支援中港 4G 、 3G ！魅族 PRO 5 勝在支援插卡？
係講到外型、效能等部份前，先講講有關 PRO 5 而大家又會好想知的重點先！前兩個月魅族推出性價比同規格兼備的 MX5 時，雖然不少網友讚賞部機的性價比以及在功耗上的處理做得唔錯，但同時又為到 MX5 對香港 4G 支援不完善（缺少了 FD-LTE 2600 ）而且不支援 SD 卡而覺得可惜。來到 PRO3 5 上，以上的問題都得到了正視（因為呢點從用家角度來講是相當緊要所以要講先）。今次 PRO 5 除左有雙卡外亦支援香港跟大陸的 3G 、 4G 頻段。另外，今次 PRO 5 亦都可以用 Micro SD 卡，最大可以支援 128GB ，即使選 32GB 版本都用怕容量不夠，但美中不足就係 SD 卡係同 Sim 卡槽共用的，所以插左 SD 卡就只能用單 Sim 了。
▲ 以往魅族的包裝盒都係以白色為主色，今次 PRO 5 就改為黑色盒，相信是用以分別 PRO 系列跟 MX 以及魅藍系列的分別吧！
▲ 32GB 版本跟機有 Sim 卡針、 Type C USB 線以發充電器，如果有埋 Type C 轉插就更好了。
▲大家放大可以見到，係支援頻段上 FDD LTE 有齊 1800 同 2600 。
▲最終， PRO 5 都能夠支援 SD 卡，相信令不少朋友大跌眼鏡吧！（但要同 Sim 卡槽共用係有點可惜）
外型感覺像 iPhone 但細節可見造工有進步
講到外型方面，有留意發佈會的朋友應該都已經清楚了解 PRO 5 的外型設計，而且大部份朋友心裡面第一句應該係：「嗯！有點似 iPhone 呢！」。呢點都係版主試玩時第一感受。如果仔細留意的話， PRO 5 係造工同設計上都有值得一提嘅要點的。第一點要讚就係，在 MX5 時魅族首次用上金屬一體成型的機身，但 MX5 有個小問題就係為了加入天線，機背的上下兩部份都改用左塑膠材質幅蓋，同時有一條銀邊係金屬部份機背和塑膠部機背的中間，而呢條邊係幾「刮手」的。來到 PRO 5 ，雖然整個機背的顏色仍然不是完全一致，對於追求完美的美學挑剔者來講仍然係會失望，但勝在機背不再有「刮手感」，而且機側按鍵感覺更實淨同好按，在造工上也是看到魅族有進步的！另一點就係，雖然今次魅族最終都沒有用到上一代 MX 4 Pro 一樣的超窄邊框，而且其邊框比起 Note 5 還要厚一點，但魅族就用上左 2.5D 曲面玻璃，都算係比到大家一點新鮮感。係用左 2.5D 玻璃的同時，魅族其實係邊框上都有花到少少心思，就係在玻璃與邊框之間加左一層膠，相信對保護玻璃會有一定的幫助。（版主未試完部機不敢玩 Drop Test ）
▲不知是不是用上 2.5D 玻璃的關係， PRO 5 予人感覺係比起 MX5 「高檔」一點的。
▲ 從上圖以及呢到都可以見到， PRO 5 的邊框不算很窄，但仍然手感卻很不錯！
▲同 MX5 一樣，Home 鍵有 mBack ＋ mTouch 兩項功能，另外 PRO 5 也改用了 USB Type C 了。
▲ 呢張相除左想比大家知道呢部其實都不是零售版本的 PRO 5 之外，亦想講係金屬材質機背與由塑膠材質所幅蓋的機背底部之間，係有一條薄邊的。以往 MX5 係呢個部份會有點刮手，來到 PRO 5 就好得多了。
屏幕質素跟 Note 5 相距不遠
係屏幕方面， PRO 5 跟 Samsung Galaxy Note 5 一樣用左 Super AMOLED 屏幕，但解像度上兩者是不同的，因為 魅族強調為左在發熱問題和功耗上做到平衡， PRO 5 只會有 FHD 解像度屏幕。版主將 Note 5 相比，感覺上係光度來講，在最光的狀態下 Note 5 更光亮的，而可視角度上就兩者表現都很不錯。感覺上 Note 5 以及 PRO5 在屏幕顏色上的取態是有點不同的， Note 5 顏色會更搶及更濃艷，而 PRO 5 就會淡少少，呢方面無分好同壞，只係睇個人口味了。另外，可能有朋友想知 2K 解像度的 Note 5 跟 FHD 解像度的 PRO 5 在細緻度上有沒有不同，今次版主終於見到了！但係要用相機影底左左兩部機個芒之後再放大幾倍來睇先見到呢！
▲ 其實高度為 156.7 的 PRO 5 係比起 153.2 的 Note 5 更為修長的，但係厚度上， PRO 5 卻比 Note 5 薄 0.1mm （ PRO 5 厚度為 7.5mm ， Note 5 為 7.6 ）。
▲ 光度上， Note 5 會比起 PRO 5 更光，而顏色也會更為濃烈。
▲而在可視角度方面，其實兩部機也很出現，即使在如此低角度也見以見到相片的文字。
▲大家又分唔分到邊張圖係 Note 5 的屏幕，邊張圖係 PRO 5 呢？放大來睇應該見到分到嘅。
效能依然頂級！ 3GB RAM 版 PRO 5 跑分照樣破七萬五！
雖然今次魅族以「不完美」來作為 PRO 5 的口號，但係在規格以及效能上真係好難話「唔完美」，因為用左現時效能超班的 Samsung Exynos 7420 八核 64-bit 處理器，基本上其他用上 Qualcomm S810 或者 MTK Helio X10 處理器的旗艦係好難及得上 PRO 5 的效能。而且，在用上 FHD 芒以及 UFS 2.0 內置容量同埋 DDR4 RAM 之後， PRO 5 在安兔兔上的跑分比起 Note 5 更加高！之前版主在會場內用過 4GB RAM 較為高階的版本上跑到 75051 呢個分數。今次版主開箱的係只有 3GB RAM 版本的 PRO 5 ，最高更加有 75852 呢個高分，看來跑分皇者都呢個地位都可以維持一段日子了。PRO 5 跑分雖然出色，但係呢啲其實只係一種參考，相信不少網友同樣好關心係發熱方面的問題。版主跑過兩次安兔兔，從 CPU Z 所提供的數據來講 PRO 5 在跑完分後大約溫度為 46 度左右，表現唔算話好熱，而且機背上都沒有發燙的感覺。當然，為左詳細咁試 PRO 5 的效能，版主已準備好 Download 晒所有 3D 大作通宵玩！（前題係要做曬手頭上工作先⋯⋯
)
▲即便唔係 4GB RAM 版， PRO 5 跑分都有 75852 呢個好表現，大家會否因此而選用較為便宜的 3GB RAM 版 PRO 5 呢？
▲ 在 Vellamo 方面，大抵上 PRO 5 也是很出色的，在多核以及金屬「單核心」兩方面都比起 Galaxy S6 更強，係瀏覽器方面較為遜色，可能係對 Chrome 支援未算完善？
▲在 BaseMark 2.0 上也有 59.37 FPS ，用來玩 Fifa 16 一定無問題啦！
▲用過兩次安兔兔跑分， PRO 5 的溫度大約都是在 46-47 度之間，但用手模機背卻不會覺得很熱。
最後，同以往一樣，既然有機係手大家有任何問題，或者有甚麼想試的東西，當然都可以留言講低啦，快點留言吧！
更多有關魅族 PRO 5 的文章：
跑分過 Note 5 ! Meizu PRO 5 外型 + 效能速睇Meizu PRO 5 火拼 Samsung Note 5，你會點揀?
唔駛四千，三星 Note 5 配備! 魅族 PRO 5 即日挑機
魅族 PRO 5 在文章發佈時，香港上市時間及售價未定，按這裏有詳細介紹及最新賣價。