ASUS Zenfone 6 兩千有找鬥紅米 Note！高階版 Zenfone 5 會否平賣千三？

由四月講到而家，等到頸都長既 ASUS Zenfone 6 終於有消息啦。可能之前 ASUS 推 Zenfone 5 既時侯唔太順利，所以今次 Zenfone 6 直接推出頂級規格版本，將會配備 2GB RAM 同埋 32GB ROM ，定價方面比起版主預計的 $1,600 貴少少賣到 $1,898 。同時之前「被下架」的 Zenfone 5 亦即將在香港推出高規格 2GB RAM版，不過就要等到七月先有啦。

ASUS 高規格 Zenfond 6 定價 $1,899 ！2GB RAM 配 32GB 抵唔抵？

之前 ASUS 在香港推出過 $1,099 的平價手機 Zenfone 5 ，而即將推出的 Zenfone 6 就直接跳過了 16GB 版本，直接推出 32GB ，規格方面它採用了 6 吋的 720p IPS 屏幕、 Intel Atom Z2580 2.0GHz 雙核心處理器、 2GB RAM 、 1300 萬像素鏡頭和 200 萬像素前鏡頭，電池是3300mAh ，與之前推出的 ASUS Fonepad Note FHD 6 相比，只是屏幕解像度低一級，定價 $1,899 亦比起唔少大屏幕中階手機便宜。同時 ASUS 亦宣佈將會在 7 月第一個星期開賣 2GB RAM 版本的 Zenfone 5 ，會有 8GB 和 16GB 兩個版本，不過就未公佈定價。

睇番台灣定價 $7,490 台幣換算港幣都要 1,935 港幣，即係話香港定價平過台灣少少，如果係咁既話 ASUS Zenfone 5 高規格版本會唔會同台灣價錢接近？ Zenfone 5 8GB + 2GB RAM 台灣賣 $4,990 台幣，約 $1,289 港幣； 16GB + 2GB RAM 版就賣 $5990 台幣，大約係 $1,548 港幣，而版主之前收到既消息就係最貴賣大約 $1,300 ，如果用呢個價錢賣機，對於唔少網友黎講都係好事吧？（不要再發生定價羅生門事件了）

老實講，台灣都推出紅米 Note 了，香港這邊仍然在清貨紅米 1s ，睇怕紅米 Note 係香港推出都未有日期。（就算出咪又係要搶）ASUS Zenfone 6 就會係 6 月 27 號正式開賣，除左豐澤、衛訊等大鋪之外， PCCW 亦會代理這部手機，想知會唔會有抵玩既出機月費？就要睇版主之後既格價啦。網友又會不會期待 ASUS Zenfone 6 呢？順帶一提，之前版主睇過 ASUS Fonepad Note FHD 6 都係賣緊 $1,998 ，兩部機同樣用 Intel 核心，大家可以參考下面表格，睇下邊部適合自己。