主題:版主收風: 新 iPhone 下周發表!WWDC 2017 仲有乜重點?

ePrice HK
  • 發表時間:2017-06-03 14:03 收錄檢舉
    下星期二香港時間凌晨時份,就係 WWDC 2017 開發者大會,比較容易估到的,是會推出最新的 iOS 11,早前傳聞 iOS 11 會取消對 32 bit 應用程式的支持,不過是否屬實,還是要等 Apple 下星期的發表。另外,除了會發表最新 iOS 外,版主收到風,新 iPhone 將會下星期發表,呢個消息的可信度可以說是相當高,你又是否期待呢?而 WWDC 2017 仲會唔會有其他乜嘢重點?下文會一一同大家講下。

    版主收風: 新 iPhone 下周發表!WWDC 2017 仲有乜重點?
     

    001: iPhone SE 後繼機

    有可靠消息人士透露俾版主知,iPhone SE 的後繼機,將會在下星期 WWDC 2017 發表。新 iPhone 會叫乜名,暫時都未能確定,不過一般傳媒都猜測,應該會叫 iPhone SE 2,咁就暫時當佢係先啦!到底 iPhone SE 2 係點嘅樣呢?從之前流出的機殼照中,可以見到 iPhone SE 2 有機會會用上雙主鏡頭設計,而按照 iPhone SE 的配置來看,版主猜測,iPhone SE 2 在性能上應該能夠媲美 iPhone 7,甚至有機會會超越 iPhone 7,接近 iPhone 8 的水平。不過對於版主來說,最令我期待的,應該是舊 iPhone SE 跌價,到時應該可以入手!

    版主收風: 新 iPhone 下周發表!WWDC 2017 仲有乜重點?
     

    002: 新 MacBook

    有傳聞指出,Apple 將會趁住 WWDC 2017 呢個機會,會將 MacBook 系列更新,而有外媒估計,MacBook Pro 以及 12 吋 MacBook,應該會升級至第 7 代 Intel 處理器,亦表示在性能方面會有所提升,而電池壽命亦會相應提高。當然,亦都可以估計到,MacBook 系列將會支持更大的記憶體,有用戶曾經投訴,16GB RAM 都仲係唔夠用,所以 Apple 或許會聽從用戶的意見,將記憶體提升至最高 32GB。至於 MacBook Air 會唔會有更新呢?機會比較微,而且可以相信,就算有更新,都可能只是將處理器升級至第 7 代,其他好大機會會維持不變。

    版主收風: 新 iPhone 下周發表!WWDC 2017 仲有乜重點?
     

    003: 10.5 吋 iPad

    有傳聞指出,Apple 將會推出一部 10.5 吋的 iPad Pro,好大機會會用來取代 9.7 吋版本。而呢部 10.5 吋版本 iPad,將會配備更快的處理器,相信會是 iPhone 7 用果粒處理器的升級版,亦即是 A10X。另外,屏幕解像度亦好多機會會提升至 2224 x 1668 LCD。另外,12.9 吋版本 iPad 亦有機會會有輕微的升級,而 Apple 亦可能會將現有 iPad mini 系列取消。

    版主收風: 新 iPhone 下周發表!WWDC 2017 仲有乜重點?
     

    004: iOS 11

    每年的 WWDC 開發者大會,其實最主要推出的,應該是軟件上的升級。首先就是 iOS 11,有傳聞指出 iOS 11 可能會新增一個全新的音樂軟件,並可能會加入更多的影片內容。另外,Apple 亦有傳會在 iOS 11 上加入暗黑模式,並會增加對照片、信息的保護。同時,iOS 11 亦會將 Siri 升級,令 Siri 把聲變得更加自然同人性化,同場仲會推出一個新的 Siri Speaker。還有的是,iOS 11 應該會加入群組 Facetime 的功能,並且具備睡眠追蹤軟件,追蹤你的睡眠質素。

    版主收風: 新 iPhone 下周發表!WWDC 2017 仲有乜重點?

    來源: Engadget

    立即加入Facebook 專頁,新聞/消息/優惠,最快知。

    01樓 ▲TOP 回列表頁