抵過細鋪?Sony Xperia Z3 大鋪暗減價 準備迎接 Z4!

Eddie | Sony
早兩日先同大家講完 LG G3 (32GB) 跌破左 $4,000 ,全因 LG G4 預計會係 5 月正式登陸香港,另一部預計會在短期內現身既,就係已經「高清」亮相既 Sony Xperia Z4 啦。雖然暫時未有官方既發佈會消息,但係真機完成度咁高,應該都離我地唔遠啦!係呢個時侯,版主 Eddie 行場發現 Sony Xperia Z3 大鋪係度偷偷降價,仲要送唔少贈品,如果想買防水機既網友又會唔會諗諗佢?

//timgm.eprice.com.hk/hk/mobile/img/2015-04/08/201620/unrealandy_3_4551_a5dfb98cf4f1946af507964b409091dc.jpg
 

Sony Xperia Z3 大鋪減價+多贈品!Sony Xperia Z4 真機圖流出!月內發佈?

係新機發佈之前,幾間大鋪都係 Sony Xperia Z3 既價錢牌上面貼「優惠」、「照價再減」既字眼,不過每間鋪既價錢略有不同:版主問過衛訊現在的 Sony Xperia Z3 價錢要 $4,598 ;不過豐澤和百老匯報出來的價錢是 $4,498 ,比較便宜啊!除左減價之外,版主問過百老匯入手 Sony Xperia Z3 仲會有原裝保護套、原裝座充、Micro-SD 卡,亦可以參加 Sony Mobile 的官方抽獎,有機會得到東京雙人來回之旅+ Z3 一部/ Sony Xperia Z3 Tablet Compact 4G LTE 版,雖然話抽獎未必會中,但當係一個 Bonus 囉。

至於呢個價錢係咪抵買?版主 Eddie 去過先達格價,先達的價錢和之前報過的差不多。「全新行貨」現金價需要 $3,900 ~ $4,000 ,與行貨差價大約 $500 ,但係就當然冇贈品送,亦都冇抽獎啦;而某些細鋪仍然用 $4,100 ~ $4,200 的價錢去賣 Xperia Z3 「全新行貨」,差價唔算太多,去邊度買就自己決定啦。

其實呢幾日 Sony Xperia Z4 除左官圖流出之外,亦已經有真機圖同規格流出,包括採用 5.1 吋 1920 x 1080 解像度屏幕、Qualcomm S810 2.0GHz 八核心、3GB RAM 、採用 2000 萬像素 G 鏡頭等。從機身流出圖我們可以見到它上面沒有了 USB 位置的防水蓋,換句話說充電就更加簡單了(但係未乾充電都係易壞)。畢竟官方都係未公佈發佈的日期,大家都仲有排等。但呢個規格同 Sony Xperia Z3 似乎相差不太遠,又會唔會趁大鋪跌價,入手一部 Z3 呢?

//timgm.eprice.com.hk/hk/mobile/img/2015-04/08/201620/unrealandy_3_4551_3f63299e1395544c8da7a941f4f21c06.jpg
▲現時大鋪賣 Sony Xperia Z3 的價錢由 $4,498 至 $4,598 都有,以百老匯最便宜,而最近買 Xperia Z3 系列手機亦可以參加 Sony Mobile 的官方抽獎,有機會去一次東京啊!

//timgm.eprice.com.hk/hk/mobile/img/2015-04/08/201620/unrealandy_3_4551_2845cd0799160ec8ef3a9e16d5faacba.jpg
▲這就是傳聞中的 Sony Xperia Z4 真機相片(又係韓仔爆料),機身側邊變得圓潤了,版主又覺得相機變形好嚴重,真機大小一點難估計

//timgm.eprice.com.hk/hk/mobile/img/2015-04/08/201620/unrealandy_3_4551_56ddc1a2adcb9aacfa9a1135bc5a62ec.jpg
▲感覺上這部機都相當薄, USB 孔是外露式,亦有 Sony Xperia Z 系列的 G 鏡頭

在文章發佈的時侯, Sony Xperia Z3 定價 $4,498 ,按此看詳細規格和最新賣價。
在文章發佈的時侯, Sony Xperia Z3 Compact 定價 $3,598 ,按此看詳細規格和最新賣價。
廣告