上台加送 Apple Watch ，抵過買淨機？
表面上， Smartone 、 3HK 或者 csl 個上台計劃都有不錯的吸引力，好似 Smartone 標榜合約優惠高達 $2880 ，而 3HK 更加有 Apple Watch 送！看來買淨機真係唔夠上台出機著數，但實際上又係咪咁著數呢？呢樣就要計過數先知。先講左 Smartone ，雖然見到合約優惠最多有 $2880 ，但要留意因為本身月費計劃價錢相當高昂， 6GB Plan 要成 $518 ，而且要硬食 $36 額外服務費用，所以最終計起上來。相比起買淨機（以 64GB 版為例）再用數據用量相同的月費計劃（ 6GB 月費加行政費 $316），其實 Smartone 的 iPhone SE 上台計劃總支出都只係平 $300 左右。
▲ Samrtone 雖然合約優惠看起來很吸引，但係月費相當高昂，最終成本都慳唔到幾多。
而 3HK 方面，以送 Apple Watch Sport 版作為賣點，但抵唔抵實在好取缺於閣下想唔想要 Apple Watch。同樣地，以 6GB Plan 來計， 3HK 月費都好貴，要 $498 再加 $18 行政費同埋 $39 行政費，所以總支出都要成 $13320 。要留意，因為 3HK 提到係可以送 38mm 或 42mm Apple Watch SPORT ，而價錢上兩者係有分別的（42mm 貴少少）。如果以買淨機（用 64GB 版為例）再用數據用量相同的月費計劃（6GB 月費加行政費 $316）同加上 Apple Watch 一隻，上台的話就可以平最多 $1240 。
▲ 3HK 以送 Apple Watch 作招睞，如果閣下同時有意入手 Apple Watch 的話，會慳到千二蚊左右，算係抵玩。
▲ csl 其實係三間網絡商中比較失色的，月費唔平而且機價優惠不多。
唔知大家又點睇今次網絡商上台優惠呢？留言講講吧！
