外型美觀 尺吋遠遠大於 Mate 7
首先我會講下外型方面先，Lenovo Phab Plus 係香港會推出三種顏色，分別是灰、銀和金。呢部機最大的賣點喺大! 咁到底佢嘅大到咩嘢程度呢? 版主就用緊 Huawei Mate 7 ，Mate 7 本身個 6吋 MON 都叫大架啦! 今日見到 Phab Plus 之後呢，發現原來自己部 Mate 7 都係好細! 讓我見識到咩嘢小毛見大毛! 等我拼埋部機俾大家睇下佢同 Mate 7 相差幾遠啦!
▲ 個 MON雖大，但都唔算話好難上手嘅!
▲ 機身只有 7.6 mm，唔會話好厚。
▲ 背後設有雙色 LED 閃光燈。
▲ Phab Plus 、Mate 7 尺吋比拼圖。左邊是 Phab Plus，右邊是 Mate 7，感覺上就係阿爸同阿仔嘅分別。
▲ 再將佢地搭埋一齊，個對比更加明顯!
Phab Plus 即場跑分測試
呢部機 MON 就夠大喇! 而且佢亦配備了 Qualcomm Snapdragon 615 1.5 GHz 八核心處理器，咁到底佢實質嘅效能有幾高呢? 版主即場用了一些效能測試軟體跑分，等大家可以知道究竟呢部機嘅效能啱唔啱你心水。以下就有唔同嘅跑分俾大家參考一下：
▲ 安兔兔偵測到的系統資訊，採用了Android 5.0.2，並支援 64-bit 。 但最唔好嘅地方係佢無支援 NFC，版主會覺得吸引多啲。
▲ 呢部機安兔兔嘅跑分為 34532 分，比 HTC ONE 高一點，以 Qualcomm Snapdragon 615 配 FHD 芒黎講，實在是差不多這個分數。
▲ Basemark ES 2.0 係用黎測試手機運行 3D 的效能。36.79分的意思是玩普通 GAME 可以，但如果你玩 3D 遊戲的話，效果會無咁好，可能會有少許窒。
▲ Vellamo 可以測試三樣嘢，第一個 是Chrome Browser，可以測試到你用 Chrome 上網的流暢度，而 Phab Plus 呢部機運行嘅流暢度成績中等。剩低果兩個分別為 Metal 同埋 Multicore，分別係測試部機用單核同多核心同時運行時的效能，同其他機比較之下，其實成績都係一般。
可視角度廣闊
睇完上面嘅跑分，其實呢部機嘅性能比較普通，但如果俾我揀嘅話呢，我會想換左我部 Mate 7，用呢部 Phab Plus。對於我呢啲唔打機嘅人黎講呢，效能好與唔好對我黎講其實真係唔係好重要。我用手機最多就上下網睇下片，所以對我黎講一部手機最緊要係咩呀? 再三強調多次: 大! 我最中意大MON。最多加埋個 MON 靚，就已經心滿意足。經過今日呢個初體驗呢，我覺得呢部機個 MON 算係唔錯，感覺上比我部 Mate 7 好睇好多。睇下呢部機嘅可視角度你就知:
▲ 版主首先開左張相出黎，並將個螢幕亮度較到最高。
▲ 從低角度看去，也不會太暗，並沒有反白的情況。
單手操控方便
如果你係機不離手，食住飯都仲要用另一隻手按電話的話，呢部機可以幫到你。只要你在開住電腦嘅情況下，係屏幕度倒轉畫個「C」字，你就可以將你個畫面縮細，咁個畫面細左，你控制嘅範圍就相對細左，咁就可以方便你單手操控。我知道有啲機都有呢個功能，可能你會覺得無咩特別，但呢部機最特別之處係佢可以有3個唔同SIZE可以選擇，其他機只會有一個固定 SIZE。以下係版主親身示範呢項功能：
