主題:新一代 Android P 到著!七大升級,超級慳電你唔升唔得

ePrice HK
  • 發表時間:2018-05-09 04:16 收錄檢舉
    又係一年一度的 Google I/O 大會,其實版主真係好怕呢一日,每年都要半夜三更先開始,聽 Google 講到三四點......然而意想不到的是,今年的 Google I/O 大會,又 OK 好睇喎,同場發表的 Android P,都好似有啲睇頭。到底最近版本的 Android P,有甚麼重要的變動呢?版主下面會列點話你知!

    新一代 Android P 到著!七大升級,超級慳電你唔升唔得

    今年大部份手機廠商,都會拎 AI (人工智能) 呢家嘢作為佢哋嘅賣點,Google 理想當然亦不例外。就在最新發表的 Android P 裡面,Google 就加入了不少 AI 的元素,令到手機的使用可以更方便、人性化。
     

    Android P 必知重點

    1. 自適應電量 (Adative Battery):透過學習用家的使用習慣,推斷出邊啲應用程式係你未來幾個小時內會用到,而邊啲應用程式係你唔會用到,從而自動調節電池的使用量。Google 表示,透過 Adative Battery,能夠減低 CPU 耗電量達 30%,相當慳電。

    新一代 Android P 到著!七大升級,超級慳電你唔升唔得

    新一代 Android P 到著!七大升級,超級慳電你唔升唔得
    ▲ Google 表示能夠減少 CPU 耗電量 30%。

    2. 自適應亮度 (Adative Brightness):裝置會根據你的所在環境,自動調較屏幕的亮度;而當你手動調整亮度的同時,裝置亦會從中學習:啊原來在呢個光源環境下,你係鍾意呢個亮度的設定,下次再到類似的環境,裝置就會識得自動調整至合適你的亮度。

    新一代 Android P 到著!七大升級,超級慳電你唔升唔得

    3. 預測你下一步的行動 (App Actions & Slices):透過學習你的使用習慣,裝置會懂得預測你下一步的行動。例如你平時會經常打俾 Fiona,你會見到「致電 Fiona」的快捷鍵;而當你插入你的耳機,佢就會預測你可能會打開的 Spotify 歌單。又例如,如果你在搜尋一套最近新出的電影,裝置就會預測你可能想要買戲飛,然後直接給你「買戲飛」的建議選項。

    新一代 Android P 到著!七大升級,超級慳電你唔升唔得

    新一代 Android P 到著!七大升級,超級慳電你唔升唔得

    4. 全新的 UI 設計:在底部會見到有支持手勢操控的全新虛擬主頁鍵,當你向上掃,就會打開多工頁,並會顯示 5 個建議應用程式;而當你再進行第二次向上掃,就會看到所有應用程式。而當你按住主頁鍵左右掃,就可以切換至其他使用中的應用程式。

    新一代 Android P 到著!七大升級,超級慳電你唔升唔得
    ▲ 底部會見到有個全新的主頁鍵。

    新一代 Android P 到著!七大升級,超級慳電你唔升唔得
    ▲ 當你向上掃,就會見到多工頁,而下方則有 5 個建議應用程式。而如果再向上掃多次,就會進入 App Drawer,看到所有應用程式。

    新一代 Android P 到著!七大升級,超級慳電你唔升唔得
    ▲ 左右拉動主頁鍵,可以快速切換至其他使用中的應用程式。

    新一代 Android P 到著!七大升級,超級慳電你唔升唔得
    ▲ 調較音量的畫面亦有變化。

    5. 控制用家的應用程式使用時間 (Dashboard & App Timer):為了降低用家對手機一些應用程式的沉迷,在 Android P 入面 Google 亦加入了 Dashboard 以及 App Timer 功能,前者可以顯示你花了多少時間在應用程式上,亦都記錄了每個應用程式收到的通知數量,甚至可以顯示埋你在應用程式入面做過啲乜。就以 YouTube 來做例子,Dashboard 會話你知你花了多少時間去看 YouTube 影片。

    至於 App Timer 呢個功能,真係俾你自己 set 時間掣,幫助自己更能善用時間。就好似版主習慣性成日碌 Facebook 咁,我就可以 set 個時間,我只可以碌 Facebook 15 分鐘,就要停。

    表情 #g

    6. 快速進入「勿擾模式」:新的手勢功能,只要將手機屏幕向下放在枱面上,就可以自動進入「勿擾模式」,謝絕一切震動、干擾,無人可以搵到你......除非,你將對方加入白名單。

    新一代 Android P 到著!七大升級,超級慳電你唔升唔得

    7. 快速由直向畫面變成橫向:例如你開啟 Gmail 咁,當你將手機由直向變成橫向時,在導航欄的位置你會見到有個「旋轉」的按鍵,一按就可以將畫面由直向變成橫向。

    新一代 Android P 到著!七大升級,超級慳電你唔升唔得

    按這裡搶先試玩 Android P

    立即加入Facebook 專頁,新聞/消息/優惠,最快知。

    01樓 ▲TOP 回列表頁