平玩 S Pen!最平 $1500 入手 5.7 吋三星手機

左定坤 (Cho Ting Kwan) | Samsung
正常來說,三星每年都會推出兩個旗艦系列的新機,分別為 S 系列以及 Note 系列,可惜今年 Note7 炒大鑊,變相 2016 只有一旗艦。Note 系列同 S 系列其中一個最大不同地方,在於佢有一枝 S Pen,可以用來畫畫又得,Jot notes 都得。無左 Note7,但又想玩 S Pen,其實 $1500 就有。想知更多,睇下文啦!

Note 5(Facebook).jpg

上代旗艦跌價至 $3600
三星 Note 7 爆炸,最後被逼「消失」,相信令到不少網友,對三星手機信心大失。不過,版主知道,總會有一些三星的忠實粉絲,堅持會使用三星手機,無左 Note7,但又想玩 S Pen,好自然會考慮入手番上代 Note 5。Note 5 大舖已不見有賣,想買的話,可以嘗試去深水埗細舖搵下,但其實好多都已經無哂 (因為已停產),淨係俾版主搵到一間有 32GB 版本,大約賣緊 $4298。至於水貨方面,旺角先達場內 32GB 大約賣緊 $3600,而水貨則 $4000 左右。呢個價錢,你會打算入黎玩下,還是會等待下代 Note 8?

IMG_1571.JPG
 ▲ Note 5 大舖已經無賣,而細舖亦都好難搵得到,想買 Note 5 的話,可以考慮水貨,最新賣價 $3600 左右。

平有平玩!最平 $1500 已經玩到 S Pen + 5.7 吋大芒
當然啦,如果你唔係啲鍾意追款追規格的人,純粹係覺得枝 S Pen 好用,同埋貪佢有 5.7 吋大芒,咁其實你都可以考慮下再舊啲嘅 Note 3 或者 Note 4 (因為係 Note 3 開始,先改為 5.7 吋,之前係 5.5 吋的),咁梗係講緊水貨啦!版主在旺角先達行場時留意到,Note 4 16GB 雙卡版水貨價約為 $2080,而 32GB 單卡版亦都係賣緊 $2080,同一價格下,你會選擇雙卡,抑或選擇相對「大容量」?至於 Note 3,直澄 $1500 已經可以買到,而且有 3GB RAM,不過就得 16GB ROM。但為左平玩枝 S Pen,網友又會唔會考慮呢?

14962942_338646773160802_752745322_n.jpg
▲ 其實,版主覺得 Note 3 $1500 有 S Pen 玩,都是一個唔錯的選擇,用黎做後備機都得,又要係韓國牌子唔係大陸牌子,應該用都用得放心啲嘅~XD

Samsung Galaxy Note 5 在文章發表時,大舖已下架,按這裡有詳細規格及最新賣價
Samsung Galaxy Note 4 在文章發表時,大舖已下架,按這裡有詳細規格及最新賣價
Samsung Galaxy Note 3 在文章發表時,大舖已下架,按這裡有詳細規格及最新賣價
廣告