清貨二千中即入手! 上代旗艦手機  八核心 + 二千萬相機  

Keith Yim | HTC
早幾日版主虎仔引用了 Phone Arena 網站嘅手機相機測試,結果顯示,最高像素嘅款式,未必等於影相最靚嗰部。(Click 這裡進入) 但其實,一如版主係該文章下面嘅評論都有話,家陣嘅旗艦手機相機,質素差距唔會好大!再者,像素影得越大,其實Chop 出相中細部份用來 Share 也是一個不錯用途。加上,若果機價只係二千中,係咪立即搶得過? 版主搵到兩款!

fb01.jpg

比 Sony 更好?  HTC One M9+ 相機升級版
HTC 嘅今年旗艦係 HTC 10 嘅話,咁上一代一定係 HTC One M9+ 相機升級版。上年 HTC 手機好多部都用上二千萬像素鏡頭,但其東芝出品嘅感光元件,似乎唔係好爭氣,同其他手機比拼輸晒。直至上年第三季推出 HTC One M9+ 相機升級版就唔同了!佢採用 Sony 本身手機都會用嘅 IMX230 感光元件,再補回光學防手震及相位對焦,加上 4K 拍攝及支援 RAW,可以說是上影得最好嘅二千萬像素相機手機。呢部機推出個陣都要賣四千尾,家陣大型連鎖店都要賣三千三左右,但其實最平 $2698 就買得到。點買?分享文後半話你知。

為免被打手又話我狂推 HTC,都要講返呢部機缺點:採用 MTK Helio X10 處理器,跑分大約得六萬架咋,而升唔升到 Android 6.0 都係一個謎。不過,佢都有 3GB RAM,可以插卡,同埋有 2K 芒與指紋解鎖。當然唔好忘記佢係全金屬機身。 跟機都有 1.5V 叉機支援 7.5W 充電,叉電速度會比 E9+ 略快。

m9.jpg
 

最後 Windows 旗艦 Lumia 950 

Windows Phone 最令人記得係乜?我想起兩件事:一個係無 App 用,另一個係影得好靚嘅相機。其實講抵,我覺得呢部 Lumia 950 先係最抵!用上二千萬像素 Pureview 鏡頭,仲有蔡司認證,拍出來嘅質素有番咁上下,日拍夜攝都好 OK! 不過,Lumia 950 行 Windows 10,買佢當智能手機,可能好多 App 都用唔到,但其實一般 Social Media App、香港新聞 App 都有齊嘅,以相機為重,上網為副,電話為主嘅手機,都唔係好差嘅。最平 $2588 就買得到。點買?下段話你知。

Lumia950.jpg

最後開估,昨晚版主分享豐澤 Clearence Sales 三星 Note 系列都講過,百老匯其實耐不耐會賣 Display 機。Display 機係咪差?最重要你要親身模過,試過!反正都一樣有保修,版主覺得好過買二手或水貨。HTC One M9+ 相機升級版,係旺角西洋菜街項頭,近旺港鐵站嗰間百老匯。呢部最抵,因為行價都要三千三!而 Lumia 950 就現身係西洋菜街南,近豉油街兩層個間百老匯,呢部 Display 唔係平行價好多,平多三舊水。兩部都要 Walk in 先買到,睇左呢段分享文,合心水嘅,明天就好去買啦。
廣告