在外型方面，iPhone 8 系列整體設計上基本上同舊代 iPhone 7 一樣，不過就唔係用金屬機身，而是改用了全玻璃設計，Apple 表示是「智能手機上歷來最堅固耐用的玻璃物料」，係咪真係咁耐用，就都要版主有機試過先知道。iPhone 8 同樣有實體 HOME 鍵，支持防塵防水，4.7 吋的 iPhone 8 只有一個鏡頭，而 5.5 吋的 iPhone 8 Plus 則有雙鏡頭。而最明顯的不同在於推出了新色 - 「鋁金色」。除左鋁金色之外，iPhone 8 另外還有銀色以及灰色，不知網友覺得邊隻顏色最靚呢？而呢隻新色，又會唔會有得炒下呢？
iPhone 8 的定位是 iPhone 7 系列的升級版，在配置上 iPhone 8 配備了新一代的 A11 處理器，配備四個節能核心，速度比 A10 Fusion 提升 70%，另外兩個高效核心的速度則提升達 25%，並用上第二代效能控制器，在高效能的同時，能夠保持電池使用時間的持久力。比較值得一提的是，iPhone 8 用上了由 Apple 全新設計的三核心 GPU，速度比 A10 Fusion 提升 30%，而 A11 Bionic 則能夠有助運行 AR App 和遊戲。
至於相機部份，iPhone 8 同上代一樣，都係用上 1200 萬像素鏡頭，並支持光學防震功能，而 iPhone 8 Plus 則有兩個 1200 萬像素，光圈分別為 F1.8 以及 F2.8，新的感光元件比以前更大、更快，並具有全新的顏色濾鏡以及更深層的像素，同樣支持相片和影片的光學影像防震功能。另外，透過玻璃機背，iPhone 8 可支持無線充電功能。iPhone 8 將會預載 iOS 11 作業系統，唔知網友點睇呢部 iPhone 8 呢？相比 iPhone X，吸引力係咪真係差好多？留言討論下啦！
▲ iPhone 8 / 8 Plus 在外型上，同上代似乎沒有大分別，主要是多了款新色，同埋用上 Retina HD 顯示器，配備 True Tone (可根據身處的環境光暗，自動調節白平衡）、寬廣色域以及 3D Touch。
▲ 用上了鋁金屬材質。
▲ 支持防水。
▲ iPhone 8 用上了新一代的 A11 處理器，相比上代 A10 快了不少。
▲ 在相機上，iPhone 8 同樣用上了 1200 萬像素鏡頭，Apple 表示改用了全新的感光元件，並支持光學防震功能。
▲ 在玩 3D 遊戲表現都會很不錯。