Meizu PRO 5 火拼 Samsung Note 5，你會點揀?

左定坤 (Cho Ting Kwan) 2015-09-23 20:11 | Meizu

魅族 PRO 新品發佈會 2015 終於圓滿結束，今次發佈會嘅主角係 - Meizu PRO 5。呢部智能手機雖然出自陸廠，但無論硬件同軟件方面都做得唔錯，直頭可以媲美 Samsung Galaxy Note 5! 講就咁講，但實質比較係上嚟，孰優孰劣，就有待考究。故此，版主就即刻將 PRO 5 嘅高配版同 Note 5 呢兩部手機做個規格大比拼，睇下邊一部機更優勝!



其實一比之下，發覺 PRO 5 同 Note 5 係外型上都有唔少共通點。首先，PRO 5 同 Note 5 都同樣具備 5.7 吋 Super AMOLED 屏幕，PRO 5 嘅尺吋為 156.7 mm x 78 mm x 7.5 mm，而 Note 5 嘅尺吋為 153.2 mm x 76.1 mm x 7.6 mm，真係差不多。而兩部機係重量都無咩太大差別，只係 Note 5 比 Pro 5 重左 3 g 咁大把。仲有喺電量方面，PRO 5 的電量為 3050 mAh，而 Note 5 的電量為 3000 mAh，只相差 50 mAh。兩部機同樣具備 4G 雙卡雙待功能，並配備了 Exynos 7420 八核心處理器。


▲ PRO 5 與 Note 5 都使用了 Exynos 7420 八核心處理器。

   

▲ 其實個樣都有少少差唔多，採用了 5.7 吋屏幕，另外在尺吋、重量方面亦都相若。

講完兩部機的相近之處，以下將會同大家講下呢兩部機嘅不同之處：

PRO 5 比 Note 5 更快對焦
首先相機方面，雖然兩部嘅前置鏡頭都有 500 萬像素，但 PRO 5 採用了 2116 萬像素主鏡頭，而 Note 5 採用了 1600 萬像素主鏡頭，圍起黎喺相機方面 PRO 5 比 Note 5 更勝一籌。另外，PRO 5 設有三種不同的對焦，包括激光對焦、反差對照同埋相位對焦，而且配合 Sony 嘅 IMX 230 感光元件，對焦速度比 Note 5 更快。不過 Note 5 嘅相機啟動時間比 PRO 5 快 0.1 秒，呢個都係 Note 5 嘅優勝之處。

▲ PRO 5 比 Note 5 的優勢就是因為呢個 IMX 230。

PRO 5 比 Note 5 充電更快
PRO 5 支援 mCharge 2.0 快充技術，根據發佈會提供的資訊，能夠半個鐘將 PRO 5 舊電由 0% 叉到 65%，估計大約 1 小時就能夠將舊電叉滿。而 Note 5 的「閃電快充」需要 90 分鐘才能把 Note 5 舊電充滿，從充電速度來看，PRO 5 比 NOTE 5 更優勝。


▲ PRO 5 半個鐘就叉到 65%，約一小時就能夠叉滿電，比 Note 5 快少少咁。

PRO 5 跑分比 Note 5 更驚人
跑分方面，根據 Antutu 的計算，PRO 5 高階版的跑分超過 75000 分，成績相當驚人。而睇番 Note 5 嘅跑分， Note 5 的跑分為 70727 分。計跑分嘅話，PRO 5 嘅整體效能 比 Note 5 更強。不過咁，一部機好與唔好，唔係淨係睇佢跑分嘅，跑分只係一個參考數字。從數字上看，PRO 5 的跑分比 Note 5 高，相機像素又比 Note 5 高，對焦速度亦比 Note 5 快。但係實際用落嘅話，PRO 5 又係咪真係可以保持佢嘅水準呢? 咁就真係見仁見智! 如果 PRO 5 同 Note 5 俾你揀，你會中意邊部多啲?


▲ PRO 5 跑分為 75685 分。


▲ Note 5 跑分為 70727，比 PRO 5 低。


▲ 按呢到或圖片，進入 ePrice 規格比拼資料庫

Meizu PRO 5 在文章發佈，香港上市時間及售價未定，按這裏有詳細介紹及最新賣價。