主題:鬥 Dark 拍片、極黑拍照! Sony Xperia XZ2 Premium 用黑科技完勝

ePrice HK
  • 發表時間:2018-07-17 18:45 收錄檢舉
    最近網上見到,淺水灣 The Pulse 商場入面,多咗個好似幾靚嘅螢光花園,咁啱呢排 Sony 又借咗部最新旗艦 Xperia XZ2 Premium 俾我,而呢部手機最屈機嘅,係佢嘅夜攝能力,於是我就決定,一於帶埋呢部手機去,去玩之餘順便試下呢部 Xperia XZ2 Premium,睇下能唔能夠贏到另一部同樣以夜拍為賣點嘅旗艦手機。想知兩機火拼結果係點?Let's Go!

    鬥 Dark 拍片 + 拍照! Sony Xperia XZ2 Premium 黑科技完勝

    由即日起去到 9 月 30 日,喺淺水灣 The Pulse 商場 B1 樓,會有「秘密星球奇幻之旅」嘅活動,入面有好多螢光嘅佈置,可以俾大家影下相、打下卡 (不過要入場費架,小編平日去無預約,係要 $99 架)。呢個場,相信唔係全部手機鏡頭,都應付到,因為螢光色背後,係好黑嘅環境,Sony Xperia XZ2 Premium 嘅 Motion Eye Dual 全新雙鏡頭技術,夜攝效果大大提升,特別是拍片部份,真係好出色!我哋仲揀了一部同樣以夜攝效果為賣點嘅某中國品牌重點手機做比較,睇下 Xperia XZ2 Premium 係咪咁勁。
     

    Sony Xperia XZ2 Premium 相機具備四個超強賣點

    雖然個開頭好似有少少似遊記,不過始終呢篇係手機評測,點都要講下到底呢部 Sony Xperia XZ2 Premium,內藏乜嘢嘅「黑科技」。在相機部分,呢部 Xperia XZ2 Premium 主要有以下四個超強賣點:

    001:首部支持 Motion Eye Dual 雙鏡頭的 Sony 手機 —— 1900 萬像素 F1.8 彩色鏡頭 + 1200 萬像素 F1.6 黑白鏡頭,令成像細緻度更高,色彩對比更豐富。

    002:全新開發「AUBE 實時
    融合影像處理器」,配合彩色 + 黑白雙鏡頭,能夠在低光環境下拍攝低雜訊影像。

    003:無論是影相抑或拍片,都支持「極高感光度模式」,拍攝模式的感光度最高可達
    ISO 51200。

    004:支援 4K HDR 攝錄功能,可以拍到色彩好鮮豔奪目嘅影片

    005:五軸電子防震 (拍攝影片至最高 1080p 解像度),拍片穩定程度遠勝對手


    鬥 Dark 拍片 + 拍照! Sony Xperia XZ2 Premium 黑科技完勝
     

    比較 Sony Xperia XZ2 Premium 跟某中國品牌旗艦的夜攝技術

    睇完以上所講 Sony Xperia XZ2 Premium,有網友可能會問,其實市面上某個中國品牌嘅旗艦(下稱「旗艦A」,同樣都係以夜攝為「殺手鐧」,而 Xperia XZ2 Premium 在拍片部份更為出色。到底 Xperia XZ2 Premium 在夜攝時所用嘅技術,同對方有啲乜嘢唔同呢?
     
    Sony Xperia XZ2 Premium 某中國品牌旗艦 (旗艦 A)
    - 黑白與彩色鏡頭的光圈 F1.6 + F1.8
    - 極高感光度,最高支持 ISO 51200 (自動及手動模式) (17MP 模式)
    - 「AUBE 實時融合影像處理器」以獨特融合技術,在高感光度下都能保持低雜訊,而速度亦較快
    - 支持 4K HDR 技術,在拍片的時候可以令到顏色更鮮豔
    - 黑白與彩色鏡頭的光圈 F1.6 + F1.8
    - 彩色鏡頭感光件為 1/1.73 吋
    - 極高感光度,最高支持 ISO51200(只限自動模式及 10MP 像素)
    -  用「疊相」技術,夜拍時將幾張相疊合,將光度推高
    - 支持普通 4K 拍攝

    而對比起旗艦 A 的夜攝方式,利用 Sony Xperia XZ2 Premium 在夜拍時,既不用刻意開啟「夜攝模式」,在拍攝時又不用定定的等 3 - 4 秒,夜拍時除咗喺操作上會更容易之外,而且影相速度會相對更快。

    Sony Xperia XZ2 Premium 實拍
    以下小編會分兩個環節去俾網友睇下 Sony Xperia XZ2 Premium 的實拍效果,第一部份就係 Sony 最引以為傲嘅拍片測試,而第二部份則是實拍測試。廢話唔講咁多,直接用眼睇最實際!

    第一部份:拍片測試,比拼旗艦 (A)

    ▲ 首先要講嘅係,Sony Xperia XZ2 Premium 具備五軸電子防震技術,喺拍片嘅時候,你可以好明顯咁見到,XZ2 Premium 嘅穩定性好明顯係高過旗艦A,相信網友一定唔會睇唔出。

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 得益於 Sony Xperia XZ2 Premium 的極高感光度模式,就算係拍片都一樣可以去到好高嘅感光度,從上面的截圖中可以見到,在極黑的環境下 Sony XZ2 Premium 依然可以清楚見到葉嘅綠色,但旗艦A已經變得近乎漆黑一片,乜都睇唔到。

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 另外,Sony Xperia XZ2 Premium 有彩色 + 黑白雙鏡頭加持,可以見到色彩的飽和度,已經影片的對比度,Xperia XZ2 Premium 都做得比旗艦A出色。而後方圖像十分清晰,沒有過曝情況出現。

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 順帶一提的是,Sony Xperia XZ2 Premium 除咗支持 4K HDR 拍攝,同時佢個屏幕亦都可以看到 4K HDR 嘅影片,將佢同旗艦A拍埋一齊,就會好明顯見到分別,除咗對比度會高一點之外,連線條都相當清晰,燈泡每一點都可以看得清清楚楚。

    Sony Xperia XZ2 Premium 在拍片部份果然相當利害,所有「黑科技」加埋一齊,可以完勝旗艦A!不過,Xperia XZ2 Premium 唔單止拍片了得,喺影相部份亦都不容忽視,以下就順便俾埋大家睇下 XZ2 Premium 嘅試相啦!

    第二部分:影相測試

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 平時比較少去淺水灣,唔了解商場的架構,搵咗好耐終於搵到指示牌。

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 以為係電話亭?錯哂,佢其實係呢個螢光花園嘅入口嚟架!(相片大小: 5.5MB、ISO 250、F1.8 光圈、快門速度 1/15s)

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 入到去係伸手不見五指,只能見到牆壁好似星空嘅螢光效果。透過 Sony Xperia XZ2 Premium 嘅超高感光度模式,每一粒「星」,都可以好清楚地見到。(相片大小: 5.2MB、ISO 3200、F1.8 光圈、快門速度 1/15s)

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 叫得做花園,點都要有少少草睇下啦~ 其實如果現場肉眼睇,呢棵草真係黑到幾乎睇唔到。不過得益於 Xperia XZ2 Premium 嘅高感光度,再配合 AUBE 處理器,除咗可以連草嘅綠色都見得到,而且唔會覺得好多雜訊。(相片大小: 6.2MB、ISO 3200、F1.8 光圈、快門速度 1/15s)

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 如果講相嘅成像,你又覺得滿唔滿意呢?(相片大小: 6.3MB、ISO 320、F1.8 光圈、快門速度 1/15s)

    鬥 Dark 拍片 + 拍照! Sony Xperia XZ2 Premium 黑科技完勝
    ▲ 在自動模式下,小編問過一樣可以去到最高 ISO 51200,但實際上好少需要去到咁高感光度。而為咗想俾大家看看,到底有咁高 ISO 51200 有乜作用,小編就在 M Mode 下,同大家做個唔同感光度成像的對比。

    小結
    玩過咁多部 Sony 旗艦手機,小編覺得呢部 Xperia XZ2 Premium,喺夜攝部份可以帶到我一點驚喜,特別喺夜間拍片部份,更加係完勝某中國品牌旗艦。更重要係支持最高 ISO 51200 感光度,就算去到好暗嘅環境,都可以影得到,又唔使好似旗艦A咁,要 hold 住等 3 - 4 秒咁麻煩。呢部 Xperia XZ2 Premium,最適合鍾意夜晚出去散下步、隨手影下夜景嘅網友,如果你係呢類人,就一定要揀佢!

    資料由客戶提供
    快加入會員賺 EP!累積點數、免費換優質商品

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • SONY Xperia XZ2 Premium
    • 現時售價: HK $6,498
    • 尺寸: 158 x 80 x 11.9 mm / 236 g
    • 電池: 3540 mAh
    • 插卡: microSD
    • 螢幕: 3840 x 2160、 5.8 吋 IPS TFT
    • 相機: 1900 萬像素CMOS
    • 顏色: 黑/銀
    • 時間: N/A
    • 上市: 2018-07-20
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 無 3.5mm 耳機孔