主題:性能 + 日夜拍實測: HTC 舊旗艦用戶值得換成 U20 5G 嗎?

  • 發表時間:2020-12-01 14:34
    當聽到 HTC 香港版的 U20 定價比台灣平的時候,相信唔少粉絲都覺得開心,終於有翻次貼地價,但再到香港發佈日版主卻發現,原來香港版係 Made In China 而非台灣版的 MIT 產地,難怪價格上可有減價空間。價錢係平左,但換走了 MIT 的代價,粉絲們覺得如何呢? 本 YK 手上依然用緊舊旗艦 U12+,到底是否值得換新機 U20 5G 呢? 相信都係唔少人會問的問題。 所以,立刻睇性能測試,以及日攝夜拍實測喇!

    性能 + 日夜拍實測: HTC 舊旗艦用戶值得換成 U20 5G 嗎?

    開箱? 直接性能測試!
    本文並無任何開箱,直接黎就打真軍港版 U20 跑分實測了。如果有興趣睇真機外觀和台妹美女玩相機的話,可以參閱這裏。我相信大部分 U20 5G 的潛在買家都會係 HTC 舊用戶爲主,而本次文章亦會以 U12+ 舊旗艦機主的身份,同大家剖析到底應否換新機、棄舊機呢?

    性能 + 日夜拍實測: HTC 舊旗艦用戶值得換成 U20 5G 嗎?
    ▲港版 U20 預設相當乾淨,本來還有「Dr.eye 雲端版」和「KKBOX」兩款應用,但都可以手動刪除,變成上方圖片中只有全套 GMS 官方應用和 HTC 自家 App; 邊度係自家 App? 時鐘、氣象和相機囉,新機仲乾淨過 Nokia 個系統。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 系統 UI 和功能跟原生 Android 近似,並沒有發現特別增減的功能;跟機系統是 Android 10,而值得一讚係終於加翻「切換使用者」功能了,呢個功能係 U12+ 無的。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 安兔兔測試中的綜合性能表現是 32.5 萬分,性能符合正常 Snapdragon 765G 的表現。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 而 Geekbenck 5 測試中的得分如圖。 

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 不論是單核心還是多核心,S765G 已經是完勝 U12+ 的 S845 了,手機發展根本已經到達效能過剩的時代。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 在 AndroBench 測試中,四項過百已經係基本盤,ROM 的讀寫性能很大程度影響日常手機操作的流暢度,而不論是 AndroBench 跑分結果和日常使用體驗,U20 5G 基本上跟 U12+ 一樣、甚至更快。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 而 HTC U20 5G 擁有 5000mAh 大電池,雖然屏幕都加大至 6.8 吋,但接近 16 小時的實測中 Geekbench 4 續航結果卻達到 9437 分,在續航方面確實完爆 U12+ 了; 但需要考慮到一旦採用 5G 網絡,任何手機的電量都會倒水咁去,所以加大電池做法係相當正確。


    U20 相機越級對戰 U12+
    其實按道理 U20 係中高階機,而 U12+ 係旗艦級,相機玩越級挑戰係有相當大的難度。但今年 HTC 都未出過旗艦機,所以就繼續比較,而有趣係比較結果相當有趣,部分場景 U20 竟然有令人意外的表現,而且仲有特別方法可以提升個拍攝表現。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 舊代 U12+ 玩長短雙鏡頭,來到 U20 就變成 4800 萬像素主鏡頭、超廣角鏡頭、微距和景深鏡頭,跟 Pixel 5 一樣取消了長焦鏡頭。對比的方式是:左邊(上方)是 U20;右邊(下方)是 U12+。
     
    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 中午的室內無燈環境下,U20 傾向表現出較光亮的氣氛,而 U12+ 色澤相對沉實;前者會比較接近肉眼所見的實況。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 但令人意外的是 U20 細緻度竟然完勝 U12+,到底點解會中高階機打贏旗艦? 後面本 YK 會有更詳細的解釋。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 中午戶外日光場景下的貓咪雕塑,U12+ 更能還原現場的亮度實況,但色準方面卻偏綠,而 U20 對比上更準色。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 可以見到 U20 在線條刻畫上明顯更清晰,亦不會好似上次評測所用的 iPhone 12 Pro Max 咁數碼化谷線的情況;U12+ 成像表現明顯不如 U20 了,咁姐係 U20 完美 KO U12+ 嗎? 睇埋落去先 ~

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 隨着太陽開始落山、天色開始昏暗,U20 的色準和動態包圍(HDR)表現不如 U12+,後者鏡頭下的紅色更準確,大廈米黃色外牆亦還原得相當好。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 畫面細緻度變成 U12+ 表現更好,U20 中大廈的外牆線條顯得模糊。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 在室內黯淡的餐廳中,U20 和 U12+ 細膩度相若,雖然 U20 畫面比較討好(可能是因爲自動場景模式開啓),但實際是 U12+ 的成像更貼近肉眼所見。


    夜拍表現又如何?
    係日拍表現中, 大部分場景下 U20 的細膩度都比 U12+ 優勝,而色準方面亦明顯有了更大的提升。但亦有部分場景的拍攝表現顯得不穩定。 來到夜拍的部分,唔少網友都話 U20 無 OIS 光學防震系統,亦可能事前看過一些台灣的評測,覺得低光拍攝方面 U20 力不從心。 咁一齊睇睇囉 ~

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 預設的自動 HDR 情況下,U12+ 在動態曝光補償的表現更好,但就失去了現場該有的光差氣氛,U20 就比較貼近現場原貌。 

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 考慮到本 YK 可能已經練成石膏手的因素,相片放大睇會發現 U20 依然比較清晰,缺少 OIS 的情況下,機體長少少、大少少其實都有助減低震動問題(唯一想到呢個可能性 ~)。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 黎到極限夜拍場景,U12+ 自然贏幾條街啦,U20 一片漆黑連草地都消失不見。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 但 U20 其實都有個夜景模式,手動切換之後終於見到個草地,而且大樓顏色都好準確,並不像 U12+ 那樣偏黃。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 放大後亦見到 U20 在夜景模式下色準和清晰度完勝 U12+。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 另一個低光 + 複雜光場景亦有相似的結果,普通模式下的 U20 和 U12+ 色彩表現相似。 

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 你地睇,U20 連個螺絲都見唔到,模糊成咁樣乜玩法? 而 U12+ 係清楚見到個螺絲鑽坑。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 但如果手動打開夜景模式後的 U20 係兩個世界,夜拍光差都可以處理成 HDR 咁樣。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 放大之後粒螺絲釘終於都睇得清楚,線條相當清晰,完勝 U12+;結論係,夜拍情景真係要乖乖地記得打開夜景模式,否則影出黎只會出事。


    超廣角鏡和微距鏡呢?
    其實,實測過程中,無法感受得到到底有乜場景適合用微距鏡,而微距鏡頭只有 200 萬像素,畫質對比主鏡頭有極明顯的差距。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 以上兩張圖,第一張是用微距鏡拍攝,第二張是用主鏡頭拍攝;網友可以點擊放大對比,不難發現微距鏡頭不如主鏡頭。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 除非你需要將鏡頭放到好近咁影, 主鏡頭會出現無法對焦的狀況,這時候你切換到微距鏡頭就可以獲得一張線條清晰度優先、成像色彩質素次要的相片。

    性能 + 日夜拍實測: HTC 舊旗艦用戶值得換成 U20 5G 嗎?性能 + 日夜拍實測: HTC 舊旗艦用戶值得換成 U20 5G 嗎?
    ▲ 至於 118 度超廣角鏡的表現,可視角度確實是廣闊了不少,起碼大樓和路邊支柱見到的部分會更多,而色彩表現亦相當準確。

    性能 + 日夜拍實測: HTC 舊旗艦用戶值得換成 U20 5G 嗎?
    ▲ 但請謹記 U20 的超廣角鏡只有 800 萬像素,即時在日間拍攝的畫質與主鏡頭相比還是有一段相當明顯的距離;但當然,與 U12+ 比較肯定完勝,因爲後者根本無超廣角鏡 XD。


    分析總結
    從處理器性能、記憶體規格、續航力、甚至包括相機表現四個範疇黎對比,HTC U20 5G 可以話係完勝 U12+ 舊、舊、舊代旗艦。 從一開始版主收到風定價是四千到,到最後確實建議零售價是 3898元。價錢雖然是減左,但換來的是 MIC 組裝品質。 當然,你可能會話 iPhone 都係 MIC 中國製造喇! 但 U20 5G 從台灣發佈宣傳一直都是標榜 MIT 台灣製造,尤其是香港目前的大氣候下,如果可以買到一部 MIT 手機係相當令人激動的事。

    對比 U12+,有什麼功能是 U20 沒有的、而令人相當在意呢? 對本 YK 而言,是防水認證和通話錄音。另一個比較意外的驚喜係,將 U12+ 原廠 USB-C 耳機 Plug 落去 U20 上用,聲音效果竟然比 U12+ 好得多。 當然無做主動降噪效果。至於 U20 還有什麼令人在意的問題、是上面沒有提到的呢? 答案在相機! 不是吧? 相機部分不是很好嗎? 把 U12+ 都可以打落地。

    睇翻數據顯示 U12+ 一張相片大約在  1.5MB 至 6MB 浮動;而 U20 卻穩定在 8MB 大小,選擇夜景模式亦是 8MB;更驚人是選擇 48MP 全像素模式直出 34MB 比你! 天呀,8MB 一張相片對手機黎講其實真係好大,而且看情況 U20 並沒有針對相片進行浮動大小調整,意思係哪怕畫面係全黑,一樣送你 8MB 大小。好處係比更多的細節你,缺點係好快打爆個 256GB ROM,一旦你玩埋 4800萬像素拍攝,你點樣再加卡都好快玩完。 

    市場上無用 OLED 屏幕,又要性能又翻咁上下,又唔要中國品牌的手機,其實得 Nokia 8.3 和 HTC U20 兩款(好似暫時係得咁多),而 U20 規格和價格(暫時 ~)都比對手優勝。不知道是否因爲改了 MIC 搞產能集中,所以顏色暫時只得一種。 香港版 U20 目前只有墨晶綠,實機顏色相當不錯,但相信更多人會有興趣純黑以及純白。 

    HTC U20 5G 於文章刊登時,賣價為 $3,898 按呢度有更詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • HTC U20 5G
    • 現時售價: HK $3,898
    • 尺寸: 171.2 x 78.1 x 9.4 mm / 215.5 g
    • 電池: 5000 mAh
    • 插卡: microSD
    • 螢幕: 2400 x 1080、 6.8 吋 IPS TFT
    • 相機:
    • 顏色: 綠/白
    • 時間: N/A
    • 上市: 2020-12-01
    • 外型: 0
      • 3G
      • 無 HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 無 自動對焦
      • LED 閃光燈
      • 無 氙氣閃光燈
      • 無 3.5mm 耳機孔
    熱門討論▼
    • unclechak U11 80分droid turbo90分 新艾瘋SE90分
    • 帳號:
    • 發文:1121
    • 經驗:2114
    發表時間:2020-12-03 11:13
    你個KEYBOARD 好核突 XDDD
    02樓 ▲TOP 回列表頁
  • 發表時間:2020-12-03 11:36
    unclechak說:
    你個KEYBOARD 好核突 XDDD
    表情 #8 機械鍵盤黎,Cherry Brown,鍵帽係 PBT 質材,散件買料自己裝的。 
    03樓 ▲TOP 回列表頁