主題:清貨迎 Mate 20!華為 Mate 系旗艦新低價,平過 SUN Mobile 買!

ePrice HK
  • 發表時間:2018-08-17 20:49 收錄檢舉
    華為旗艦手機,近年來進步得很快,特別是 P20 Pro 的相機部份,其強大的夜拍技術,確實是吸引到不少網友,版主行場的時候,都見到有不少人在試玩 P20 Pro。事實上,P20 Pro 亦曾經是我的愛機,因為它真是能幫我去旅行時拍到不少靚相,所以版主下意識地,對 10 月即將發表的 Mate 20,有一點點的期待。雖然 Mate 20 尚未發表,不過現時的 Mate 系旗艦,已經出現了新低價。這個價,網友又會否考慮呢?睇下文啦!

    清貨迎 Mate 20!華為 Mate 系旗艦新低價,平過 SUN Mobile 買!

    今次減價的華為 Mate 系旗艦,是 Mate 10 系列。事實上,Mate 10 在一兩星期之前,已經減了價至 $3980,相比原價便宜 $800。當時就只有 Mate 10 減,而 Mate 10 Pro 則未有落價。而經開豐澤,原來 Mate 10 Pro 亦都已經減了價。問及幾時開始減,店員表示是昨日 (16/8) 開始轉價錢,最新賣價為 $5080,相比原價便宜 $1300。這個價錢,暫時是便宜過 SUN Mobile 價。

    清貨迎 Mate 20!華為 Mate 系旗艦新低價,平過 SUN Mobile 買!

    一直以來,版主都會說買 Mate 系列,絕對好過 P 系列,不過今次 P20 Pro 進步得太癲,所以如果 P20 Pro 同 Mate 10 Pro 相比,P20 Pro 應該是吸引一點。不過當然,P20 Pro 價錢相比 Mate 10 Pro 貴多千幾蚊,大家都係用 Kirin 970 處理器,內置 6GB RAM 以及 128GB ROM,大家都係有 Leica 認證鏡頭,不過不同的是,P20 Pro 係有三鏡頭,主鏡頭係用緊 4000 萬像素果粒感光元件,講影相的話,P20 Pro 係正啲,但講價錢,Mate 10 Pro 就相對便宜一點。

    不過,如果你對影相要求不算太高,而又無需要用到 NFC 的話,其實今日 (17/8) 正式開賣的 Nova 3,性價比都算挺高,同樣是 Kirin 970 + 6GB / 128GB 的組合,不過就無 NFC 同埋無 Leica 認證鏡頭,但賣價就只需 $3880,你又會唔會揀呢?

    華為 Mate 10 在文章發表時,大舖賣價為 $3980,按這裡有詳細規格及最新賣價
    華為 Mate 10 Pro 在文章發表時,大舖賣價為 $5080,按這裡有詳細規格及最新賣價
    華為 Nova 3 在文章發表時,大舖賣價為 $3880,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁