HTC 夾擊! V20 快出場! LG G5、V10 鬥賤鬥爛 賣價歷史新低

Keith Yim | LG
早幾日版主講過 CMHK 平價賣 HTC 10,$4498 嘅價錢,同 LG G5 同價。之前我都講過,LG 永遠用百幾舊水去吸引人,無計嘅,只要唔夠平,熱機都要坐冷板凳!HTC 10 平幾舊,LG 用更瘋狂嘅回敬方法,減更多! LG G5 連建議零售價都要減,實際機價比起之前,仲要平多六舊水。連帶佢細佬 LG G5 SE、上一代 V10 都要全線下調售價!  要鬥平,香港地區點夠 LG 來! 

fb.jpg
 

建議售價 + 真正賣價全部都要跌

有乜手機可以賣得貴,以版主觀察,只有 Apple 與三星。就要 Note 7 為例,建議零售價,一蚊都唔減(按此知更多),五千預訂立即去晒貨,仲要有先達炒賣回收價 (按此知更多) ?其他品牌,網友只會同二等大陸品牌去比較,幾好嘅手機都變慘豬豬。版主覺得 LG G5 堅係唔差嘅手機,但似乎面對眾多品牌競爭,只能用平價去推。早前香港 HTC 把 HTC 10 交予本來唔賣 HTC 手機嘅 CMHK 用平過大舖價 $4498 清貨 (現在仲有貨 Click 呢到知詳情)。唔知係咪太搶手,登出一晚即收起,昨日才重新見面。呢個價,影響最大當然係 LG G5,因為立即變為同價貨。有得貨比貨,網友沒有價錢誘因,揀對手機會好大。LG 立即回禮,係九月一日,立即係 CMHK 嘅網站,把 LG G5 再減價至 $3898。值得留意嘅係,LG G5 本來建議零售價係 $5698,今日起變為 $4798!如此一來,LG G5 呢部機,其實直減 $1800!

cmhk.jpg
CMHK 網站嘅 LG G5  已減至 $3898,仲有一百蚊超市禮券 (按此進入) 。而原價不是 $5698 是 $4798,連建議零售都改埋。 

唔好睇少 LG G5 今次一減,連帶 LG V10、LG G5 SE 都要減! 其中,LG V10 點都要平過 G5 嘅,係數碼通網店做緊 $3498!而 LG G5 SE 亦係豐澤網店做緊 $3498。今次 LG 一下字下調低咁多款手機賣價,相信大型連鎖減至同價機會好高。與此同時,火燒連環船,今晚七點,會發佈兩款 Xperia X 系列新機嘅 Sony (我地有晒香港賣價消息啦),一來新機要出,二來面對咁強嘅競爭,要減價都難免了。


smartone.jpg
▲ 係 SmarTone 網站 (按此進入),LG V10 減至 $339 (Click 這裡進入) ,依舊送一年爆芒換新。留意原價變了 $4498。

fortress.jpg
▲ 豐澤的特價優惠,見到 LG G5 SE 版本,賣價為 $3498 (Click 這裡進入)。

LG G5 係文章刊登時,係大型連鎖店賣價為 $3998,按這裡有更詳細規格及最新賣價
LG G5 SE 係文章刊登時,係大型連鎖店賣價為 $3498,按這裡有更詳細規格及最新賣價
LG V10 係文章刊登時,係大型連鎖店賣價為 $3898,按這裡有更詳細規格及最新賣價。
廣告