平價抽擊 LG、Sony、HTC!黑苺 Dtek60 上場,爭做年度最佳手機!

左定坤 (Cho Ting Kwan) | Blackberry
十一月都差不多過了一半,距離 2016 完結之日愈來愈近,旗艦手機都已經出得七七八八。版主自己感覺,今年的旗艦手機,鬥得比往年激烈,點解呢?以往啲人多數唔係買 Samsung 就係 iPhone,但今年 Samsung 旗艦出事之後,就變左係剩下果啲手機商自己鬥餐死。S820 基本上是 2016 旗艦手機的標準,更有部份手機已經開始用上 S821 處理器,到底呢堆 S820 / S821 旗艦手機當中,網友會覺得邊部先至係今年推出,最好的手機呢?

Dtek60_1(Facebook).jpg

BlackBerry Dtek60 今日開賣,大舖平價再減,抵唔抵?
唔知大家仲記唔記得,今日係 BlackBerry Dtek60 正式開賣的日子,就在剛剛一星期之前,版主就已經爆左俾大家知,呢部 Dtek60 的建議零售價。Dtek60 配備了 S820 處理器,內置 4GB RAM 以及 32GB ROM,仲要有 2100 萬像素主鏡頭 + 2K 芒,除左儲存空間好似少了一點之外,基本上 $4498 呢個價錢,可以話係力壓 Sony Xperia XZ。估唔到,本身 Dtek60 已經賣得唔算貴,大舖居然仲有「一出即減」(Dtek50 果陣係無即減架XD)?大舖開賣即減 $300,最新賣價為 $4198,網友會唔會考慮呢?

15057944_341865109505635_157234063_n.jpg
▲ Dtek60 今日正式開賣,大舖有「即減 $300」的優惠,雖然唔算減好多,但以呢個 spec 來看,呢個價錢算係吸引,網友點睇呢?

Sony S820 旗艦系列,Xperia XZ、X Performance,你點揀?
Sony 今年其實都推出過兩部配備 S820 處理器的旗艦手機,一部係 Xperia X Performance,而另一部則係 Xperia XZ。其實如果就個 spec 來看,其實 Xperia XZ 的升級並不算太大,不過 Xperia XZ 相機的確係強大了不少,特別是在影片拍攝方面,XZ 的五軸電子防震技術,確係其他手機無法比擬。唯一問題係,雖然 Sony Xperia XZ 最近大舖減過一次價,最新賣價為 $5198,但整體來說都仲係有減價空間。反而版主覺得,Xperia X Performance 而家減到 $3998,又似乎差不多係入手的好時機!網友又認唔認同呢?

15032436_341886062836873_622107005_n.jpg
▲ Sony XZ 大舖最新賣價為 $5198,而上代 X Performance 賣價則已跌穿四千,賣 $3998。

LG 模組手機,同樣四千唔洗,又會唔會考慮呢?
唔少廠商每年都會推出兩部旗艦手機,當然 LG 亦都唔例外,除左開賣了無耐的 V20 之外,仲有就係上半年推出的模組手機 G5。老老實實,版主覺得 LG 手機其實都有水準的,但我真係唔明白,點解設計上會有咁多瑕疵。以上係版主個人主觀睇法,並不要求網友同意。而 V20 更打破了網友對 LG 手機的概念,一而再,再而三地加價,衛訊賣到 $5698,呢個價錢其實又唔係咁容易令人接受。不過,G5 而家跌到 $3998,算係一個合理的價位,你又覺得係唔係呢?

15033837_341885912836888_1782343670_n.jpg
▲ G5 同樣都跌穿左四千,都係 $3998,但 V20 就長期話缺貨,仲要頻頻加價。

高性價比 S821 手機!
講到 S821 手機,目前可以選擇的並不多,特別是已經香港有得賣的,數來數去,唔係小米 5s Plus,就係 ASUS ZenFone 3 Deluxe。ZenFone 3 Deluxe 賣到 $5999,相信大部份網友都唔會考慮。要講平的,應該就係今日正式上市的小米 5s Plus,賣價 $2999,有 S821 + 6GB RAM + 128GB ROM,雖然好多網友會話,小米幾勁都好,都唔值呢個價錢,但無可否認,佢算係目前咁多部手機當中,性價比叫做最高。有無網友會有考慮入手呢?

唔使三千 S821 手機!配備 6GB + 128GB +5.7 吋芒!
▲ 目前性價比最高,而香港又上左市的手機,應該會係佢。

BlackBerry Dtek60 在文章發表時,大舖賣價為 $4198,按這裡有詳細規格及最新賣價
Sony Xperia XZ 在文章發表時,大舖賣價為 $5198,按這裡有詳細規格及最新賣價
Sony Xperia X Performance 在文章發表時,大舖賣價為 $3998,按這裡有詳細規格及最新賣價
LG G5 在文章發表時,大舖賣價為 $3998,按這裡有詳細規格及最新賣價
LG V20 在文章發表時,大舖賣價為 $5698,按這裡有詳細規格及最新賣價
小米 5s Plus 在文章發表時,賣價為 $2999,按這裡有詳細規格及最新賣價

事實上,S820 的手機,點止以上介紹的咁少?仲有 HTC 10、小米 5 等等,版主就唔同大家逐一講。不過,咁多款的 S820 / S821 手機之中,網友又認為,邊部係年度旗艦機皇,邊部最好?歡迎大家在下面投票啦!
廣告