LG 香港未死！版主 FC 年內推 5G 新機！會係 Velvet 嗎？

左定坤 (Cho Ting Kwan) 2020-06-30 14:35 | LG

成日都話，LG 幾乎已放棄香港市場，基本上都當佢死咗。但原來，又未死得哂。在某討論區上流傳，LG 今年會有新機，有網友猜測係咪果部支持手寫筆嘅 Velvet，而既然網上有咁嘅消息傳出，版主都向我嘅線人收下風，睇下佢又有無收得相關消息。結果係點，睇下文啦！



根據線人嘅消息，LG 的確未死嘅，預計在年尾會有 5G 新機推出，而網上流傳「11 月會有新機出」，兩者嘅消息都相符合，估計 11 月嘅可能性會相當大。至於到時會推出邊部手機呢？係咪支持 AES 手寫筆嘅 LG Velvet？消息指出，暫時係邊部機，未知，但只知道一定唔係 Velvet。唔知又會唔會令網友失望呢？

不過又咁睇，如果 LG 真係呢個時間回歸香港，都未必係一件壞事，至少香港人有多個非中國品牌嘅手機可以揀！你又點睇呢？