MOTO X 新機要來了?大鋪 Nexus 6 即劈 $800 , Moto X 2nd 都有減

Lawrence | Moto
上星期 Moto 就緊接住 OnePlus 2 的發佈推出左新的 Moto X 系列手機,仲一次過針對高中低階三個定位分別推出左 Moto G (2015)、 Moto X Play 同埋 Moto X Style 。今次呢三部新機反應相當大,有外國媒體仲打趣問 Moto 係咪秒殺左「旗艦殺手」 OnePlus 2 。係 Moto 出新機之後,大鋪 Nexus 6 同 Moto 2nd 係大鋪都即時有減價!大家又會點揀?

//timgm.eprice.com.hk/hk/mobile/img/2015-08/05/202905/lawrencelaw_1_4537_4446794a45b1dcf4392eaf499d553ec7.jpg


Moto Nexus 6 再減價清貨!係咪為左迎新機?

Moto 係三部新機的發佈會上雖然就未有講實推出的日期,但預計係 8,9 月都會正式係美國等地開賣。雖然近年 Moto 係香港推出新機往往都慢幾拍,仲要推出時個價錢「進取」到令人卻步,但係可能今次會有不同嘅。icon 講返係香港的情況先,上個月頭大鋪就開始將 Nexus 6 劈價促銷,係一個星期左右的時間劈足千六蚊,由 $5588 跌至 $3998 。其實以 $3998 呢個價位來講,買到 5.96 吋 AMOLED 2K 芒,無明顯發熱問題的 Qualcomm S805 CPU 配 3GB RAM 同埋 32GB 內置容量再加埋 Sony IMX214 感光元件 1300 萬像素光學防手震鏡頭,其實都算不錯。

不過而家大鋪再將 Nexus 6 劈價,由 $3998 減到 $3198 。除左價錢之外,大家需要注意的地方係 Nexus 6 而家仲有多少貨才是重點,因為係上月 Nexus 6 減到 $3998 的時候,版主到旺角百老匯查詢時得到的回應已經係貨源只剩少量,顏色得返白色。今次減到 $3198 後,版主再次查詢得到的回應就係旺角區已無貨了!所以如果大家想入手的話,除左旺角之外可以去其他區問問。
 

Moto X 2nd 不再需要指信用卡,直接買都有平!

另一部同樣屬於 Moto ,而家唔減都唔知等幾時先好減的手機就係 Moto X 2nd 啦!有關呢部手機版主先前都有分享過,如果係大鋪用指定信用卡買機的話都算係一部 3 千樓下可以入手的 S801 系列手機。本身係定價上其實 Moto X 2nd 要成 $4998 真係唔抵玩,不過如果落到三千樓下,又可能會有不同的情況嘅。係規格上 Moto X 2nd 有 5.2 吋 FHD 芒, Qualcomm S801 2.5Ghz 處理器配 2GB RAM 以及 16GB 內置容量, 1300 萬像素主鏡頭以及 200 萬像素前鏡,內置電池為 2300mAh 。今次之所以再一次拎 Moto X 2nd 來講其實係因為版主係旺角百老匯問價時就發現,原來目前買 Moto X 2nd 唔需要用指定信用卡,都一樣可以用 $2998 呢個價錢入手。不過, Moto X 2nd 而家呢個規格賣 $2998 ,係 Nexus 6 都只係賣 $3198 的情況下,大家又覺得算唔算抵玩呢?

//timgm.eprice.com.hk/hk/mobile/img/2015-08/05/202905/lawrencelaw_3_4537_f5deee41f539e9119f67fe68a02793c8.jpg
如果就性價比而言, Nexus 6 跌到落 $3198 其實就算係入手良機了,今次唔入都唔知仲有無貨⋯⋯

//timgm.eprice.com.hk/hk/mobile/img/2015-08/05/202905/lawrencelaw_3_4537_d94853613d8b2ead372c596387f07a06.jpg
Moto X 2nd 相信都係清緊貨,不過相對 Nexus 6 吸引力就真係差少少,唔知有無網友本身係想入手但未有匯豐卡所以遲疑緊呢?

在文章發佈時,Moto X 2nd 香港行貨賣價為 $2998 ,按此看詳細規格及最新賣價。
在文章發佈時, Moto Nexus 6 ( 32GB) 香港行貨賣價為 $3198,按此看詳細規格及最新賣價。
廣告