不再企硬!華為 Mate 系旗艦正式清貨!大舖直劈 $1500 必 Buy?

左定坤 (Cho Ting Kwan) | Huawei
近期有乜手機抵玩?如果上個月你問版主,我會答你華為 Mate 10。雖然佢係一部大陸機,但老老實實華為手機絲毫不比其他國際大廠的手機差,各方面都做得到位,Leica 認證鏡頭影相又靚,唔似得某品牌掛蔡司鏡頭虛有其表。上個月衛訊推限時賣 $3999,其實呢個價算係幾抵。可惜,限時優惠做完,以為佢會順勢減價,點知我估錯咗,而家加返價但多咗嘢送。反而之前版主話死唔減價的舊代旗艦,今個月起又突然來個大劈價,直劈 $1500,也許是目前相對較值得買的一部手機?



Mate 10(Facebook).jpg



話明係 Mate 系舊代旗艦,聰明的網友一定會知道,版主今次要說的是華為 Mate 9。Mate 9 間間大舖個價都唔同,就以豐澤同百老匯為例,版主今日 (2/3) 在銅鑼灣時代廣場分店睇,百老匯仲係標價 $4280,而豐澤已經將佢大減價,推出了渣打信用卡優惠,只要你有渣打信用卡,就可以用 $3280 呢個價錢買機,相比原價直劈 $1500,如果無渣打信用卡,都只係 $3480。呢個價錢版主覺得可以再減的空間好低,網友認為呢個價係咪必 Buy 價呢?我覺得係囉,你又點睇呢? 



28534214_570684486623695_1027578065_n.jpg



華為 Mate 9 在文章發表時,大舖賣價為 $3280,按這裡有詳細規格及最新賣價
廣告