主題:剪貼功能推出?由Safari剪貼文字至電郵

  • 發表時間:2008-12-14 19:07 收錄檢舉
    人人都話iPhone無剪貼功能好鬼麻煩,我史提芬夫都覺,唔知點解Steve Jobs居然唔覺。有時想係Safari把網頁的文字,係iPhone上即時複製去其他網頁都苦無方法。之前係Cydia有隻叫CopierciN,可以幫你把文字由指定的程式,複製並貼上至其他程式。但操作方法好複雜,又要先jailbreak,好多人根本唔知點用。 近排有隻新工具,叫做Pastebud。佢只支援把網頁內容複製並貼到到其他網頁,又或者把網頁內容複製貼去其他電郵,亦都可以把電郵的內容複製去網頁。用法相對簡單得多,以下等我史提芬夫解說下: 安裝/事前準備方法: Step 1. 用Internet Explorer或Safari去 Pastebud 網站,如圖找到右上方的綠色地方,把COPY和PASTE拖入Bookmark資料夾中。係Internet Explorer入面,就右選揀Bookmark就得。 Step 2. 與 iPhone 同步,係「資訊」分頁,記住揀番同步書籤。 使用方法: Step 1. 睇緊ePrice時,想把內容複製貼去自己的Blog的話,就按一按書籤圖示。 Step 2. 頭先我地把COPY和PASTE兩個連結已經bookmark左,並同步左去iPhone,所以而家就有得揀。而家要複製,就揀COPY。 Step 3. 稍等一陣,佢會把網站的內容變曬純文字,並會好似上圖咁顯示。而家點一下開始部份,再拖放便可選擇想要的文字。若果唔得的話,請試多幾次掌握技巧。揀好想要的部份後,按COPY。 Step 4. 按剛才的左上方的部份,就會自動把內容轉到去電郵程式。 Step 5. 若果想把剛才網頁的內容,放到去其他網頁中的話,就先去有關網頁。 Step 6. 開番Bookmark公仔,但今次揀PASTE。稍等一陣,便會見到如圖畫面。 Step 7. 禁一下任何的PASTE HERE部份,剛才的網頁便會貼了上去。但由於是免費版本,所以會顯示如圖提示訊息。此時按Cancel取消就可以。又或者,俾US$5佢升級。 ----------- 要把電郵的內容複製貼上則要跟據以下步驟: 事前方法 Step 1. 用Safari或IE睇Pastebud網站,係secret pastebud address上面右選,複製電郵地址。 Step 2. 開啟Outlook或Address Book,新增聯絡人,叫Pastebud,係電郵地址上面,貼番剛才的電郵地址。 Step 3. 同步iPhone的聯絡人。 使用方法: Step 1. 把想複製的電郵內容,forward去剛才加入的pastebud聯絡人。 Step 2. 稍等一會,再檢查電郵,會看到有一封好似上圖咁樣的聯絡人。禁入面條link,會開啟Safari,重覆番以上好似複製網頁咁的步驟就得。

    立即加入Facebook 專頁,新聞/消息/優惠,最快知。

    01樓 ▲TOP 回列表頁
  • 發表時間:2008-12-15 20:42 檢舉
    哈哈...都幾多步驟
    02樓 ▲TOP 回列表頁
  • 發表時間:2008-12-17 02:37 檢舉
    soundsgood說:
    哈哈...都幾多步驟
    03樓 ▲TOP 回列表頁
  • 發表時間:2008-12-17 17:55 檢舉
    史提芬夫說:
    都唔係。你試試會覺得其實好易
    04樓 ▲TOP 回列表頁