月初，或者因為 iPhone 7 發表，或者 V20 就黎到的關係，大舖已經落到 $3698。不過，如果你想以更便宜的價錢，入手 V10，深水埗細舖而家再平多 $300，大約賣 $3380。除了 V10，G5 系列亦都算平價。所謂 G5 系列，即係 G5 以及「降呢」版的 G5 SE，這兩部手機在月初的時候，已經調整過一次價格，大舖賣價分別為 $3998 以及 $3298。不過細舖方面，G5 就平唔到幾多，都係賣 $3780，平得一舊水，而 G5 SE 則賣緊 $2980，三千有找，網友又有無興趣呢？
▲ V10 大舖賣緊 $3698，細舖再平多三百。
▲ G5 售價同大舖唔差太遠，但「降呢」版的 G5 SE 大舖已經落到唔使 $3000 的價位。
三星、Sony 旗艦新低價，網友覺得邊部抵玩啲？
LG V20 即將抵港，舊代旗艦是意料之內的事，但在這個時候，Samsung、Sony 旗艦的賣價亦都有調整。首先講左 Samsung，大家都知道，最近 Samsung 真係多災多難，Note7 爆炸接二連三，香港又出現第一爆，令網友對 Note7 完全沒有信心。不知原本有打算入手 Note7 的網友，會唔會考慮入手上代旗艦 Note5 呢？Samsung Galaxy Note 5 而家嘅大舖價為 $4288，同原價比相差 $1400。而如果想再平，細舖而家賣緊 $4098，呢個價網友可接受嗎？
至於 Sony X Performance，其實大舖亦都在一兩星期前跌左價，由原來的 $4998 減至 $4498，一減減了五百蚊，網友心目中可能會諗，X Performance 雖然用上 S820 U，不過得 3GB RAM，就算 $4498 都仲係嫌貴。如果係咁，你可以考慮一下細舖，在大舖減價五百的同時，細舖比新價更平多六百，賣 $3898，會是入手好時機了嗎？
▲ Note7 爆炸咁大件事居然都敢唔減價，不過 Note 5 就好啲，最新細舖賣價約為 $4098。
▲ 至於 X Performance 就減得最多，相比大舖賣價仲要平 $600，四千有找賣 $3898。咁多部機入面，網友會覺得邊部最抵玩呢？
來源： The Korea Times
LG V10 在文章發表時，大舖賣價為 $3698，按這裡有詳細規格及最新賣價。
LG G5 在文章發表時，大舖賣價為 $3998，按這裡有詳細規格及最新賣價。
LG G5 SE 在文章發表時，大舖賣價為 $3298，按這裡有詳細規格及最新賣價。
Samsung Note 5 在文章發表時，大舖賣價為 $4288，按這裡有詳細規格及最新賣價。
Sony X Performance 在文章發表時，大舖賣價為 $4498，按這裡有詳細規格及最新賣價。
![[獨家] 搶過七千! 三星 Galaxy Note 5 / S6 edge+ 香港賣價搶先報](http://img.eprice.com.hk/img/news_hk/14677/large.jpg)