網站 PhoneArena 昨日上載咗多幅 Google Pixel 2 的電腦渲染圖，據說圖片是以電腦設計草圖的藍本，結合早前流出的諜照綜合製作而成。究竟是否 100% 準確，版主虎仔建議網友睇下就算，不必太過認真。不過 Pixel 2 的電腦渲染圖比起鬆郁矇諜照，的確靚仔唔少，尤其係配上 5 種唔同機身顏色，不再一味黑漆漆，Sharp 醒令觀感加分，可惜的是這 5 種顏色純粹為 PhoneArena 的猜想，沒有任何根據。
如果 PhoneArena 的圖片屬實，Pixel 2 不會採用全螢幕或弧形螢幕設計，亦不會有雙鏡頭相機，機身正面有雙喇叭，於是指紋辨識就要設置在機背。機背仍然維持兩段式設計，上方相機位置為玻璃，下半身則是金屬機身，對比上一代玻璃的比例大幅縮水。另一值得留意的是，Google 未有為 Pixel 2 配備 3.5mm 耳機接口，全面擁抱 USB Type-C。
資料來源：phonearena