Sony Mobile 官方嘅回覆
1. 防水手機同埋 IP 規範嘅說明，一直都係喺實驗室度以清水測試。2. 唔建議喺海水入面使用，因為唔符合實驗室測試嘅條件。
3. 唔支援潛水用，因為水深會超過 IP 規範。
4. Sony Mobile 喺防水規範方面嘅說明一直都好詳盡，但有時會按情況而有所增減。
基本上官方無針對條款逐字說明，而係繼續強調上面果幾個防水使用嘅重點。不過睇番 Sony Mobile 官方網站，我哋發現到其實 Sony 叫人唔好喺水入面使用裝置呢方面，不過表達方法可能令網友有 D 誤會。我哋可以參考下以下網站：
網站一：不要在水中使用裝置
香港 Sony Mobile 官方網站唔止一個頁面有講到防水說明。例如今次引起關注嘅防水和防塵須知事項，全頁係咁講嘅:
▲ 官方提醒使用者無錯係可以防水，但「記得不要將您的裝置浸入水中」。
▲ 官方再強調「不要在水中使用裝置」，不過前面果句「在水中拍照或攝影」就可能令人摸不著頭腦。
▲ 官方表示 「IP等級係以備用模式於實驗室測試嘅結果」，講到明「唔好喺潛水、浮潛嘅時候使用裝置拍照」。
網頁二：在指定條件下可以在水中使用裝置
你可以見到呢個網頁係喺 Z5 嘅網站入面搵出黎嘅，而且有條 LINK 教你點樣去防塵防水，如果你想了解更多關於防塵防水嘅方法，可以 按此 。不過呢個版本嘅防塵防水須知，係有講到如果你部手機係符合 IPX8 防水標準，你係可以將部手機浸喺約 1.5 米深的淡水 (不含鹽) 長達 30 分鐘。
▲ 按入去「了解保持智能手機或平板電腦防水的方法」。
▲ 指出符合 IPX8 嘅手機喺可以浸在淡水中長達30分鐘，而張相都係水入面影嘅，你會感受到呢部手機真係可以在水中使用。
▲ Sony 提醒用家避免長時間把裝置放在池中。
就算手機有防水，都要小心使用
以上兩個網站都同時存在，但係當中嘅描述可能引起混淆，到底 Sony Xperia 嘅手機可唔可以喺水入面使用呢? 綜合Sony Mobile 嘅解釋同埋各個 Sony 網站嘅介紹，我哋嘅結論係：
1. 手機防水，使用有限制
手機可以防水係事實，不過這項數據來自測試，測試條件係清水，所以任何清水以外的水，都可能造成預期以外嘅傷害，呢點大家一定要記住。
2. 水下操作，使用有限制
在規範內的水下操作是可以的，但要確保幾個重點，包括保護蓋百分之百蓋好，並且符合網站上標示的所有條件（清水、深度、時間、硬體完好）。
3. 盡可能唔好喺水下操作
從網頁中我哋已經可以清楚知道，Sony 對防水手機嘅使用規範係越寫越詳細，例如官方提及到「請謹記，不要在水中使用裝置」。
4. 以後或者唔會再見到水中拍照的宣傳
睇番上面兩個版本嘅網頁介紹，同埋過去 Sony 防水手機嘅新聞稿、官網介紹，今次 Z5 系列都無再用水中拍照呢類嘅廣告用語。但喺過去，「水中拍照」呢類嘅字眼或者圖片其實成日可以見到。發生左今次嘅誤會，除非真係可以做到完全防水，如果唔係 Sony 應該都唔會再成日宣傳「水中拍照」呢一點。
5. 防水檢測以原廠氣密測試為準
Sony Mobile 喺檢查防水故障嘅時候，原廠會用上氣密測試；無論你係點樣入水而送回原廠維修，只要通過氣密測試就代表裝置硬體無問題，入水可能是人為；無通過氣密測試，就代表裝置本身嘅防水機能有問題，非人為的機會就相對較高。這套標準相信依然會係今後檢測入水故障嘅標準，所以無論你有無帶落水影相，送回原廠都唔會有人知。
客觀黎講，硬體支援防水，但使用嘅情境可能會有唔同，講清楚操作限制無錯係合理，不過，網友可能會因為 Sony 突然叫你「唔好喺水入面使用防水手機」，的確會令人感覺有點怪。不過，講清楚等你唔會用錯，好過你唔知，中左伏咪仲大鑊？大家怎麼想呢？歡迎留言講下丫。