主題:[圖文教學]Windows下Jailbreak iPhone 3G - 2.0.1適用

  1  2  3  >>  最終頁
  • 發表時間:2008-08-11 00:58 收錄檢舉
    個個都問:喂,我俾錢3用iPhone 3G,都要hack? 啦,講清楚D,呢D唔叫hack,應該叫jailbreak先啱。最近有些報紙記者,又再次識少少扮代表,話Jailbreak等於裝翻版,仲死去問海關。好心啦,用下個腦啦,jailbreak等於玩翻版game?個記者唔識又要扮識,我史提芬夫真係忍唔住講一句:乜而家D記者咁嫁,質素越黎越差,唔搵清楚料就亂咁寫。 Jailbreak有好多好處,可以裝程式,而唔係指裝翻版Game,千祈唔好搞錯。又有人大大聲問:喂,App Store咪有得裝羅,你講乜呀。聽埋先,Jailbreak之後可以裝好多非官方程式。唔係隻隻程式都可以入到官方的App Store,好似倉頡、MxTube、Summerboard、Customize等等。呢D程式全部俾官方的App Store拒絕,無計之下咪要經番jailbreak方法,係Cydia(Installer另一款)同大家見面羅。 簡單來說,Jailbreak iPhone 3G後,可以享受到App Store以外更多好正的程式。 廢話講完,而家要Jailbreak iPhone真係好容易,什麼command都唔駛打。最近蘋果出了iPhone 2.0.1,配合非官方的WinPwn就可以玩到Jailbreak。雖則個程式好鬼易用,但總有人唔多明。以下長話短說,逐步cap圖俾大家睇,唔睇字睇下圖,話咁快學識。 事先聲明,若果死機,搞唔番掂,變左磚既話,史提芬夫唔會負責,3香港都未必會否負責修理。大家自行承擔風險,決定是否要jailbreak了。 開始前,下載左WinPwn先。 第一步: 先係iTunes同步iPhone一次。之後先開WinPwn 2.0.4。之後按Browse .ipsw,瀏覽C:\Users\[你Vista個大名]\App Data\Roaming\Apple Computer\iTunes\iPhone Software Updates。入面揀番最新既iPhone 2.0.1 firmware的ipsw尾的檔案。 第二步: 按IPSW Builder會見到上面咁既畫面。揀番裝Cydia,其餘唔好剔。鐘意既,咪揀埋Installer。不過史提芬夫揀左,發覺入面無野玩。所以其實裝Cydia就得。 第三步: 去到Advanced頁,若果大家係3出機,記住乜都唔好剔。其他分頁的選項可以唔駛搞,之後再按Build .ipsw開始,揀番要save個file係邊。 第四步: 等等等等.... 第五步: 搞掂。 第六步: 之後會返回主畫面,而家按iPwner。佢會叫你揀file,你揀番第三步個file就ok。 第七步: 等佢一陣。佢會出呢句野。 第八步: 關左個WinPwn佢,再開iTunes。禁住Shift再按Restore按鈕。佢會彈個咁既圖出黎。揀番頭先整好左既firmware就得。 第九步: Restore完之後,佢會問你set up a new iphone又或者還原設定。記住揀還原設定就ok。
    此文章已於 2008-08-11 01:00 重新編輯

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2008-08-12 15:09 檢舉
    史提芬夫大大~我係iphone新手, 2日前買了部iphone 3G, 請問一下如果jailbreak的成功機會大唔大?如果jailbreak失敗, 最壞係咪會出error或死機?error或死機後又可否用itunes回覆番呢? 其實我想問嘅係, 如果出error / 死機, 咁我可以點做.... Thanks!!
    此文章已於 2008-08-12 15:16 重新編輯
    02樓 ▲TOP 回列表頁
  • 發表時間:2008-08-13 02:32 檢舉
    都係唔會jailbreak 本身2.0.1都己經唔stable(係好過2.0既,但始終比唔上2g既1.1.4),重搞jailbreak? 況且jailbreak上既app,始終係心裡上會覺得唔安全 app store話哂都有apple check過,安全性高好多...
    03樓 ▲TOP 回列表頁
  • 發表時間:2008-08-13 04:25 檢舉
    app store話哂都有apple check過,安全性高好多... CHECK過 就唔會有"I AM RICH" , "SLASHER" 仲要我PAY VISA....
    04樓 ▲TOP 回列表頁
  • 發表時間:2008-08-13 08:10 檢舉
    d2sky說:
    都係唔會jailbreak本身2.0.1都己經唔stable(係好過2.0既,但... 恕刪
    jailbreak同stable與否沒有關係。不過,我當然支持你的個人意見。始終安全D好既。
    05樓 ▲TOP 回列表頁
  • 發表時間:2008-08-13 08:13 檢舉
    yhkelvin說:
    史提芬夫大大~我係iphone新手, 2日前買了部iphone 3G, 請問一下... 恕刪
    jailbreak失敗最壞就係要重新restore一次。我自己就未試過出問題,不過有人話restore時出了error 6或者什麼的,但都有方法解決。 當然,你有咩唔明或出錯可以上黎問。不過,都係個句,你要考慮清楚是否要jailbreak,有咩事整唔番要自己承擔風險
    06樓 ▲TOP 回列表頁
  • 發表時間:2008-08-13 08:14 檢舉
    RAKEHELL說:
    app store話哂都有apple check過,安全性高好多...CHECK... 恕刪
    安全是安全的。之不過係質素問題。程式質素差唔等於唔安全呀。App Store的程式係好安全的,但質素就好參差
    07樓 ▲TOP 回列表頁
  • 發表時間:2008-08-13 12:11 檢舉
    WHERE can i find the firmware in the window XP???
    08樓 ▲TOP 回列表頁
  • 發表時間:2008-08-13 14:23 檢舉
    jailbreak 左o既機如果壞左, 我又冇機會將佢restore, 咁會唔會冇左原廠保養o架?
    09樓 ▲TOP 回列表頁
  • 發表時間:2008-08-13 17:46 檢舉
    覽C:\Users\[你Vista個大名]\App Data\Roaming\Apple Computer\iTunes\iPhone Software Updates。入面揀番最新既iPhone 2.0.1 firmware的ipsw尾的檔案。 小弟是用..WIN XP 的.. 但是找不到..以上的FILE 及LINK~ 請指教! THANKS!
    10樓 ▲TOP 回列表頁
  1  2  3  >>  最終頁