有用iPhone的多數都聽過咩係iAcces，我史提芬夫唔再花太多時間去解釋了。iAcces集合多個中文輸入法，佢地最近測試緊新版iAcces 4，我史提芬夫當然同iAcces一班程式設計員好朋友聯絡，全港率先帶來最新的設計。我史提芬夫試用左一兩日，發覺最好的分別在於鍵盤設計好左，無以前個個咁鬼粗，而家新呢個雖然無咁靚，但打字時更加快和符合手型。
而係打字個陣，揀字的區域亦都大為縮細，無咁阻地方。值得一提係打倉頡個陣，可以好似係電腦咁，唔記得D碼既話，打粒*就得。要轉唔同既輸入法，方法亦與過往有唔同，iAcces 4係禁一禁空白鍵最左手面個個中文字就得，相比以前就咁打橫一掃有分別。可能我史提芬夫唔慣，我覺得舊個個易轉D。
iAcces 4話新版令大家打Emoji表情符號時的速度更快，禁一下*，再隨意禁鍵盤的掣，就可以揀唔同公仔。不過我就覺得，不如比個地球按鈕我，等我轉番日文Emoji鍵盤仲易揀公仔。
至於係設定入面，則和過往分別唔大，只係iAcces 4有得比大家揀主題，可以整自己鐘意的鍵盤款式，或者去下載都得。