HTC 、Samsung 、 LG 、 Sony 你買邊部?旗艦抵玩價入手攻略!

Eddie | HTC
講到 2014 年既旗艦手機,大家會諗起邊部呢? HTC One (M8) 、 Sony Xperia Z2 、 Samsung Galaxy S5 定係最近開賣既 LG G3 呢?雖然大陸都出現唔少異軍,不過呢幾部機應該係最多網友講既旗艦手機,版主之前都同大家做過規格比較。然而大家都睇重一樣野,就係性價比!版主 Eddie 就同大家問過晒幾部機既行貨、街鋪場情,而呢幾部機你又點揀?

//timgm.eprice.com.hk/hk/mobile/img/2014-06/27/177847/unrealandy_1_4542_4b6cac6b03ea07117122a342e3bf88d0.jpg
 

HTC One (M8) 、 Samsung Galxay S5 場價雙雙跌破 $5,000 !

首先同大家講下 HTC One (M8) 同埋 Samsung Galaxy S5 呢兩部手機啦,無獨有偶佢地係同一日開賣,亦都同價$5,998 ,現時 HTC One (M8) 既大鋪價錢已經減到 $5,798 ,買機亦都會送 Dot Cover 啦,然而 Samsung Galaxy S5 仍然未有減價/優惠,如果係大鋪入手都係得記憶卡、屏幕貼等普通贈品,可能因為呢個原因令 Galaxy S5 係香港曝光率偏低啦,開賣兩個幾月版主出街都唔多覺有人用 GS5 icon

之前版主都同大家報過 Samsung Galaxy S5 既場價,如果係 3G 版水貨就 $4,000 有找,不過想要「細鋪行貨」價錢大約仍然在 $4,700 ~ $4,800 左右,同之前相比冇太大跌價,反而係 GS5 韓水價錢跌到 $4,100 ,已經平過唔少 S801 機款。另外 HTC One (M8) 在場內「細鋪行貨」都要 $4,800 ~ $4,900 ,同大鋪買機差接近 $1,000 ,可惜就唔送 Dot Cover ,計落其實唔算好吸引,畢竟個 Dot Cover 街價最平都要賣 $300 架!

//timgm.eprice.com.hk/hk/mobile/img/2014-06/27/177847/unrealandy_3_4542_657fc70d992fe67503aef13e66084625.jpg
▲ Samsung Galaxy S5 和 HTC One (M8) 場內價價都在 $5,000 樓下,考慮到大鋪買 M8 會有贈品,其實場內價錢係差幾百,暫時都未到一個吸引既價位。
 

Sony Xperia Z2 場價最平 $4,400 !「細鋪行貨」保養你信唔信?

至於另一部旗艦 Sony Xperia Z2 ,版主問過大鋪價錢仍然賣 $5,998 ,現時入手會送原裝值 $298 的充電座,亦有記憶卡同埋屏幕保護貼等既贈品,可惜就未有任何價錢上面既優惠啦,係開賣初期會送既保護套問過幾間都話送晒,如果想入手既話衛訊會送多個外置電池,同價位的話比起百老匯、豐澤抵少少。

至於場內價錢,係 Sony Xperia Z2 係開賣第一日價錢就已經賣 $5,280 ,講到場內價錢佢亦係咁多部旗艦機入面比較便宜的一部,版主行過一轉最平的「全新行貨」價錢 $4,400 就有交易,足足比起大鋪入手平 $1,600!當然大家要注意保養方面,細鋪買 Sony 機未必有保養應該唔少網友都知道,至於係電訊商/大鋪劏機出黎既「跟單行貨」價錢亦都比較貴,去到 $4,700 ~ $4,800 先有交易,係咪值得博就見仁見智啦。

//timgm.eprice.com.hk/hk/mobile/img/2014-06/27/177847/unrealandy_3_4542_d18a0ec32a1cd548d7504cbbd17e5841.jpg
▲大家記住 Sony Xperia Z2 「行貨」在細鋪買未必有保養,雖然價錢好平,博唔博都自己諗過先。
 

LG G3 場價未見有平!韓水價錢 $4,680 包兩電兩充!

講到規格夠高,應該唔少網友都會講到近日推出既 LG G3 ,佢係香港第一部採用 2560 x 1440 解像度屏幕既行貨手機,亦用上了 Qualcomm S801 2.5GHz 處理器,係顯示同埋效能各方面都相當唔錯。開賣初期版主都係場內問過,暫時未見有平價既「全新行貨」,問過相熟的細鋪他們暫時都跟官方定價賣機,似乎上台有大量贈品還是比較划算?

如果想平價入手既話又會唔會考慮一下韓水呢?現時韓水 LG G3 (32GB) 賣價大約在 $4,680 ~ $4,780 左右,比起行貨便宜大約 $1,000 ,包兩電兩充。早兩日版主亦同大家講過電訊數碼上台出機,總支出都係比買淨機多 $40 而已,就有 13 個月的無限限速上網可以用,圍番起 $3 一個月有無限上網,真係儲值卡都冇咁平。(等傳聞 7 月推出 LG G3 Prime? 之前夠傳 Nexus 9 會出啦,版主挨眼訓睇左成個 Google I/O 都冇icon。)

//timgm.eprice.com.hk/hk/mobile/img/2014-06/27/177847/unrealandy_3_4542_5690a466a64f1b759e32c1dfa546f15c.jpg
▲ LG G3 暫時未見有平價「全新行貨」,然而韓水賣價在 $4,680 起,與港行還是有一段距離。
 

HTC、 Sony、 Samsung 、 LG 旗艦手機你揀邊部?定係等下一輪新機?

呢個時代真係新機月月出,例如 Samsung 發佈完 GS5 過幾個月又有 Galaxy S5 LTE-A又傳出有 LG G3 Prime 既傳聞Sony 亦都係 7 月 8 號發佈一部以自拍功能為主既手機,而性價比強勁既 HTC One E8 呢,亦都有機會係香港出,新機真係陸續有來。你又會唔會揀係呢個時侯入手旗艦機呢?如果真係揀你又會想入手邊部?投個票,留個言反映一下意見吧!

在文章發佈的時侯, HTC One (M8) 定價 $5,798 ,按此看詳細規格和最新賣價。
在文章發佈的時侯, Samsung Galaxy S5 定價 $5,998 ,按此看詳細規格和最新賣價。
在文章發佈的時侯, Sony Xperia Z2 定價 $5,998 ,按此看詳細規格和最新賣價。
在文章發佈的時侯, LG G3 (16GB) 定價 $5,698 ,按此看詳細規格和最新賣價。
在文章發佈的時侯, LG G3 (32GB) 定價 $5,698 ,按此看詳細規格和最新賣價。
廣告