iPhone 6 開賣=即減做完? Samsung 旗艦趁機「加價」!

Eddie | Samsung
呢排大家上網都係留意幾個字「先達」「 iPhone 6 / 6 Plus」、「回收」,應該比較少人會去留意大鋪既消息吧。可能因為大家既注意力放晒落 iPhone 度, Samsung 幾部旗艦手機已經將「買機即減」取消,Note 3 即時貴左 $1,000 ,而 Samsung Galaxy S5 雖然正價減左,都係貴左 $400 。下個星期就係 Samsung Galxay Note 4 開賣既日子啦,唔通真係到時冇即減?

//timgm.eprice.com.hk/hk/mobile/img/2014-09/21/179297/unrealandy_1_4523_1a5c3020cad522d8d9ae391b77ea6678.JPG
 

iPhone 6 開賣= 減價做完? Samsung Galaxy Note 3 、S5 雙雙「加價」

有睇開 ePrice 既網友都應該記得 7 月底既時候大鋪爭住減價,由最初「買 $5,000 減 $1,000」發展到「買 $5,000 減 $1,400」,雖然之前 HTC Butterfly 2 都係減唔足,但係今日版主行過旺角既時侯發現 Samsung 幾部旗艦就已經完全唔做「即減」。 Samsung Galaxy Note 3 LTE 本身係 $5,198 減 $1,000 賣 $4,198 ,而家直接加價一千;而 Samsung Galaxy S5 雖然公價減到 $4,998 ,不過仍然比起本身 $4,598 既賣價貴。

咁樣會唔會以後冇左即減價?版主收到消息下個星期開賣既機都仍然會有即減,但係就未必包括下個星期發佈既 Samsung Galaxy Note 4 啦,有小道消息話今次即減取消係為 Galxay Note 4 做準備,而新機既價錢會超過六千(冇即減);如果真係咁貴同現時「即減」完既旗艦比貴差唔多 30% ,另外大家應該記得有個 Samsung Galaxy Edge ,預計亦會同 Note 4 同步發佈,但相傳價錢去到 $7,000 啵icon。網友們覺得今次 Samsung 旗艦取消即減係咪代表即減就完?會唔會趁呢個時間入手新機呢?

//timgm.eprice.com.hk/hk/mobile/img/2014-09/21/179297/unrealandy_1_4523_6a0ad19e6d90b8d6a09c3cb9cc4945f9.JPG
▲幸好 LG 、 HTC 和 Sony 的「買機即減」沒有取消,而部份 Samsung 舊機例如 GS4 、 Note 2 仍然有即減

在文章發佈的時侯, Samsung Galaxy Note 3 定價 $4,998 ,按此看詳細規格和最新賣價。
在文章發佈的時侯, Samsung Galaxy Note 3 LTE 定價 $5,198 ,按此看詳細規格和最新賣價。
在文章發佈的時侯, Samsung Galaxy S5 定價 $4,998 ,按此看詳細規格和最新賣價。
廣告