二千萬像素相機手機最平二千中 | Sony Z5 / Z5 Premium 大舖狂減

Keith Yim | Sony
手機嘅相機,最高可以影到幾多像素?其實幾年前已去到二千萬像素,不過,來來去去似乎只有 Sony!上年起,唔少廠都加入了採用!二千萬像素有乜好?好簡單,一張大像素嘅相,Chop 出來細 Part 睇,用來 Share 都夠晒用! 況且,市面上嘅型號,差極都有個普!事實上,影到二千萬像素嘅相機手機,都唔會好貴!  Sony 本身 Z5 Premium 大舖已直減二千。又有另一款,減到二千中就有! 

fb01.jpg
 

Z5 雙子周未減價

早幾日,版主已分享過 csl. 與 CMHK 已搶先將 Sony Xperia Z5 Premium 原價直減二千! 都話,ePrice 報價好多人睇架啦,大舖係今日即跟! 我哋亦係大型連鎖電器店,見到「即減二千」呢個震撼 Sticker。唔止 Z5 Premium 有減價,同門 5.2 吋芒嘅 Xperia Z5 都減!Z5 終於跌破四千 HK$3998 係大舖入到手;而 5.5 吋 4K 芒嘅 Z5 Preimium 都只係貴四舊水:$4398 入到手!Z5 與 Z5 Premium 都用上暫時都係 Sony 手機專用嘅 Exmor RS IMX300 感光元件,可以影到二千三百萬像素相片! 

c01.jpg
▲ 早幾日㗕過 csl 與 CMHK 為 Z5 Premium 減價,減到 $4398,大舖都減了! 掛出「即減二千」Sticker,好震撼。

c05.jpg
▲ Z5 都減價了,$3998 係大舖入到手。但 Z5 Compact 仲未減。

c06.jpg
▲ 講起二千萬像素手機,點少得佢:HTC One M9+ 相機升級版,有相位及雷射對焦,其實都比 Z5 與 Z5 Premium 平,$3398 買到。
 

二千四入手! HTC One ME

但講到最平嘅二千萬像素鏡頭手機,係大舖裡面,有 HTC One ME。好奇怪,比起同期嘅 E9+ ,ME 減價幅度大了,仲平左,可能因為 ME 只有 5.2 吋芒嘅問題,而 E9+ 有 5.5 吋芒。但版主覺得 HTC One ME 其實係一部唔錯嘅手機,比起 E9+ 好。雖然 HTC 上年採用嘅東芝二千萬像素鏡頭,效果未算最 Top,但日常使用,問題絕對不大。HTC One ME 有 3GB RAM 及 32GB ROM,並支援 microSD 記憶卡。HTC One ME 有指紋認證,並有 NFC,支援八達通、Tap N Go 及淘寶認證。與 HTC One E9+ 相比,其實 ME 支援 7.5V 充電,充電時間會快好多。

c04.jpg
▲ HTC One ME,有 2K 芒,有二千萬像素相機,仲有指紋證,以規格來說,一 D  都唔差。

c02.jpg
▲ 另外一款二千萬像素相機手機, Meizu Pro 6 剛剛上市,已即減二百,去到 $3099,新機來說,也是抵玩之作。Pro 6 嘅評測,大家可以 Click 呢到留意

Sony Xperia Z5 Premium 係文章刊登時,賣價為 $4398,按這裡有詳細規格及最新賣價
Sony Xperia Z5 係文章刊登時,賣價為 $3998,按這裡有詳細規格及最新賣價
HTC One ME 係文章刊登時,賣價為 $2498,按這裡有詳細規格及最新賣價
HTC One M9+ 相機升級版,賣價為 $3398,按這裡有詳細規格及最新賣價
Meizu Pro 6  係文章刊登時,賣價為 $3099,按這裡有詳細規格及最新賣價
 
廣告