版主收風!LG G5 相機/音效模組免費送,香港賣價已定?

Lawrence | LG
之前同大家提過, LG G5 係開賣方面已經有齊定價同日期,不過講緊嘅係加拿大而唔係香港嘛!作為上半年矚目旗艦之一,版主當然都好想知到底 G5 會賣幾錢、會點賣同幾時賣啦!經過連日來的打探,有關 LG G5 係香港開賣情況,而家總算有點眉目啦!大家一齊來睇睇啦!

//timgm.eprice.com.hk/hk/mobile/img/2016-03/10/204863/lawrencelaw_1_4531_eff863c07174a6da8870785a19159b1c.jpg
 

傳香港賣價唔會平!原因係乜?

LG G5 賣價唔止係香港,全世界都好想知,版主之前都同大家提過傳聞係定價上, G5 會比起 600 歐羅、650 美金左右(折合港幣約 $5075 ),比起 LG G4 平,再計埋而家大鋪、電訊商齊齊「未開賣,先劈價」呢個趨勢, LG G5 香港開賣時平過 Galaxy S7 實在不是夢!不過,從版主現時收到的消息看來, G5 未必有上面所述咁平呢。

之前有深水埗細鋪係 facebook 表示收到消息,話 LG G5 價錢會係 $5698 ,而且會係 3 月 31 號正式開賣!版主當然唔會直接引用呢個消息就同大家分享啦!之後版主都從唔同途徑打聽有關 LG G5 開賣資料,而家可以幾肯定咁同大家講,其實 LG G5 開賣細節看來未有 100% 確定。

//timgm.eprice.com.hk/hk/mobile/img/2016-03/10/204863/lawrencelaw_1_4531_dce0b91cab344ee39a8daf8a7f327a93.jpg
▲ 外媒好似 GSMArena 都有提到,係美國 G5 將會送電池套裝的優惠,同埋係四月頭開賣。

不過,係價錢上,版主現時收到的 LG G5 賣價的確同預想中有點出入,目前有兩個版本,分別係賣 $5998 同埋 $5698,沒有聽聞會賣五千頭。再要強調而家因為消息未能確實,所以 G5 最終賣價有唔同實在唔出奇,但假設 LG G5 真係賣五千中,其實又唔係無可能。大家都知 LG G5 主打模組化,而家已經有兩樣組件-音效 DAC 同埋 Cam Plus 。如果 LG 用上同捆裝的方式,當 Samsung 用上抽起 Gear VR 調低定價的時候, LG 就改以「買機送插件」反擊,避免要同 Galaxy S7 鬥平價。咁 $5698 或以上的價錢,看來都合理。至於開賣日期方面,從版主收到的資料看來,要係 3 月內開賣機會唔大,但可能會比加拿大早一點吧!最後,都要講多次,現時看來 LG G5 在香港的開賣情況都未有 100% 確認,仲有唔少未知之數。不過一有最新消息版主當然會即時同大家講啦!icon

在文章發佈時, LG G5 香港推出日期未定,按此看手機詳細規格及最新賣價
廣告