5.5 吋 P9 Plus 幾時出? 4GB RAM 同步賣,華為 P9 香港定價搶先爆

Lawrence | Huawei
昨日就同大家分享過 HTC 10 的定價同埋即減細節。但今個星期除左 HTC 10 之外,其實華為重點旗艦 P9 都會發佈,以受歡迎程度來計,華為 P9 當然未必有 HTC 10 咁高。但就話題性而言,有 Leica 雙鏡頭點都會多人留意吧?今次就同大家分享埋有關華為 P9 的開賣細節,同時大陸現時都未正式開賣的 P9 Plus ,版主都收到相關消息了,一齊來睇睇啦!

//timgm.eprice.com.hk/hk/mobile/img/2016-04/26/205251/lawrencelaw_1_4546_10d85a8edad4b9e34550ef587491b6b1.jpg

 

4GB RAM 同步開賣,華為 P9 價錢跟足 Mate 8?

先講講今個星期會發佈的 P9 先。其實之前版主都聽聞, P9 會係短時間內到港開賣。所以版主同樣地去大鋪問完 HTC 10 預訂細節之後,再問埋華為 P9 ,果然有收獲!如果參考上一代 P8 的經驗,標準版同加強版推出時間並不一致,但來到 P9 呢?版主問過,不論是 4GB RAM 搭配 64GB 內置容量的高配版,還是 3GB RAM 搭配 32GB 內置容量的標準版,都會係同一日開賣,而預訂的話最快 30 號到貨。價錢方面,標準版的 P9 是 $3880 而高配版的 P9 是 $4480 ,同大陸賣價差不多一樣!

獨家評測 :與 Leica 深度合作 華為 HUAWEI P9 攝影實力好誇張!
▲ 華為 P9 版主個人覺得整部機都相當依重相機的表現,因為除了相機之外亮點實在不多呢。


5.5 吋 P8 Plus 有望到港,將會在 5 月尾登場?

如果喜歡大芒機的話,其實 P9 應該不是你想要的,反而 5.5 吋 P9 Plus 會更值得留意吧?目前 P9 Plus 即使係大陸都仍然未正式開賣,如果又參照上年經驗,同樣係大芒類別的 P8 Max 最終都沒有在香港推出。大家可能會以為 P9 Plus 不會到港開賣吧?以版主收到的消息而言,其實 P9 Plus 係有機會係香港推出的,最少會有金色一款,而暫定日期就會係 5 月尾,而且定價都有眉目了,大約係 $4880 ,沒有上到五千。但係,而家距離 5 月尾始終有成個月,大家還是先著眼於 P9 好過啦。唔知大家又點睇 P9 以及 P9 Plus 的價錢呢?留言講講吧!

不只螢幕更大!華為 P9 Plus 導覽
▲ P9 Plus 規格大致上同 P9 一樣,但係屏幕、電量、音效、自拍、觸控、遙控 6 個方面有提升,大家又覺得值唔值得入手?


更多有關華為 P9 的消息:

搶先小米 5!Leica 鏡頭華為 P9 登場日期確認 價錢唔太貴?
Leica 雙鏡頭加持!華為 P9 到港小米 5 即跌價,你點揀?
評測 : HTC 10、三星 S7 Edge、LG G5、華為 P9 攝力大對決
獨家評測 :與 Leica 深度合作 華為 HUAWEI P9 攝影實力好誇張!

華為 P9 於文章刊登時,香港價格未定,按這裡有更詳細規格及最新賣價
華為 P9 Plus 於文章刊登時,香港價格未定,按這裡有更詳細規格及最新賣價。​
廣告