ePrice 版主預測:iPhone SE 炒唔炒得起? 網友點睇?

左定坤 (Cho Ting Kwan) 2016-03-22 19:03 | Apple
Apple 選擇係上半年度先推出一款規格比得上 iPhone 6s 但價錢就平一大截的 iPhone SE ,好多網友係 15/16 入唔入手的同時,應該會諗同一個問題「呢部機炒唔炒得起,執得多唔多?」。唔少傳媒都報導先達行家預測, iPhone SE 最高可以炒上 $1000 左右。版主一向唔鼓吹炒風,以下就係幾個版主認為 iPhone SE 炒唔起/唔值得炒的原因,大家睇完一齊傾下啦!
//timgm.eprice.com.hk/hk/mobile/img/2016-03/22/204961/lawrencelaw_1_4544_2ae799d1016da321ae0616c56fad252f.jpg

主要原因:首賣地區又有大陸,同 iPhone 6s 情況一樣

其實呢點真係最主要影響因素。上年 iPhone 6s 就係好例子,雖然外型方面 iPhone 6s 沒有大改,但起碼都加入了玫瑰金新色,情況應該會同 iPhone 5s 相近先係。但首賣地區多左大陸之後,問題就來了,之前版主 Keith 都講過,係 AOS 期間, iPhone 6s 係大陸貨量比起香港更多更充足,變相對香港的依賴就少左,需求減少就即時見到 iPhone 6s 首賣當日,「細機」短時間內全面停收,而「大機」第一水都只係賺到 $1500 左右。而往後一星期,回收價跌極都有,鮮有回升,同 iPhone 6 Plus 首賣當日炒到 $18000 可謂天淵之別。可以預期,大陸同樣第一輪開賣的 iPhone SE 都難有大作為。

//timgm.eprice.com.hk/hk/mobile/img/2016-03/22/204961/lawrencelaw_3_4544_978425ad80c64e85540f0fd910a2c552.jpg
▲  iPhone SE 外型同 5s 一模一樣,係多左玫瑰金新色,從炒賣角度來看,邊部會最易放到好價,顯而易見。

細芒機在中港市場都不太受歡迎
接下來就係定位問題,iPhone SE 原意很不錯,主攻一班死守 iPhone 5s 或之前版本,或者係「筆直」有限但又想用 iPhone 的消費者。可惜,以上兩個群組係香港同埋最重要係大陸,都唔多,意味著 iPhone SE 的需求都唔會大。 大陸人愛用大芒機(或者咁講,愛用較貴的版本 iPhone)一直有數據支持。以 iPhone 6 一年為例,首賣當日 iPhone 6 Plus 有價兼渴市, 64GB 或者 128GB 淨賺 $8000 以上不是問題。而 iPhone 6 最多只能淨賺 $3000 以下。 iPhone 6 一年因為「大機」量少,未必能夠作準,但係上年 iPhone 6s 一就好清楚了,「大機」開賣首日都講緊可以賺一千幾百,而「細機」就係要睇有無人收。可以見到,除左大陸是不是首賣地區之外,屏幕大細都係一個要留意的因素。

//timgm.eprice.com.hk/hk/mobile/img/2016-03/22/204961/lawrencelaw_3_4544_280701bcf5c9ac3ba2e1b65af688032f.jpg
自 iPhone 6 一年 Apple 開始同時推大細機開始,可以見到「細機」一直都唔夠大機好炒, iPhone SE 雖然係最新的 iPhone ,但因為定價難比 iPhone 6s / 6s Plus ,看來很難成為土豪目標呢!

iPhone SE 外型欠獨特性,下場會似 5c ?
大家都明白,今次呢部 iPhone SE 係買「內在美」,即係在外型上無乜特別。如果將部 iPhone SE 同 iPhone 5s 擺埋一齊,分分鐘無法辨別何者是 iPhone SE,何者是 iPhone 5s 。始終,以 Apple 定個而言 iPhone SE 係一部類似 iPhone 5c ,主攻中階市場的產品,不能喧賓奪主搶去 iPhone 6s 的風頭啊!提到 iPhone 5c ,大家可以留意返,呢類 Apple 滿足市場而推出的「平價機」,下場一般都幾淒涼。當時 iPhone 5c 同 iPhone 5s 同期開賣,但前者貨量之多,令到首賣當日先達已經用緊「平手價」回收。所以最後簡單一句,如果打算自用 iPhone SE 的話, 3 月 24 號的 AOS 當然值得去馬。但有意睇下執唔執到一千幾百的網友,都係等 iReserve 比較好呢! 

黑色機氾濫! iPhone 5s 即日回收價速報(更新:下午四時報價)
▲雖然 iPhone 5c 首賣日期同 iPhone SE 唔同,不過大家可以參考返當時首賣情況,或者會有得著!

唔知大家又點睇今次 iPhone SE 炒唔炒得起呢個問題呢?留言講講吧!

iPhone SE + 9.7 吋 iPad Pro 文章集合 LINK 
差別不只在尺吋! iPhone SE 比拼 iPhone 6 與 iPhone 6S
六大 iOS 9.3 功能 ! 今日不升級是你損失?
iPhone 6s 級數配置? Apple 4 吋 iPhone SE 現身!
香港價格曝光! iPhone SE 價格貴定平?
新 iPad Pro 9.7 吋香港賣價驚喜! 追加 256GB 容量
究竟我要買邊部? 9.7 吋 iPad Pro 火拼 iPad Air 2
iPhone 5s 外型,6s 規格! 4 吋芒 iPhone SE 真機上手
1GB 還是 2GB RAM 唔使靠估! iPhone SE 外媒測試結果出爐
ePrice 版主預測:iPhone SE 炒唔炒得起? 網友點睇?
快人一步訂 iPhone SE 玫瑰金! 3 月 24 號 AOS 買機策略
開賣情況非常慘淡?iPhone SE「無限量」任買,可以慢慢揀!
細細部有好處 iPhone SE 電池完勝 iPhone 6s、Galaxy S7
街頭訪問 + 評測! 99% 途人都分不出 iPhone 5 跟 iPhone SE!
Apple 賺多你七舊!買 64GB iPhone SE 用家變笨蛋
真係 No One Cares? iPhone SE 首賣,版主現場直擊!
比拼 iPhone 6s !版主現場試 iPhone SE 相機+跑分
開賣統計數據 揭低學歷中年麻甩佬至愛 iPhone SE
規格大提升,值得入手?iPad Pro 9.7 吋版主一手試

最新新聞