真大膽!V20 居然突然加價!揭開 LG「怪現象」之謎

左定坤 (Cho Ting Kwan) | LG
LG 手機跌價快,就眾所周知,就連版主都禁不住稱它為「跌價王」。就好像 G5,開賣半年跌到「即減 $1700」,已經算是很快。殊不知,正當大家早就將 LG 同跌價劃上等號之際,最新旗艦 V20,開賣兩天居然突然加價,真係估佢唔到。到底點解忽然會加價?又加了幾多呢?看下文吧!

V20(Facebook)1.jpg

LG V20 在上星期五,即 10 月 28 日,在各大型連鎖店正式開賣。雖然 V20 開價 $5998,好似好貴,不過唔緊要的,大舖有「一出即減」,好早之前同大家講過,大舖會有「即減 $600」的優惠,賣 $5398,而且在 28 日前成功預訂 V20 的話,更送額外一年的原廠保養。而在正式開賣之後,雖然沒有了額外的一年保養,不過依然可以優惠價加購專用配件,還是有一點兒的着數。

開賣兩天突然加價!揭開 LG 「怪現象」之謎!
沒想到開賣兩天後,LG V20 的大舖價咁快就再有調整。以為 LG 只會有「跌價」的份兒?抱着呢個心態的話,今次你就錯了。就在昨天開始,LG V20 大舖由原來的「即減 $600」,改為「即減 $400」,最新賣價為 $5598。不是吧?點解忽然間會減價嘅?有大舖職員透露,原來 V20 貨源太少,非常缺貨,就算去到 11 月頭,都仲係無乜貨,所以就要暫時將個價格調高一點。

14885851_336117810080365_1401891739_n.jpg
▲ 貨量不足關係,所以只好暫時將價格提高一下,最新賣價為 $5598。

最平入手 LG V20 方案
如果想平少少入手 V20 的話,其實唔一定要大舖買,細舖最新賣價做緊約 $5380,同之前大舖的舊價差不多。如果嫌唔夠平,又唔介意水貨的話,水貨價近日持續下跌,瞬眼間已經跌到落 $4400 左右的價位,相信不用等多久,就會跌到落 3 字頭。如果 V20 跌到落 3 字頭,是否已經跌穿網友的心理關口呢?而對於 LG V20 今次加價,網友又點睇呢?留言討論下啦!

14936931_336283203397159_3391032_n.jpg
▲ 上圖只供參考。LG V20 細舖而家的賣價同之前大舖價差不多,約 $5380,而水貨價則跌到落 $4400。是時候入手了嗎?

LG V20 在文章發表時,大舖賣價為 $5598,按這裡有詳細規格及最新賣價
廣告