即數 iOS 17 10 大更新賣點
001：可以透過不同字體、Memoji 等，嚟自訂電話 App 通話時嘅畫面，並可以為唔同嘅聯絡人，去自訂唔同嘅外觀。
002：可以使用 Livemail 新功能，有人喺留言信箱度留言嘅時候，可以將佢轉錄成文字，等你可以了解通話內容，根據情況決定係咪要聽電話。而當你係透過 FaceTime 同某個人通話嘅時候，如果對方唔接聽，你就可以用影片嘅方式，留言畀對方。
003：iMessage 方面，用家可以喺對話中快速創建以及插入動態貼圖，更可以喺其他支持 Markup 嘅地方，用到呢啲貼圖。另外，iMessage 仲有右拉快速回復訊息、位置共享嘅功能，其實講到好似好新咁，咪即係 WhatsApp 咁囉，不過佢就改良咗，可以跳轉到你已閱讀嘅最後一個訊息，並且有更加精準嘅篩選器等等。
004：Apple 加入一個全新嘅交換號碼快捷方式，叫做 NameDrop，例如 A 君同 B 君啱啱相識，想交換電話號碼，你只要將兩部 iPhone 擺埋一齊，就可以快速共享聯絡方式。講到尾，其實係 AirDrop 嘅一個延伸功能。
005：以往 AirDrop 一定要一直兩個裝置好近距離，先可以傳輸到相片、影片等檔案，但如果中途行開咗，就會中斷，而家 iOS 17 會依賴網絡嚟傳輸，避免中斷傳輸嘅情況，咁樣就算唔係一直保持喺附近，都無所謂，不過講開又講，AirDrop 本身都好快，等一等有幾難先～
006：iOS 17 鍵盤可以預測你輸入中嘅句子，等你可以自動輸入，而且多得 Apple Silicon 技術，可以根據你輸入嘅模式，更好咁學習。
007：推出全新 Journal 應用程式，幫你回憶一啲重要時刻，你去過乜嘢地方，影咗乜嘢相，聽咗乜嘢歌或者 Podcast，同埋聯絡咗邊位朋友親人，都可以加入到呢個 Journal App 入面，將各種類型嘅資料總合喺一個地方，只要輸入一個特定日子，或者加入一啲描述，iOS 就會幫你顯示返呢啲資料出嚟，等你可以回憶一下一啲生活上嘅點滴。
008：加入 Standby 模式，等你部手機可以橫向充電嗰陣，以 Always On 嘅方式，顯示時間、日期、天氣等信息，你仲可以喺唔同嘅小工具之間滑動，查看你可能感興趣嘅各種類型資料。當你訓覺嘅時候，Standby 亦會切換為較暗、紅色嘅風格，避免太過光亮。
009：以前要 Hey Siri 或者「喂 Siri」去叫 Siri 出嚟，而家唔需要喇，就咁叫 Siri，再提出你嘅指令就得。但近期咁流行 ChatGPT 呢類嘅 AI，暫時睇未知會唔會令 Siri 更加智能化。
010：Google Maps 幾年前已經有得下載離線地圖，而家 Apple 地圖都做到，等你唔使數據都可以睇地。
iOS 17 功能一覽
iPhone 15 系列推出！9 + N 個 iOS17 你一定要知及使用的全新功能聽歌必用！iPhone 15 系列！iOS 17 中的 Apple Music 有感升級大披露
不再無用了! iPhone 15 / iOS 17 Siri 大升級！以後合埋眼都可以上網睇文
iPhone 15 將發佈！iOS 17 支援的 iPhone 一覽
iOS 17 相機加咗呢個功能！果迷會讚，An迷會話佢只係追落後
iOS 17 大把升級功能，但呢三個趕唔切九月推出
〔教學〕原來 iOS 17 有新快速裁剪相片功能！呢篇文章版主教你！
Apple 怕你睇壞眼！立即評測 iOS 17 全新勁煩但又實用嘅警告字眼
iOS 17 呢個功能我最中意！iPhone「待機模式」教學+評測 手機秒變時鐘、睇股助手
iOS 17 一個改動 用 iPhone 傾電話要重新適應
iOS 17 相簿實用新功能 洗衣標籤詳情相片一掃即知
〔懶人包〕iOS 17 仍然係重點！即數 iPhone 15 系列 10 個必知新功能 / 升級
iOS 17：AirPlay 的新變化