Sony Xperia X、X Performance、XA 大舖一出即減,上台出機會更抵嗎?

左定坤 (Cho Ting Kwan) | Sony
終於,Sony 今日正式在香港發表了 Xperia X 系列三部新機,包括 Xperia X Performance、Xperia X 以及 Xperia XA,當中最高階的 Xperia X Performance,版主剛剛上手試過,覺得部機又真係幾靚仔,而且手感亦相比 Z5 Premium 正,但係假假地都叫做旗艦級數,得 3GB RAM 邊夠呢? 有關 Xperia X 系列三部機的價錢,版主尋晚已經搶先爆俾大家知,又真係貴左少少嘅。不過,如果想平啲入手呢三部機,有乜方法? 想知,就睇下文啦!

//timgm.eprice.com.hk/hk/mobile/img/2016-06/01/205567/prince1025_1_4551_cea6a550ede8e3e900e40b8d6c94a9fa.jpg

即日起至 16/6 預訂,即送價值高達 $850 禮品
Sony Xperia X 系列的三部機,定價真係屬於旗艦級,特別係 X Performance,雖然都係用 S820 處理器,但就只有 3GB RAM,開價仲要 $5598,有不少網友都覺得定價太高! 不過咁,建議零售價歸建議零售價,毫無參考價值所言,LG G5 開價 $5698,到而家咪又係大舖跌到落 $4498? 所以話,開價如何不重要,結果才是最重要。Sony Xperia X 系列三部機,即日起至 6 月 16 日有得預訂,仲送價值高達 $850 禮品,而且有大舖更做緊即減優惠添!

//timgm.eprice.com.hk/hk/mobile/img/2016-06/01/205567/prince1025_3_4551_a2833421c13fad6e9f247eed86d35b51.png
▲ 預售期內 (即日起至 16/6) 會送以上的禮品。

定價太貴? 大舖即減俾你,最多減六百
一完左發佈會,版主就第一時間為大家去左豐澤、衛訊、百老匯、蘇寧四間大舖問價,當中蘇寧未有 Sony Xperia X 系列新機預訂的消息,而豐澤就未有得減,都係跟番原價,但就會送 6 個月的屏幕保養。除左預訂會送的禮品之外,豐澤仲有無其他贈品送呢? 版主問過兩間,兩間都話暫時未知。

至於衛訊同百老匯,兩間的「即減優惠」大致都係一樣,唯一的唔同就係贈品以及訂金金額。Sony Xperia X Performance 呢兩間大舖都係做緊「即減 $600」的預售優惠,即 $4998,跌穿五千,而 Xperia X 則減左 $400,賣 $4298。至於 Xperia XA,最平亦減得最少,只減 $200,賣 $2298。衛訊同百老匯預訂所需訂金分別為 $300 以及 $500,除左預訂會送的禮品之外(基本上度度預訂都會送),百老匯會另外送保護貼、16GB 卡以及尿袋,而衛訊都會送保護貼同 16GB 卡,不過就唔送尿袋送藍牙喇叭。

//timgm.eprice.com.hk/hk/mobile/img/2016-06/01/205567/prince1025_3_4551_06b657b113f66a0db67467959cea72fd.jpg
▲ 豐澤暫時就未有減價的消息,不過預訂就會送 6 個月屏幕保養的「專享優惠」,需訂金 $300。

嫌大舖減得唔夠多? 網絡商又會唔會更抵玩?
想出新機,其實又唔洗一定要大舖先有得預訂,網絡商都一樣有。3 香港推出左 Sony Xperia X Performance 以及 Xperia XA 的預訂優惠(唔知點解 Xperia X 無份),只要選用 $298 或以上月費,並簽 24 或者 26 個月合約,就可以 $0 機價出 Xperia X Performance,並可享額外 TVB 數據 (淨係可以用黎睇 myTV SUPER、TVB 平台及其節目),攜號轉台亦可以每月額外享高達 2GB 數據 ($298 月費:512MB;$408 月費:1GB;$498 或以上月費:2GB)。而 Xperia XA $0 機價出機上台,月費則為 $228 起,需簽約 18 或者 24 個月。大家又覺得,上台會唔會抵玩啲呢?

//timgm.eprice.com.hk/hk/mobile/img/2016-06/01/205567/prince1025_3_4551_74721d12fab804e593d77822ffbdacc2.png

更多 Sony Xperia X 系列評測 + 相關文章
Sony Xperia X Performance 二千三百萬,拍照實力探
STAMINA Mode 回歸 Sony Xperia X! 省電效能又升級
技術文:三個不可不知嘅 Sony Xperia X Performance 影相黑科技
Sony Xperia X Performance、Xperia X、XA 三機外型評測
Sony Xperia X 系列 賣價一早知! 呢五個重點 買機前更加要知
Sony Xperia X、X Performance、XA 大舖一出即減,上台出機會更抵嗎?

Sony Xperia X Performance 在文章發表時,定價為 $4998,按這裡有詳細規格及最新賣價。  
Sony Xperia X  在文章發表時,定價為 $4298,按這裡有詳細規格及最新賣價。  
Sony Xperia XA 在文章發表時,定價為 $2298,按這裡有詳細規格及最新賣價。  
廣告