魅藍 Note 3 外型細節、上手感全曝光!
▲ 魅藍 Note 3 一共有白、銀、金三種顏色選擇，而版主手上呢部，是銀色的魅藍 Note 3。
▲ 同上代唔同嘅係，魅藍 Note 3 採用了 1080p 2.5D 屏幕，你會見到個芒好似有少少曲面的感覺，魅族表示，魅藍 Note 3 的 2.5D 屏幕，相比 Pro 5 更弧，不過版主自己覺得，同 iPhone 6s 相比，魅藍 Note 3 相對地無咁弧，如果你有機會，試下摸下條邊，就會感覺得到。
▲ 另外，你可以見到魅藍 Note 3 依然保留了上代的腰形 HOME 鍵，不過，魅藍 Note 3 今次採用了支持指紋辨識的 HOME 鍵。
▲ 魅藍 Note 3 同樣具有 500 萬像素的前置鏡頭以及 sensor。
▲ 背面來看，可以見到魅藍 Note 3 改用了金屬機身設計，而呢種金屬摸落去的質感，同紅米 Note 3、Pro 5 的感覺差不多，不同的是，如果你敲落去部機度，你會發現紅米 Note 3 感覺上好似比較空心，而魅藍 Note 3 係會實啲。另外，魅藍 Note 3 的機背大大隻字寫住「MEIZU」的字樣。
▲ 後置鏡頭有 1300 萬像素，而鏡頭下方則設有補光燈，成個相機嘅設計都同上代分別不大。
▲ 機的右側會有開關鍵以及音量鍵。
▲ 而機的另一側則有插槽孔，需要用針「吉」佢出黎。
▲ 底部會有 microUSB 插槽，同時亦有喇叭以及收音孔。
▲ 至於機的頂部，則有 3.5mm 耳機孔。
▲ 厚度方面，上代的厚度為 8.7mm，今代仲要再薄啲添，有 8.2mm，係咪明顯覺得薄左呢? 我覺得又唔係太明顯，但唔好忘記的是，魅藍 Note 3 具有 4100mAh 電池，8.2mm 真係一啲都唔厚。
現場即試跑分! 比上代高左定低左呢?
▲ 魅藍 Note 3 運行 Android 5.1 64-bit 作業系統，而版主手上呢部，係 2GB RAM + 16GB ROM 的版本。
▲ 魅藍 Note 3 配備了 MTK Helio P10 處理器，跑分結果為 43130 分，相比上代採用 MTK MT6753 的魅藍 Note 2，明顯係高左啲嘅。不過呢個分數感覺來說又唔算特別高，可能現場展示機未調整好個系統，所以分數可能會偏低吧?
▲ 留意一下呢部魅藍 Note 3 的 GPU 性能，在 3D 性能方面，魅藍 Note 3 的得分只有 5418 分。
▲ 比較一下同樣用緊 MTK U、配備 X10 處理器的 HTC One X9，同樣使用安兔兔 6.0.1 進行跑分測試，X9 的 3D 性能分數有 11781 分，可想而之，MTK P10 的 GPU 性能不及 X10。
在文章發佈時，魅藍 Note 3 (標準版) 上市日期未定，按這裡有詳細規格及最新賣價。
在文章發佈時，魅藍 Note 3 (高配版) 上市日期未定，按這裡有詳細規格及最新賣價。
魅藍 Note 3 發表 + 評測相關文章
【推到完場】5.5 吋 Full HD 大芒! 魅藍 Note 3 版主搶先直擊
一千有找 5.5 吋 Full HD 芒 + 4100 核電! 魅藍 note 3 登場
千元大陸機! 魅藍 Note 3 vs 紅米 Note 3 vs Le 1s 拼規格、比外型
最平價 2.5D 芒手機? 魅藍 Note 3 極速上手 + 跑分評測
三回合! 版主試魅藍 Note 3 電量 4100mAh 就是如此強
