全球首部 4K 芒手機 減得勁過 LG
版主我個人一直都好中意 Sony 手機的外型設計，所以 9 月的時候 Sony 發佈左 Z5 系列的智能手機之後，我其實覺得好興奮。係呢三部機入面，Z5 Premium 係最遲開售的智能手機，亦因為佢鏡面機背的關係，版主認為呢部機係最靚的一部。可惜，Z5 Premium 的開價太高了，首次推出開出 HK $6398 呢個價錢，實在係太誇張了。不過而家嘅局面開始有少許轉變，推出一個月之後，衛訊同百老匯率先係 11/12 做減價，初次減價減左五百，即係 HK $5898，呢個價錢對於版主呢啲窮鬼黎講，雖然已經跌穿左六千，但依舊係好貴。但今日豐澤講明原價八折，即係 $5118，但低處未與底，衛訊同百老匯即減 $1500，跌破五千 $4898。不過咁，LG 亦好恨，比起尋日再減 $200，新價 $4498，兩機大戰，你點揀？
Z5 跌穿五千，回到合理價位
Z5 Premium 貴就貴在佢嘅 4K 芒，在規格上其實 Z5 同 Z5 Premium 並不是相差好遠，係 Z5 個芒細啲，而且用 1080p，以及混合對焦速度慢少少。不過 Z5 少左 Z5 Premium 獨有的鏡面機背，令到版主對佢無咩興趣。雖然 Z5 三部機都同樣係 9 月德國柏林 IFA 大展上發佈，但 Z5 同 Z5 Compact 係比較早在香港開賣的機種，10 月已經正式上市，推出的時間愈耐，價錢跌得愈快，呢點係不容置疑的，所以佢跌的價錢亦相對比 Z5 Premium 多。Z5 在推出的時候開價 HK $5698，今日 12/12 衛訊同百老匯都開始劈價，即減 $1200，即係 HK $4498。大家會唔會在這個時間入手呢?
Z5 Compact 一減再減，唔駛四千! 大家衝唔衝?
Z5 Compact 係同系入面最細的一部，當然規格上亦都相對地係最差，採用了 4.6 吋 720p 屏幕，而且只有 2GB RAM，首度現身的時候開價 HK $4798。不過佢係同系三部手機當中，最先在大舖跌價的一部。就喺一個星期多之前，版主 Lawrence 同大家講話 Z5 Compact 大舖跌落 HK $4398 比較合理的水平，而家另外兩部機都有減價，咁 Z5 Compact 如果唔再減嘅話，點對得住大家呢係咪先? 所以 Z5 Compact 喺大舖繼上次跌價之後再劈價，成功跌穿四千，賣價為 HK $3598 (同樣減千二)，唔知呢個價錢，大家會唔會諗住衝?
Sony Xperia Z5 在文章刊登時，售價為 HK $4498，按這裡有詳細規格及最新報價。
Sony Xperia Z5 Compact 在文章刊登時，售價為 HK $3598，按這裡有詳細規格及最新報價。
Sony Xperia Z5 Premium 在文章刊登時，售價為 HK $4898，按這裡有詳細規格及最新報價。
LG V10 係文章刊登時，賣價為 $4498，按這裡有更詳細規格與賣價。
