新版介面和舊版好似一樣，但其實按左上方圖示的時候，就會出現多左一個選項「增強實景（境）」（英文叫 Augmented Reality，我係 ePrice 都介紹過，係未來 iPhone 至強應用之一，Nokia、Google 都把這個應用做了 Concept Video，即係把你見到的東西，立體地加入不同的程式。都係唔明，你繼續睇啦。)
當你地到一個不熟悉的地方，如史提芬夫身在的觀塘，突然想找一間便利店買汽水，點算呢？Where is 7-11？開啟《行Guide》的「增強實景（境）」功能，之後揀你想睇的地方類別，按確定。等一陣，iPhone 的相機便會自動打開，當然 iPhone 的 GPS 亦會同時開啟，定你的位置。
iPhone 鏡頭，唔係用來影相，其實變了 View Finder。你拎住部機就圍望，你會發覺佢除左捕足現場畫面 (見到你身處地方的實境，What you see is what you get)，仲會係上面加上資訊，例如我要找便利店，就會把相關地點，即時 Show 俾你睇。
最好玩是你郁去邊，《行Guide》程式都會跟住你身處的方位，去改變畫面上的顯示資訊。唔明既話可以睇下呢段影片：
好多人成日拉埋呢類Augmented Reality和Google Street View黎講，但根本係兩個完全唔同既野。因為Google Street View 的所謂實景，並唔係即時。Augmented Reality程式係即時，你眼前見到乜，佢就顯示乜，再係上面加入新資訊。Google Street View做唔到，亦都唔係即時。
其實呢類程式係外國都有，好好彩香港都有程式設計員寫呢類程式，仲要係免費架!
《行Guide》的程式開發員同我地講，話佢地已經提交左個《行Guide》新版本俾 Apple，預計好快會同大家正式見面。
