魅族 MX 4 好賣到斷市?! $2,500 抵玩強機又有乜選擇?

Eddie | Meizu
整個九月、十月大家既目光都放左係 Apple 既 iPhone 度,睇都睇到有點悶了吧?不如同大家講一部性價比幾高既手機 魅族 MX 4 。之前佢地公佈定價 $2,298 起,以這個定價買到 FHD 等級的屏幕、八核處理器和 4G LTE 功能,市面上難以找對手吧!好可惜呢部機開賣左幾日就已經斷市買唔到,唔通好似 iPhone 咁一機難求?

//timgm.eprice.com.hk/hk/mobile/img/2014-10/08/179569/unrealandy_3_4567_bac0424f0b38b46f18e0eafd6cb4bb99.jpg

魅族 MX 4 火速斷市!官方:可以預訂、盡快安排到貨!

本來 魅族 MX 4 會在上個月底上市,不過官方把上市日期延後到 10 月 4 日,說是為了提供更好的體驗。不過去到今日在 魅族 指定的門市衛訊中仍然找不到 魅族 MX 4 ,這是為什麼呢?版主向店員問過,原來因為 魅族 MX 4 貨量不足,所以暫時只有衛訊的會員才可以購買,亦不是每間門市都有現貨發售,可以見到這部手機都相當搶手。

搶手既原因版主都唔需要多講,主要係因為性價比。 魅族 MX 4 (灰色)的 16GB 版本香港賣 $2,298 ; 32GB 版本賣 $2,549,而白色版本貴 $100 分別賣 $2,398 (16GB) 和 $2,649(32GB) ,而它採用的是 5.36 吋 1920 x 1152 IPS 屏幕, MTK  MT6595 4+ 4 核心處理器,分別是 2.2GHz  A17 架構四核心+ 1.7GHz A7 架構四核心、2GB RAM, 2070 萬像素的 Sony 鏡頭、200 萬像素前鏡頭、 3100mAh 內建式電池,這個價錢甚至比起 Sony Xperia Z1c 更便宜,對於追求像素的網友來說是性價比很高的選擇啊!

版主亦向魅族官方問過,的確在開賣初期魅族 MX4 有不夠貨的情況,不過他們可以預訂等到貨,他們亦會因為預訂的數量去盡快安排大家買得到。除了可以在衛訊和 csl. 訂機之外,其實旺角也有他們的專門店啊,按這裡可以在官網看到地址。

效能最高的性價比強機?魅族 MX4 真機上手+跑分測試!
▲Meizu MX 4 版主用緊,覺得薄機身真係算幾靚仔,不過發熱的感覺都幾明顯啊
 

場內 ASUS Padfond S 平 $200 你又買唔買?

等唔到魅族 MX4 既話,場內又有冇 $2,500 左右既性價比選擇呢?版主行過深水埗發現 ASUS Padfone S 場內平 $200 ~ $300 左右,賣價最平 $2,500。這部手機的特點是可以和平板組件合體,不過單睇手機既規格: 5吋 1920 x 1080 解像度屏幕、Qualcomm S801 2.3GHz 四核心處理器、2GB RAM、 16GB 容量(可支援外置插卡),1300 萬像素主鏡頭和 200 萬像素前鏡頭,內置 2300mAh 電池,這已經接近 HTC One E8 的規格吧icon

而平板組件方面場內定價 $1,299 就和大鋪一樣,版主用過的感覺就是邊框比較粗,機身也是比較重的一套手機+平板,但賣這個價錢有如此的規格,性價比也算很高吧。網友們會選擇等魅族 MX4 定係買 ASUS Padfone S 呢?留言講講意見吧!

//timgm.eprice.com.hk/hk/mobile/img/2014-10/08/179569/unrealandy_3_4567_20f2c7ea1e4ca3d66959ff265202c9ea.jpg
▲場內的 Padfone S 賣大約 $2,500 ~ $2,600 左右,比起官方定價 $2,799 便宜一點

在文章發佈的時侯, 魅族 MX 4 定價 $2,298 起,按此看詳細規格和最新賣價。
在文章發佈的時侯, ASUS Padfone S 定價 $2,798 ,按此看詳細規格和最新賣價。
廣告