嫌 HTC One M9 貴?用六折價位執尾水 M8 、 平價 Sony Xperia Z3 !

Eddie | HTC
今日 HTC One M9 係香港正式發佈,香港定價 $5,998 對於大家黎講係咪大貴?雖然話上年 HTC One M8 (16GB)都係同樣價錢,但無可否認呢個價係比台灣貴的,版主都有睇大家既反應啊!有網友就話差唔多既設計,寧願買番 HTC One M8 啦,不過有留意開手機市場既都知道 HTC One M8 已經買少見少。版主 Eddie 今日就行左 N 間大鋪、細鋪,終於搵到平價入手 HTC One M8 既方式,而場內既 Sony Xperia Z3 亦差唔多價,你地又點揀呢?

//timgm.eprice.com.hk/hk/mobile/img/2015-03/19/201417/unrealandy_3_4542_76bad72a8118110b3660e640d865cf19.jpg
 

HTC One M8 尾水最平 $3,600 有交易!場內 Xperia Z3 現金價再跌至 $3,850

之前都有唔少網友問, HTC One M8 可以係邊度搵到,之前版主都試過同大家問。百老匯、豐澤、蘇寧都話自己冇貨,電訊商問過六七間門市都搵唔到,可以話係「一機難求」,不過版主就係深水埗鴨寮街一間細鋪問到有貨,賣價 $3,790 比起之前平少少,暫時仲有灰色同埋銀色;另外旺角在先達附近的衛訊亦有賣 HTC One M8 ,價錢 $3,880 係最後清貨,店員都話得番幾部了,不過就只係得番灰色。

當然我都有入過先達問,先達場內的「全新行貨」價錢再平少少,賣 $3,600 就有交易了,部份鋪話仲會有銀色、灰色,要搵紅色唯有去搵放出來的「二手機」啦(不過價錢在 $3,000 樓下都有就真,連盒見到 $3,200)。如果你問版主點揀, HTC One M9 同 HTC One M8 一樣是 1920 x 1080 解像度的 5 吋 SLCD ,機身設計接近一樣,電池多了 10% 左右有 2840mAh ,較明顯的升級是用了 Qualcomm S810 處理器、3GB RAM與 2000 萬像素主鏡頭,差價在 $2,000 以上買邊部真係難諗啊!

另外一個星期之前版主同大家講過 Sony Xperia Z3 可以用 $4,000 有找入手,要講 2,000 萬像素主鏡頭既手機,其實佢都係一個選擇啊,另外機身邊框用了金屬材質,講質感其實不會輸比 HTC One M9(各有各好啦)。版主今日問過先達場內,最平的價錢小跌到 $3,850 有交易,有齊白色、紫色、啡色、黑色可以揀,而呢部機採用  5.2 吋 1920 x 1080 解像度屏幕、Qualcomm S801 2.5GHz 四核心配 3GB RAM、內置 3000mAh 電池仲有 IP56/58 防水,係處理器帳面上輸比 HTC One M9 ,呢個價大家又會唔會考慮?

//timgm.eprice.com.hk/hk/mobile/img/2015-03/19/201417/unrealandy_3_4542_13cb4dbef2d01a9a13332b06f3df2668.jpg
▲其實 HTC Desire Eye 場價都做緊 $3,380 ~ $3,598 ,呢部機可以話係版主 Eddie 係 2014 年入面最鐘意既 HTC 機,原因就係有防水同埋完整既中港 4G 頻段(絕對不是因為鐘意自拍icon

在文章發佈的時侯, HTC One (M8) 定價 $3,880 ,按此看詳細規格和最新賣價。
在文章刊出的時侯,Sony Xperia Z3 香港定價為 $4,698 ,按此看詳細規格和最新賣價。
在文章發佈的時侯 HTC One M9 香港定價為 $5,998 (32GB) 。按此看詳細規格和最新賣價。
廣告