2K 芒 + 指紋解鎖 HTC One M9+上市,細舖平六舊! M9 新低價

Keith Yim | HTC
今日 HTC One M9+ 香港行貨正式上市!今日 HTC 亦把大型連鎖店的廣告,都換上了「五月天」以雙旗艦作為宣傳口號的紙牌!乜鬼雙旗艦呀,其實就係外型差唔多,都係金屬一體式機身,依然銀色金邊作為主打顏色嘅 HTC One M9 與 M9+。叫得雙旗艦,應該一樣價或者唔會差好遠,但事實上,兩部機官方定價係一樣,但你實際入手,賣價已差一千咁多。其中,HTC One M9 細舖已造到 $4698!平過 LG、Sony、Samsung  同期旗艦,靜靜雞加入格價戰你唔知。

//timgm.eprice.com.hk/hk/mobile/img/2015-06/03/202256/keithyim_3_4542_fa19283d346eac3fee1b3aa89bad7f56.jpg
▲ 雖然 M9 與 M9+ 的標價都係 $5998,但 M9 已標上照價再減,係大型連鎖店,$4998 入到手。

2K 芒 + 指紋操控  M9+ 細舖可以平六舊

記得 LG G4 上市當日,版主都有格過旺角區大型連鎖店,與深水埗官方認可細舖嘅賣價,記得當時細舖只係現金平兩百,可見呢部機一出之時,企價好硬。至於 HTC One M9+ 首日推出,深水埗細店都有減。版主問過兩間 HTC 承認嘅細舖,一間做緊 $5698,一間做緊 $5398,最平比起官方建設零售價平 $600,算係咁。

HTC One M9+ 賣點係用上 5.2 吋 2K 芒,跟 HTC One M9 同款嘅二千萬像素主鏡頭及 Ultra Pixel 前鏡頭。機前有一個掣,亦係指紋識辨器,用來作指紋解鎖。若你對呢個功能無興趣,呢個亦係一個按壓嘅 Home Key。M9 與 M9+ 都係用上鋁合金一體成型設計,叫得做 +除了屏幕係 2K,就係改用全新 MTK Helio X10 八核心處理器,跟 M9 用 Qualcomm S810 唔同。版主最近都用 M9+ 比較多,Helio X10 效能拍得上 S810,電量亦跟 M9 差唔多,只係充電係比較慢而已。版主愛用 M9+ 但唔代表建議你賣,主要原因是都係 2K 芒,HTC 同期也有 One E9+,只係換上塑膠物料,但屏幕更大至 5.5 吋。而 E9+ 上次已報過價,大舖賣 $4398,細舖賣 $3880,以 2K 手機來講,好吸引。

M9+ 與 M9 是雙旗艦,但比較早推出嘅 M9,已跟 M9+ 賣價已有一千蚊嘅差距!版主今日走訪過旺角區嘅衛訊、百老匯,豐澤與蘇寧,清一色已賣 $4998,剛剛平 M9+ 一千大元!而深水埗細舖更加做緊 $4698,平多三百。話說同樣使用 S810 CPU 嘅小米 Note 頂配版水貨都炒緊四千中架。

//timgm.eprice.com.hk/hk/mobile/img/2015-06/03/202256/keithyim_5_4542_7fb1d72a8e393ca1cfbaccef9879b9ff.jpg
▲ 放大張相,就會見到細舖行貨 HTC One M9 已做到 $4698 呢個價位了。

//timgm.eprice.com.hk/hk/mobile/img/2015-06/03/202256/keithyim_3_4542_f848e27327d5b8fe1e3646f28413cbc2.jpg
▲ 早前網絡不停流傳 HTC Butterfly 2 行貨 $2498 入到手,引起不少網友關注。傳出呢個消息嘅人,都幾大整蠱! 其實無論紅色定黑色曝雨警告,定係天晴熱爆三十度,HTC Butterfly 2 今日大型電器連鎖店仲係 $3398,$2498 係陳列貨品。老老實實,陳列品與特價貨,差好遠喎! 

注意 M9 更新

版主唔係話推你買 M9,不過係到跟大家講一個消息,應該係六月中左右,M9 嘅新一輪 Fimwre 更新,會是包括相機的改進,包括改善過曝,減低低光拍攝時的燥點與震動,改善相片色調偏綠與偏黃問題。此外,也包括使用 YouTube 及 Facebook 會省電及改善充電時機身發熱的問題。

HTC One M9 在文章刊登時,售價為 $4998,按這裡有更詳細規格最新賣價
HTC One M9+ 在文章刊登時,售價為 $5998,按這裡有更詳細規格最新賣價
HTC One E9+ 在文章刊登時,售價為 $4398,按這裡有更詳細規格最新賣價
廣告