主題:三回合! 版主試魅藍 Note 3 電量 4100mAh 電就是如此強

ePrice HK
  • 發表時間:2016-04-07 10:04 收錄檢舉
    魅族昨日發表了千元有找的魅藍 Note 3,睇完發佈會之後,不知大家對呢部手機有乜野睇法呢? 在外型上勝過同價位的紅米 Note 3 不在話下,而魅藍 Note 3 其中一個最引死人的地方,在於佢嘅 4100mAh 核電,就算佢未必係一部十全十美的電話,但佢有咁多電量,一千蚊左右買黎做下「蛋仔」、睇下片、打下機,都係一個不錯的選擇。在發佈會上,魅族就表示魅藍 Note 3 的續航能力好強,就因為咁,版主就想為大家測試一下,到底係咪真係如佢所說咁持久!

    三回合! 版主試魅藍 Note 3 電量 4100mAh 電就是如此強

    Round 1:串流播放 Viu 劇集
    首先來到第一回合! 第一回合版主想測試一下,如果我用 LTE 網絡串流影片,到底可以睇到幾多小時 (本來想試下連 Wi-Fi,可惜所在的酒店 Wi-Fi 用唔到,唯有俾大家睇下用 LTE 網絡串流影片的成績)。咁同大家講下版主手機的 setting 啦! 首先版主將「自動亮度」關上,然後將手機的亮度調至最光。除此之外,我亦將音量調至大約 75% 左右 (如下圖)。今次用來測試的影片串流軟件是 Viu,點解會用 Viu 唔用 YouTube 呢? 其實版主我本來都想用 YouTube 架,不過可能係因為版主手上的魅藍 Note 3 係用緊大陸 firmware 的關係,一開 YouTube 就彈 App,所以最後就決定用 Viu,播放《太陽的後裔》。而播放的過程中,我亦將影片的質素調到最高清的版本。

    三回合! 版主試魅藍 Note 3 電量 4100mAh 電就是如此強  三回合! 版主試魅藍 Note 3 電量 4100mAh 電就是如此強
    ▲ 如剛才所說,我將音量調到約 75% 左右,而亮度則調到最光。

    三回合! 版主試魅藍 Note 3 電量 4100mAh 電就是如此強
    ▲ 影片開始播放是晚上 9 時 21 分,當時的電量仍然是 100%。

    三回合! 版主試魅藍 Note 3 電量 4100mAh 電就是如此強
    ▲ 過了半小時之後,電量扣左 7%,即係大約用左 287mAh,淨番 93%。

    三回合! 版主試魅藍 Note 3 電量 4100mAh 電就是如此強
    ▲ 一小時之後,電量剩餘 86%,代表左如果用 4G 網絡串流睇片,大約每半小時就會消耗 7% 電左右,因此一小時就消耗左 14% 電,即約 574mAh。由此推算,4100mAh 電量的魅藍 Note 3,在 4G 網絡下,大約可以連續播放 7 小時 8 分鐘左右的全高清影片。七小時喎,唔駛返工呀你。

    Round 2:手機當「蛋仔」,share 俾人串流睇 Viu 劇集
    自己睇片就話可以連續睇到超過 7 小時的全高清影片,咁如果我 share Wi-Fi 俾朋友串流睇片,又會唔會好食電呢? 版主我就利用華為 Mate 8 幫手,進行測試。今次呢我就用魅藍 Note 3 share Wi-Fi 出黎,而華為 Mate 8 連上 Wi-Fi,在 Mate 8 身上同樣 set 番 Round 1 的設定,即音量 75%、亮度 100%,利用 Viu 播放最高清版本的《太陽的後裔》,結果又如何呢? 即刻睇睇!

    三回合! 版主試魅藍 Note 3 電量 4100mAh 電就是如此強
    ▲ 今次係魅藍 Note 3 做蛋仔 share Wi-Fi 俾 Mate 8,然後熄芒,而 Mate 8 用 Viu 播高清片。

    三回合! 版主試魅藍 Note 3 電量 4100mAh 電就是如此強  三回合! 版主試魅藍 Note 3 電量 4100mAh 電就是如此強
    ▲ 左圖為開始測試的時間,晚上 10 時 51 分,當時的電量為 87%;而右圖則為半小時後的電量,有 85%,即係話,串流半小時,只消耗 2% 電,即約 82mAh,換算上來,4100mAh 電量的魅藍 Note 3,可以 share Wi-Fi 俾朋友連續使用超過 25 小時 (版主連續播放影片,先用左 2% 電,如果你正常使用,應該可以用得更耐),實在有點誇張!

    Round 3:魅藍 Note 3 打《GT Racing 2》
    而家智能手機的主要用途,唔再單單係打電話、發訊息,十個有八個用家 (特別是年青一輩果班),都會利用智能手機來打機。版主就測試一下,魅藍 Note 3 的 4100mAh 電量,到底可以打機打到幾耐。版主同樣將魅藍 Note 3 接上 4G LTE 網絡,手機的亮度調到最光,無開任何省電的功能,玩賽車遊戲《GT Racing 2》,結果又如何呢? 即刻睇下啦!

    三回合! 版主試魅藍 Note 3 電量 4100mAh 電就是如此強
    ▲ 版主將魅藍 Note 3 接上 4G LTE 網絡,手機的亮度調到最光,無開任何省電的功能,玩賽車遊戲《GT Racing 2》。

    三回合! 版主試魅藍 Note 3 電量 4100mAh 電就是如此強
    ▲ 開始遊戲的時間是凌晨 12 時 35 分,當時的電量有 81%。

    三回合! 版主試魅藍 Note 3 電量 4100mAh 電就是如此強
    ▲ 半小時之後,魅藍 Note 3 的電量剩餘 69%,即扣左 12% 電,大約消耗了 492mAh 電量,換算上來,魅藍 Note 3 的 4100mAh 電池,大約可以連續連住 4G 網絡打機約 4 小時 10 分鐘。

    GeekBench 3 軟件測續航力
    其實仲有 Round 4 的,不過由於時間所限,版主我馬上就要從北京飛回香港,因此版主將會在番來香港之後,再進行 GeekBench 3 測試,睇下軟件測試到佢的續航能力有幾持久。

    ***8/4 補充資料
    咁電量大,係咪一定好耐用呢? 未必,電量固然重要,但手機所用的 SoC、處理器、UI、省電功能等等,都會影響到手機的續航能力。而今次我亦都用上 GeekBench 3 電量測試軟件,測試魅藍 Note 3 的續航力有幾長。佢會以處理器係 75% 速度不停運作,模擬日常生活的使用。在 GeekBench 3 測試之前,首先我要將魅藍 Note 3 set 做飛航模式,以減少 4G 訊號強弱的變數,而得到的運作時間大約乘二,就接近一個中用量用家上網、睇 Facebook、覆 whatsapp、聽歌的時間。

    三回合! 版主試魅藍 Note 3 電量 4100mAh 電就是如此強
    ▲ 4100mAh 電量的魅藍 Note 3 在 GeekBench 3 得出的結果是 12 小時 33 分 20 秒,而 Battery Score 亦高達 7533,成績相當不錯。如果你係中用量的用家,估計就算你用 4G 或者 Wi-Fi 係咁上網、睇 Facebook、覆 whatsapp、聽歌,你都可以用成日都唔需要充電,是有這個可能性的。

    小結:大電量有好處
    經過一連串的測試之後,版主認為呢部魅藍 Note 3 的續航能力不錯,但未必係因為佢相對省電,而是因為多得佢嘅 4100mAh 核電。即係話,魅藍 Note 3 只係做番佢應該做嘅野,不過不失咁,但驚喜並不算太大。經過實測之後,版主發現呢部魅藍 Note 3 無發佈會所講咁勁,唔係話呢部魅藍 Note 3 唔好,如果你睇番呢個定價來說,其實用黎做蛋仔、睇片、打機都真係不錯!  網友點睇呢?

    在文章發佈時,魅藍 Note 3 (標準版) 上市日期未定,按這裡有詳細規格及最新賣價
    在文章發佈時,魅藍 Note 3 (高配版) 上市日期未定,按這裡有詳細規格及最新賣價

    魅藍 Note 3 發表 + 評測相關文章
    【推到完場】5.5 吋 Full HD 大芒! 魅藍 Note 3 版主搶先直擊
    一千有找 ​5.5 吋 Full HD 芒 + 4100 核電! 魅藍 note 3 登場
    千元大陸機! 魅藍 Note 3 vs 紅米 Note 3 vs Le 1s 拼規格、比外型
    最平價 2.5D 芒手機? 魅藍 Note 3 極速上手 + 跑分評測

    三回合! 版主試魅藍 Note 3 電量 4100mAh 就是如此強
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 魅族 M3 Note
    • 現時售價: 已下市
    • 尺寸: 153.6 x 75.5 x 8.2 mm / 163 g
    • 電池: 4100 mAh
    • 插卡: microSD
    • 螢幕: 1920 x 1080、 5.5 吋 IGZO
    • 相機: 1300 萬像素CMOS
    • 顏色:
    • 時間: N/A
    • 上市: 2016-06-04
    • 外型: 直立
      • 3G
      • 無 HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔