過萬炒價 Say Goodbye!1 吋 CMOS 手機 Panasonic CM1 行貨香港賣!

Eddie | Panasonic
記唔記得上次版主 Eddie 同大家試玩過既 Panasonic CM1 呢?呢部有 Leica 認證鏡頭既手機無論係拍攝反應同埋成像質素都好正,就差在係冇光學變焦加上炒價太貴難以入手。之前版主收風聽到呢部機炒價 $16,000 ,買到 Sony A6000 + RX100 III 再加多部旗艦機既價錢,我諗大家都唔會考慮佢啦,如果版主同你講呢部機行貨會番,你又點睇呢?

Leica 鏡頭香港實拍!Panasonic CM1 抵港鬥 HTC One M9
 

Panasonic Lumix CM1 星期四抵港!香港賣價唔過萬?

上次有網友問呢部 Panasonic Lumix CM1 點解可以炒到咁貴,其實第一批日本唔連合約既 CM1 相當限量,少貨當然就炒得起啦,而呢部機本身賣價都唔平,日本賣大約 12 萬日元(約 $7,815 港幣),預計香港會賣 $8,000 左右,點都平過而家過萬既炒價,而官方亦確認左香港賣的 Panasonic Lumic CM1 會支援香港的本地 4G LTE ,不過支援到什麼頻段就要等一等先知啦。點解要等一等?因為今個星期四 (4 月 30 日)就是香港 Panasonic CM1 的發佈會,香港行貨與賣價都會即刻確認,版主行過先達現時 CM1 炒價都要 $10,000 ~ $11,000 ,想買的話等多幾日可能有驚喜價啊!

如果你問版主呢部機值唔值得入,倒不如諗下自己鐘唔鐘意先!版主 Eddie 之前係試過呢部機,只有 4.7 吋屏幕的它論體積是塞到入褲袋,亦伸縮鏡頭設計令佢都唔會太厚,啟動相機的反應與速度都夠快,就差在冇得 Zoom 了。當然佢有 20MP 的 1 吋感光元件,這個物理規格做到其他手機做唔到的景深效果,亦有更好的銳利度與雜訊控制,而佢亦有真正光圈可以控制,不過冇光學變焦係一個遺憾(有仲得了?2 倍以上我即刻買!),要講缺點既話版主係覺得 2600mAh 電池真係唔夠用,如果當主機的話隨時用唔到半日啊!

今日版主都行過先達,見到 Panasonic Lumix CM1 炒價仍然過萬,就算二手都要 $8,200 以上的價位,相信行貨抵港會對水貨價錢有唔少影響啊!又有幾多網友係期待呢部機係香港登場呢?唔知會唔會有「上台月費」可以平價買呢?大家收到風既都可以討論一下啊!

Leica 鏡頭香港實拍!Panasonic CM1 抵港鬥 HTC One M9
▲想參考番 Leica 廣角鏡頭的成像?可以參考版主 Eddie 在香港的這篇實拍啊!

//timgm.eprice.com.hk/hk/mobile/img/2015-04/27/201807/unrealandy_3_4548_e87da0b581489698ef64b1435d2c7dbb.jpg
▲先達仍然寫限量 2000 部和有炒價,想買都係等多幾日啦

在文章發佈的時侯,Panasonic Lumix CM1 仍未公佈香港的定價,按此看詳細規格和最新賣價。
廣告