貨尾清倉!6 系手機 + 旗艦級數相機,二千二唔買走寶

左定坤 (Cho Ting Kwan) 2018-07-21 16:53 | HTC
當一部手機落到一個價位,可以令到唔係 Fans 嘅版主都覺得心郁好想課金,相信應該都真係好吸引。想搵一部性價比高,影相又靚的平價手機?有,HTC U11 EYEs 真係不錯的推介。月頭版主 Keith 就同大家分享過,百老匯同匯豐信用卡做緊推廣,二千七左右就買得到呢部 6 系 U 又影相正的 U11 EYEs。不過,豐澤出招仲誇張,直接將 U11 EYEs 劈價千六蚊!中階機可以劈咁多,真係平到你唔信!但貨尾,要買就快!即睇幾錢同邊度買到!

HTC(Facebook).jpg

在百老匯仲係賣緊 $2728 的同時,豐澤網店中可以見到,HTC U11 EYEs 清貨價減到 $2239,相比建議零售價的 $3898,便宜咗超過 $1600。呢個價錢,真心覺得抵。不過,雖然話係網店上見到,然而網店已經無得俾你買,要買就要親身落指定門市。有紅、銀兩種顏色,不過銀色早已清光了,只剩下紅色,在尖沙咀海洋中心分店有售,但相信貨量都是有限,手快有,手慢無。

37412603_654460528246090_6472428054789488640_n.png

版主問過旺角相熟分店,U11 EYEs 已經無賣,而版主有理由相信,其他分店同樣應該已經無哂貨,就係淨低尖沙咀海洋中心呢一間。U11 EYEs 效能唔係最頂級,只係用上 Qualcomm S652 處理器,但其實正常使用都已經可以接受,最重點係佢影相能力係可以媲美旗艦級數,再加上有前置雙鏡頭,自拍都可以影到人像虛化效果,呢個價吸引到鍾意自拍的版主,亦是理所當然的事。吸引到我,又引唔引到網友呢?

HTC U11 EYEs 在文章發表時,大舖清貨價為 $2239,按這裡有詳細規格及最新賣價

最新新聞