LG V20 劈價潮第一回!Sony XZ / X Compact 大舖搶先減!

左定坤 (Cho Ting Kwan) | Sony
版主成日行場的時候,都會同店舖職員吹下水,順便收收風。不知大家有沒有印象,版主多次同大家提及過,有大舖職員同版主講,當 LG V20 開賣之後,現有旗艦手機好大機會會調整價格。今日 10 月 28 日,V20 終於正式上市,而版主行場時發現,大舖職員所預告的真的應驗了!到底減價的係邊部旗艦手機,又減了多少呢?看下文吧!

場料(Facebook).jpg

LG V20 正式開賣,買配件有優惠
今日 LG V20 正式開賣,價錢同版主之前說的一樣,大舖依然係做緊「即減 $600」的優惠,即是由原來的 $5998,減至 $5398,呢個價錢雖然不算吸引,不過 LG 出名跌價快,相信很快就會跌到三、四字頭。之前提過,在 10 月 27 日或之前預訂 V20,就可以有額外一年本地保養,咁而家係咪已經沒有了呢?根據大舖職員所言,對不起,遲了,就沒有了,不過,而家買 V20 的話,會送保護套以及芒貼,亦都可以優惠價錢,換購原廠電池套裝 (原價 $298,優惠價 $238) 或者原廠機套 (原價 $258,優惠價 $198)。

14872668_334219936936819_1484586132_n.jpg
▲ 如之前所說,大舖依然係「即減 $600」的優惠,不過就沒有了額外一年原廠保養,改為可以優惠價買配件。

LG V20 劈價潮第一回:Sony Xperia XZ / X Compact 搶先減!
LG V20 上場之後,又真係俾大舖職員講中,真係旗艦開始要調整價格。首先減價的是 Sony,下半年推出的 Xperia XZ 以及 Xperia X Compact,開價又係非常高,分別為 $5698 以及 $4198,大舖亦只分別減 $300 以及 $400,無錯手機算是吸引的,有五軸防震,大舖職員都表示,其實有不少人對這部手機有興趣,但最後都因為價格問題而卻步。而家大舖減價,網友會唔會考慮一下呢?Xperia XZ 由原來的「即減 $300」,改為「即減 $500」,最新賣價為 $5198,而 Xperia X Compact 則比之前減多 $300,最新賣價為 $3498,這個價錢,是時候入手了嗎?

14894646_334198126939000_1834606758_o.jpg
▲ Sony Xperia XZ 終於頂唔順要減價了,由原來的「即減 $300」,改為「即減 $500」,最新賣價為 $5198。

14875897_334198196938993_1048761027_o.jpg
▲ 而 X Compact 減價幅度更大,比之前再減多 $300,最新賣價為 $3498。

LG V20 在文章發表時,大舖賣價為 $5398,按這裡有詳細規格及最新賣價
Sony Xperia XZ 在文章發表時,大舖賣價為 $5198,按這裡有詳細規格及最新賣價
Sony Xperia X Compact 在文章發表時,大舖賣價為 $3498,按這裡有詳細規格及最新賣價
廣告