凌晨一點第一人殺到！訪問首名排隊預訂果粉
今朝 Apple Store 開門前，尖沙咀現場氣氛已經好熱鬧。根據觀察，預約咗買機嘅人大約超過 80 人，而 Walk in 隊都至少有 60 人，加加埋埋現場接近有 200 人，相比上年明顯多人好多。最誇張嘅係，Walk in 排頭位嗰個，原來凌晨 1 點半已喺度等，實在太誇張。有預約嘅，自然唔使咁早等，不過第一個排隊嘅，都係 6 點半左右已經到達尖沙咀 Apple Store 門外，佢叫李先生，預訂咗哴係 iPhone 17 Pro Max 512GB 白色，問及點解咁有興趣換今年嘅 iPhone 17 Pro Max，佢表示因為兩大升級：首先，Vapour Chamber 散熱系統，呢個係 iPhone 17 Pro 系列的亮點，能有效壓低高負荷時的機身溫度，尤其適合我哋香港呢個熱帶城市，玩遊戲或拍片唔使再擔心機身熱到燙手。其次，GPU 效能提升 40%，配埋全新 A19 Pro 晶片，絕對係重度用家的福音。
至於點解唔考慮橙色？呢位李先生身穿橙色的 T Shirt，以為係鍾意橙色，但居然唔買橙色，主要原因係佢一直用開白色，應該佢都係鍾意白色機身多啲，同時亦都有問過，今年 iPhone AIR 咁特別，有無考慮過買 iPhone AIR，佢亦表示無考慮，主要原因佢價錢同 iPhone 17 Pro 差不多，但只有單喇叭同單鏡頭，所以都唔會考慮 AIR，而係直接買 Max 最實際。