根據供應鏈消息人士、著名分析師郭明錤就表示，預測嚟緊 iPhone 15 系列市場需求會較低，甚至比起上年 iPhone 14 系列推出嘅時候都要低。具體點解佢會咁認為，佢就無講清楚，只係佢目前嚟講嘅預測，但未來情況係有可能有變動嘅。
郭明錤就指出：「除非 iPhone 15 喺推出之後，需求比市場預期都要好，如果唔係大部分供應商會喺今年嘅下半年，面臨增長嘅壓力。」
唔單止 iPhone，就喺 Apple 公佈業積之前 (會在 8 月 3 日美股盤後公佈），郭明錤亦都預測，其他 Apple 嘅硬件產品，喺 2023 年下半年嘅出貨亦都會比上年疲弱。除非 Apple 好明確同大家講「對 2023 年下半年或者 2024 年嘅市場需求有信心」，如果唔係相信郭明錤都好難會改變佢目前嘅預測。
來源：GSMArena