S660 大劈價！大舖即減 $1300，平玩超廣角拍攝 6GB 手機！
今個月開始，衛訊同中銀合作推出了信用卡優惠，只要用中銀信用卡簽賬，就可以 $2498 的價錢，入手配備 S660 處理器的 ASUS ZenFone 4。如果講 S660 手機，呢個價又堅係好抵，平絕所有 S660 手機...... 仲要有 6GB RAM + 64GB ROM 喎，而且支持雙主鏡頭，玩到 120 度廣角拍攝，去旅行可以影到更多靚景，你又 Buy 唔 Buy？
▲ ASUS ZenFone 4 (高配版)，今個月起大舖推中銀信用卡優惠，賣 $2498，只係同標準版差 $100 咋。
S660 手機仲有 Vivo、Sharp，又會唔會係你心水機？
如果計香港有出行貨的手機來說，用 S660 處理器的應該仲有 Vivo X20 Plus 以及 Sharp AQUOS S2 (高配版)。而 X20 Plus 同 AQUOS S2 相比，版主個人會比較傾向 X20 Plus 多一點，無論係外觀還是影相質素，X20 Plus 似乎都係比 AQUOS S2 略勝一籌，但當然價錢亦相對更高。不過，Vivo X20 Plus 就只有 4GB + 64GB，而 Sharp AQUOS S2 就有 6GB + 128GB，前者大舖賣價為 $3998，而後者在 SmarTone 只賣 $2880。三部 S660 手機之中，不知網友又會點選擇呢？
▲ Vivo X20 Plus 大舖暫時仲係賣緊 $3998。
▲ Sharp AQUOS S2 (高配版) 數碼通則賣緊 $2880。 （網友提醒，原來近期跌左落 $2580）
ePrice.HK 手機比拼系統，看看三部 S660 手機邊部值得入手
▲ 按上圖或按這裡，比拼三部 S660 手機，鬥性價比。
ASUS ZenFone 4 (高配版) 在文章發表時，大舖賣價為 $2498，按這裡有詳細規格及最新賣價。
Vivo X20 Plus 在文章發表時，大舖賣價為 $3998，按這裡有詳細規格及最新賣價。
Sharp AQUOS S2 (高配版) 在文章發表時，數碼通賣價為 $2580，按這裡有詳細規格及最新賣價。
